Суаллар гутусу
◼ Мәсиһчиләрин балаҹа ушаглары вәфтиз олунмамыш тәблиғчи олмаздан әввәл тәблиғдә нә дәрәҹәдә иштирак едә биләрләр?
Мәсиһчи валидејнләр ушагларынын Јеһоваја сәдагәтли, јеткин хидмәтчиләр олмасыны истәјирләр (1 Шам. 2:18, 26; Лука 2:40). Мәсиһчи аиләсиндә бөјүмүш ушаг, һәтта ән еркән јашларында белә, өзүнүн Мүгәддәс Китаба әсасланан иманыны ајдын изаһ етмәји баҹармалыдыр. Ушаглар кичик јашларындан валидејнләри илә хидмәтә ҝедәндә, онларын руһани инкишафы даһа да тезләшир. Анҹаг тәблиғ хидмәтиндән севинҹ әлдә етмәләри, вәфтиз олунмамыш тәблиғчи олмалары вә Падшаһлығын тәблиғинә давам етмәләри үчүн ушагларын һиссләри үрәкдән ҝәлмәлидир. Валидејнләрдән гајғыкешликлә тә’лим вермәк тәләб олунур (1 Тим. 4:6; 2 Тим. 2:15). Әҝәр валидејнләри разыдырса, башга тәҹрүбәли тәблиғчиләр бу ишдә һәрдән көмәк едә биләрләр (Бах: «Хидмәтимиз», с. 81, 82, рус.).
Јахшы тәрбијә олунмуш ушаглар валидејнләри илә бирликдә евдән-евә тәблиғә ҝедәндә, онлар хидмәт етмәји өјрәнирләр. Анҹаг онлар һәлә өзләри мүәјјән дәрәҹәдә тәблиғ етмәк габилијјәт вә баҹарығы инкишаф етдирмәјинҹә, вәфтиз олунмамыш тәблиғчи һесаб едилмирләр. Мәсиһчи валидејнләр бирликдә хидмәтдә оланда ушағын тәблиғдә нә дәрәҹәдә иштирак едә биләҹәјинә гәрар верә биләр. Һәлә тәблиғчи олмамыш ушаглар өзләри инсанлара баш чәкмәмәли вә ја башга ушагларла тәблиғ чыхмамалыдырлар. Валидејнләр ушагларыны тәблиғә хидмәтинә һазырлаја биләр вә Мүгәддәс Китаб ајәсини охумаг, трактат тәклиф етмәк вә ја нәшрләрдән бириндә шәкли ҝөстәрмәклә онларын хидмәтдә иштирак етмәләринә иҹазә верә биләрләр. Ушаг бир аз бөјүдүкдән сонра, сөһбәтә даһа чох гошула биләр.
Ушаглар дүзҝүн тәрздә тә’лим алдыгда хидмәтин ваҹиблијини баша дүшүр, валидејнләрин рәһбәрлијинә һај верир вә өзләрини тәрбијәли апарырлар. Валидејнләр тәблиғчи олмајан ушагларыны, киминсә онлары хидмәтә апараҹағына үмид едәрәк, тәблиғ ҝөрүшүндә тәк галмаларына иҹазә вермәмәлидирләр. Гајғыкеш валидејнләр өз ушагларына нәзарәт етмәк мәс’улијјәти дашыдыгларыны баша дүшүрләр. Әлбәттә, диҝәр мәс’улијјәтли тәблиғчиләр сәмими гәлбдән Јеһоваја хидмәт етмәк истәјән јығынҹагдакы балаҹа ушаглары өјрәтмәкдә көмәк ҝөстәрә биләрләр.