Аиләви ибадәт хилас олмаг үчүн чох ваҹибдир!
‘КҮЛЛ-ИХТИЈАР Аллаһын бөјүк ҝүнүндә баш верәҹәк мүһарибәнин’ неҹә дә горхунҹ олаҹағыны тәсәввүрүнүзә ҝәтирин! (Вәһј 16:14). Микеја пејғәмбәр образлы ифадә васитәләриндән истифадә едәрәк јазыр: «Од јанында әријән мум тәк... дағлар әријәҹәк, тәпәләрдән ҝәлән селләр тәк јарғанлар ачаҹаг» (Мик. 1:4). Јеһоваја хидмәт етмәјәнләрин агибәти неҹә олаҹаг? Аллаһын Кәламында дејилир: «О ҝүн Рәбб дүнјаны бир уҹундан о бири уҹуна гәдәр өлдүрүләнләрлә долдураҹаг» (Јер. 25:33).
Бу хәбәрдарлыглары нәзәрә алараг аилә башчылары — о ҹүмләдән ушагларыны тәк бөјүдән валидејнләр — јахшы оларды ки, кифајәт гәдәр бөјүк олан ушаглары барәдә өзләриндән сорушсунлар: «Онлар Һар-Меҝидонда сағ галаҹаглармы?» Мүгәддәс Китаб әмин едир ки, јашларынын јол вердији гәдәр Јеһова илә сых мүнасибәтләри оларса, онлар сағ галаҹаглар (Мат. 24:21).
Аиләви ибадәт үчүн вахт ајырмағын ваҹиблији
Бир валидејн кими, ушагларынызы Јеһованын ‘тәрбијә вә нәсиһәти илә бөјүтмәк’ үчүн әлиниздән ҝәләни един (Ефес. 6:4). Валидејнләрин ушаглары илә Мүгәддәс Китабы өјрәнмәси олдугҹа ваҹибдир. Арзумуз будур ки, ҝәнҹләримиз Филипидәки мәсиһчиләрә бәнзәсинләр. Павел онлары Јеһоваја итаәткар олдуглары үчүн тәрифләјәрәк јазырды: «Севимли гардашларым, нәинки мән јанынызда оланда, һәтта даһа чох инди мән олмајанда, һәмишә итаәтли олдуғунуз кими, өз хиласынызы баша чатдырмаг үчүн горху вә ләрзә илә һәрәкәт един» (Филип. 2:12).
Ушагларынызын јанында олмајанда онлар Јеһованын ганунларына риајәт едирләрми? Онлар мәктәбдә өзләрини неҹә апарырлар? Ушагларыныза неҹә көмәк едә биләрсиниз ки, Јеһованын ганунларынын мүдрик олдуғуну баша дүшсүнләр вә сиз јанларында олмајанда белә онлара әмәл етсинләр?
Аиләви ибадәт ушагларынын иманынын мөһкәмләнмәсиндә бөјүк рол ојнајыр. Буна ҝөрә дә ҝәлин аиләви Мүгәддәс Китаб өјрәнмәсинин даһа сәмәрәли олмасы үчүн үч ваҹиб амили нәзәрдән кечирәк.
Мүнтәзәм олун
Мүгәддәс Китаб ҝөстәрир ки, Аллаһын сәмави оғуллары тәјин олунмуш вахтда Онун һүзуруна ҝәлдиләр (Әјј. 1:6). Сиз дә ушагларынызла бирликдә аиләви ибадәт кечирмәк үчүн дәгиг ҝүн вә вахт тәјин един вә она риајәт един. Бундан әлавә, һәр еһтимала гаршы аиләви ибадәт үчүн башга ҝүн дә сечин.
Јол вермәјин ки, вахт кечдикҹә сиздә аиләви өјрәнмәни нә вахт ҝәлди, неҹә ҝәлди кечирмәк мејили јарансын. Јадда сахлајын ки, сиз илк нөвбәдә өз ушагларынызы өјрәтмәлисиниз. Шејтан онлары өз торуна салмаг истәјир (1 Пет. 5:8). Әҝәр сиз аиләви ибадәт ахшамы үчүн ајырдығыныз дәјәрли вахты телевизора бахмаға вә ја башга аз әһәмијјәтли ишләрә сәрф едирсинизсә, әлбәттә, Шејтан гәләбә чалаҹаг (Ефес. 5:15, 16; 6:12; Филип. 1:10).
