Суаллар гутусу

◼ Мүнтәзәм кечирилән аиләви өјрәнмәнин вахтыны валидејнләрин һәр икиси һесабата дахил едә биләрми?

Ушаглары ‘Рәббин тәрбијә вә нәсиһәти илә бөјүтмәјә’ ҝөрә мәсулијјәти әсас етибарилә ата дашыса да, онларын тәрбијәсиндә валидејнләрин һәр икиси иштирак едир (Ефес. 6:4). Мүгәддәс Китаб ушаглары тәшвиг едир: «Оғлум, ата тәрбијәсинә гулаг ас, ананын өјрәтдикләрини кәнара атма» (Сүл. мәс. 1:8). Валидејн тәрбијәсинин бир ваҹиб ҹәһәти Мүгәддәс Китабын аиләви өјрәнмәсидир.

Әввәлләр вәфтиз олунмамыш ушаглары илә кечирилән аиләви өјрәнмәдә валидејнләрин һәр икиси иштирак етсә дә, онлардан јалныз өјрәнмәни кечирән сааты һесабата јазырды. Лакин инди дәјишиклик едилиб. Әҝәр аиләви өјрәнмә заманы ушагларын тәлиминдә валидејнләрин икиси дә иштирак едирсә, онларын һәр икиси һәфтәјә ән чоху бир саат тәблиғ хидмәти јаза биләр. Әлбәттә, валидејнләр адәтән өвладларыны өјрәтмәк үчүн һәфтәдә бир саатдан чох вахт сәрф едирләр. Ушагларын тәрбијәси һәр ики валидејндән даими сәј тәләб едир (Ганун. т. 6:6-9). Анҹаг ајлыг хидмәт һесабаты әсас етибарилә хидмәтдә наил олунан ишләри әкс етдирмәлидир. Буна ҝөрә дә, өјрәнмәнин бир саатдан чох чәкмәсинә, һәфтәдә бир дәфәдән артыг кечирилмәсинә, јахуд һәр ушагла ајры-ајрылыгда өјрәнмә апарылмасына бахмајараг, һәфтәјә бир саатдан чох јазылмамалыдыр. Валидејнләрдән јалныз бири Мүгәддәс Китабын аиләви өјрәнмәсини һесабата салмалы вә өјрәнмә кечирилән һәр һәфтәјә бир тәкрар башчәкмә јазмалыдыр.