«Ҝөзәтчи Гүлләси» илә әлагәдар мараглы дәјишикликләр!
1 Бу илин әввәлиндә бүтүн јығынҹаглар мараглы е’лан алмышдыр: 2008-ҹи илин јанварындан е’тибарән «Ҝөзәтчи Гүлләси» ики јени үсулда — бири ҝениш халг күтләси, диҝәри исә мәсиһчи гардашлығы үчүн чап едиләҹәк! Сән соруша биләрсән: «Ики журнал бир-бириндән нә илә фәргләнәҹәк? Нә үчүн ики мүхтәлиф нәшр олаҹаг? Бу нәшрләрдә һәр һансы бир јенилик олаҹагмы?»
2 Фәргләр. Ајын бири үчүн олан сај «Күтләви нәшр» адланаҹаг. Бу сајда олан бүтүн мәгаләләр ҝениш халг күтләси үчүн нәзәрдә тутулаҹаг. Ајын 15-и үчүн олан нәшр «Тә’лим нәшри» кими танынаҹаг вә тәблиғ хидмәтиндә пајланмајаҹаг. Бу сајда бир ај әрзиндә өјрәниләҹәк бүтүн мәгаләләр, о ҹүмләдән һәср олунмуш мәсиһчиләр үчүн хүсусилә мараглы олан әлавә мәгаләләр олаҹаг. «Ҝөзәтчи Гүлләси»нин «Күтләви нәшр» сајы Шаһидләр үчүн мараглы олса да, әсас е’тибарилә Мүгәддәс Китаба иман едән, амма мәсиһчи олмајан инсанлар үчүн нәзәрдә тутулуб. «Ојанын!» журналы исә, әксинә, скептикләри вә башга динә гуллуг едән инсанлары да дахил етмәклә, ҝениш күтлә үчүн чап едиләҹәк.
3 Үстүнлүкләр. «Тә’лим нәшри» сајында, Шаһид олмајанларын баша дүшмәси үчүн бә’зи терминләрин, мәсәлән, «пионер» сөзүнүн изаһына еһтијаҹ олмајаҹаг. Һәмчинин бу нәшрдә олаҹаг мә’луматлар хүсусилә Јеһованын Шаһидләри вә руһани наилијјәтләр едән Мүгәддәс Китаб өјрәнмәләри үчүн һазырланаҹаг. Бәс «Күтләви нәшр» һаггында нә демәк олар? Мөвзулар вә јазы үслубу бирбаша ҝениш халг күтләси үчүн олдуғуна ҝөрә, Јеһованын Шаһиди олмајанлара бу журналы башдан-ајаға охумаг хош олаҹаг. Сөзсүз ки, Јеһованын Шаһидләри бүтүн мәгаләләри охумагдан фајдаланаҹаглар. Тәблиғдә һәр ај јалныз бир «Ҝөзәтчи Гүлләси» вә бир «Ојанын!» журналы пајлајаҹағымыз үчүн, ај әрзиндә еффектив тәгдимәләр һазырлаја биләҹәјик.
4 Јени сәҹијјәви хүсусијјәтләр. «Ҝөзәтчи Гүлләси»нин «Күтләви нәшр» сајы үчүн јени мараглы рубрикалар планлашдырылыр. Бурада, Мүгәддәс Јазыларын әсас тә’лимләри чох садә үслубда мүзакирә олунаҹаг. Диҝәриндә, Мүгәддәс Китабын аиләләрә неҹә көмәк етдији ҝөстәриләҹәк. Ҝәнҹләр үчүн Мүгәддәс Китабы өјрәнмәјә даир планлар олаҹаг. «Ҝөзәтчи Гүлләси»нин һәр сајында Мүгәддәс Китабдан мүәјјән парчаларын көмәјилә Јеһованын шәхсијјәтини ачыглајан мәгаләләр олаҹагдыр.
5 Јеһоваја дуа едирик ки, «Ҝөзәтчи Гүлләси» үчүн олан бу јени дәјишиклијә хејир-дуа версин. Гој һәмин журнал «Ојанын!» журналы илә бирликдә, хош хәбәрә лајиг олан даһа чох инсана чатсын (Мат. 10:11).