Гој аиләви ибадәтиниз практики олсун
Аиләви ибадәт ахшамы садәҹә билик алмаг үзрә мәшғәләләрә бәнзәмәлидир. Чалышмаг лазымдыр ки, о, практики олсун. Буну неҹә етмәк олар? Вахташыры ушагларынызын гаршылаша биләҹәји вәзијјәтләрә ујғун мөвзулар сечин. Мәсәлән, хидмәтдә баш верән һадисәләри сәһнәләшдирмәк олар. Адәтән, јахшы баҹардыглары ишләрлә мәшғул олмаг ушагларын хошуна ҝәлир. Тәгдимәләри мәшг етмәјин вә етиразларын өһдәсиндән ҝәлмәјин үсулларыны фикирләшиб тапмағын сајәсиндә онлар хидмәтин мүхтәлиф нөвләриндә иштирак едәркән өзләрини даһа сәрбәст һисс едәҹәкләр (2 Тим. 2:15).
Сиз һәмчинин ушагларынызла бирликдә һәмјашыдларынын тәзјигләринин өһдәсиндән ҝәлә билмәләринә көмәк едәҹәк мүхтәлиф вәзијјәтләри сәһнәләшдирә биләрсиниз. «Ҝәнҹләрин суаллары. Практики мәсләһәтләр», II ҹилдинин (рус.) 15-ҹи фәслини аиләликҹә мүзакирә етмәк олар. 132 вә 133-ҹү сәһифәдә олан «Һәрәкәт планы!» адлы чәрчивәдә неҹә ҹаваб вермәјә вә нә етмәјә даир конкрет мәсләһәтләр верилир вә ушагларыныз өзләринә мүнасиб оланыны сечә биләрләр. 133-ҹү сәһифәнин ахырында ҝәнҹләр тәшвиг олунур: «Ҹаваблары валидејнләринлә вә ја јеткин достунла мәшг ет». Нәјә ҝөрә бу ҹүр мәшғәләләри вахташыры олараг аиләви ибадәт ахшамы кечирмәјәсиниз?
Аиләви ибадәт валидејнләрә руһани мәгсәдләрә ҹан атмағын нә гәдәр фајдалы олдуғуну өз ушагларына изаһ етмәјә имкан јарадыр. Буна даир «Ҝәнҹләрин суаллары» китабынын ЫЫ ҹилдинин «Һәјатымы нәјә һәср едим?» адлы 38-ҹи фәслиндә әла мәлумат вар. Бу фәсли мүзакирә едәркән ушагларыныза ҝөстәрмәјә чалышын ки, Јеһоваја хидмәти әсас јерә гојмаг ән јахшы һәјат јолудур. Ушагларынызын үрәјиндә пионер олмаг, Бет-Елдә хидмәт етмәк, Хидмәти Тәкмилләшдирмә Мәктәбиндә охумаг вә ја бу кими диҝәр таммүддәтли хидмәт нөвләриндә иштирак етмәк истәји јарадын.
Бәзи валидејнләр, јахшы нијјәтдән ирәли ҝәләрәк, диггәтләрини ушагларынын ҝәләҹәкдә ким олаҹагларына о гәдәр ҹәмләјирләр ки, онларын һал-һазырда етдикләрини ҝөздән гачырырлар вә бунунла онлар сәһвә јол верирләр. Әлбәттә, ушаглары гаршыларына Бет-Ел вә миссионер хидмәти кими мәгсәдләр гојмаға тәшвиг етмәк јахшыдыр. Лакин диггәтли олун ки, јүксәк тәләбләриниз онлары гыҹыгландырыб руһдан салмасын (Колос. 3:21). Һәмишә јадда сахлајын ки, оғлунуз вә ја гызыныз сиз истәдијиниз үчүн јох, өзләри истәдикләри үчүн Јеһованы севмәлидирләр (Мат. 22:37). Буна ҝөрә дә јахшы етдикләри ишләрә ҝөрә онлары тәрифләјин вә диггәтинизи етмәдикләри шејләрә ҹәмләмәјин. Онларын үрәјиндә Јеһованын етдији һәр шејә ҝөрә миннәтдарлыг инкишаф етдирин. Сонра ҝөрүн, ушагларынызын үрәји Јеһованын хејирхаһлығына неҹә һај верәҹәк.
Аиләви өјрәнмәни мараглы един
Аиләви ибадәт ахшамынын сәмәрәли олмасынын үчүнҹү үсулу исә ону мараглы кечирмәкдир. Буну неҹә етмәк олар? Сиз һәрдән Јеһованын Шаһидләри тәрәфиндән бурахылан аудиодрамалара гулаг аса вә ја видеофилмләрә бахыб мүзакирә едә биләрсиниз. Јахуд Мүгәддәс Китабдан бир парчаны роллара бөлүб охумаг олар.
«Ҝөзәтчи Гүлләси» вә «Ојанын!» журналларында аиләви өјрәнмә үчүн чохлу мараглы рубрикалар вар. Мәсәлән, «Ојанын!» журналынын 31-ҹи сәһифәсиндәки «Неҹә ҹаваб верәрдиниз?» адлы рубрикадан истифадә едә биләрсиниз. «Ҝөзәтчи Гүлләси»нин күтләви нәшриндә бир журналдан бир «Ҝәнҹ охуҹуларымыз үчүн» адлы рубрика дәрҹ олунур. Бу рубрика вә балаҹа ушаглар үчүн нәзәрдә тутулан «Ушагларынызы өјрәдин» адлы рубрика нөвбә илә бир-бирини әвәз едир.
«Ҝәнҹләрин суаллары» китабынын ЫЫ ҹилди кими, ејнилә «Ојанын!» журналында «Ҝәнҹләрин суаллары» рубрикасында чыхан мәгаләләр дә јенијетмә ушаглары олан валидејнләр үчүн чох мараглы олаҹаг. Бу китабы истифадә едәркән һәр фәслин сонунда «Сән неҹә дүшүнүрсән?» адлы чәрчивәни садәҹә ҝөздән кечирмә. О тәкҹә тәкрар үчүн нәзәрдә тутулмајыб. Аиләви мүзакирәни чәрчивәдәки суалларын үзәриндә гурмаг олар.
Еһтијатлы олун ки, аиләви өјрәнмә сорғу-суала дөнмәсин. Мәсәлән, ушағынызы «Мәним ҝүндәлијим» адлы чәрчивәдә вә ја китабын башга јериндә јаздығы шәхси фикирләрини уҹадан охумаға мәҹбур етмәјин. 3-ҹү сәһифәдә олан «Валидејнләр үчүн гејд»дә дејилир: «Ушағыныз үрәјиндә оланлары сәрбәст јаза билсин дејә иҹазәси олмадан онун китабына бахмајын. Ола билсин, вахт ҝәләҹәк, о, өзү јаздыгларыны сизинлә бөлүшмәк истәјәҹәк».
Аиләви ибадәтиниз мүнтәзәм, практики вә мараглы кечәрсә, Јеһова сәјинизи бол-бол хејир-дуаландыраҹаг. Аиләви өјрәнмә үчүн нәзәрдә тутулан бу хүсуси вахт әзизләринизин руһән мөһкәм вә сағлам галмасына көмәк едәҹәк.
[31-ҹи сәһифәдәки чәрчивә]
Јарадыҹылыг габилијјәтинизи ишә салын
«Әрим вә мән балаҹа гызларымызла аиләви өјрәнмә заманы јығынҹағын програмындакы материалы мүзакирә едирдик вә сонда онлардан баша дүшдүкләрини чәкмәји хаһиш едирдик. Бәзән Мүгәддәс Китаб һекајәләрини сәһнәләшдирир вә ја тәгдимәләри мәшг едирдик. Биз өјрәнмәни онларын јашларына ујғун, мараглы, мүсбәт әһвал-руһијјәдә вә шән кечирмәјә чалышырдыг» (Ҹ. М., Бирләшмиш Штатлар).
«Мүгәддәс Китабы өјрәтдијим бир гадынын оғлуна гәдимдә тумарлардан неҹә истифадә едилдијини баша салмаг үчүн “Јешаја” китабынын фәсилләринин вә ајәләринин нөмрәләрини ҝөтүрдүк вә чап етдик. Сәһифәләри бир-биринә јапышдырыб ону тумар шәклинә салдыг. Сонра оғлан Исанын Назаретдәки синагогда етдијини тәкрарламаға чалышды. Лука 4:16-21 ајәләриндә дејилир ки, Иса Јешајанын тумарыны ачыб ахтардығы јери тапды (Јешаја 61:1, 2). Лакин ушаг фәсилләрин вә ајәләрин нөмрәси олмајан узун тумарда Јешајанын 61-ҹи фәслини тапмагда чәтинлик чәкди. Исанын тумары асанлыгла ачмасына һејран олан ушаг нида етди: “Афәрин, Иса!”» (Ј. Т., Јапонија).
[30-ҹу сәһифәдәки шәкил]
Практики мәшғәләләр ушагларыныза һәмјашыдларынын тәзјигләринин өһдәсиндән ҝәлмәјә көмәк едәҹәк
[31-ҹи сәһифәдәки шәкил]
Аиләви ибадәт ахшамыны мараглы етмәјә чалышын