Һәгиги Аллаһ һаггында олан билик һәјата апарыр
1 Иса Атасына етдији дуада демишди: «Әбәди һәјат о демәкдир ки, Сәни, ваһид һәгиги Аллаһы вә ҝөндәрдијин Иса Мәсиһи танысынлар» (Јәһ. 17:3). Бу, неҹә дә ҝөзәл мүкафатдыр! «Әбәди һәјата апаран билик» китабынын васитәси илә, биз инсанлара әбәди јашамаг үчүн нә етмәли олдугларыны өјрәнмәјә көмәк едә биләрик. Онларда «Билик» китабыны охумаға мараг вә һәвәси неҹә ојада биләрик?
2 Өз тәгдимәндә ҝөстәрә биләрсән ки, Мүгәддәс Китаб практики рәһбәрлијин мәнбәјидир:
◼ «Биз гоншуларымызла һәјатда гаршылашдығымыз чәтинликләрин өһдәсиндән ҝәлмәк үчүн практики рәһбәрлик мәнбәјини һарадан тапмағын мүмкүн олдуғуну мүзакирә едирик. Кечмишдә бир чох инсанлар мәсләһәт үчүн илк нөвбәдә Мүгәддәс Китаба мүраҹиәт едирдиләр. Инди исә инсанларын дүшүнҹә тәрзи дәјишиб; бир чохлары Мүгәддәс Китабын инсан тәрәфиндән јазылан ади бир китаб олдуғуну дүшүнәрәк, она шүбһә илә јанашырлар. Сиз бу һагда нә дүшүнүрсүнүз? [Ҹаваб вермәсинә изин вер.] Мүгәддәс Китабын бизим ҝүнләрдә дә практики олдуғуну сөјләмәјә әсаслы сәбәб вар. [2 Тимотејә 3:16, 17.] Мүгәддәс Китабын принсипләри, Аллаһ тәрәфиндән илһамланараг јазылдығы дөврдә олдуғу кими, бу ҝүн дә тәтбиг едиләндир». «Билик» китабынын 16-ҹы сәһифәсини ач вә Исанын Дағүстү тәблиғиндә һансы практики рәһбәрлијин олдуғундан гысаҹа даныш. 11-ҹи вә ја 13-ҹү абзасдакы ситаты оху. Китабы тәклиф ет вә Мүгәддәс Китаб билијиндән шәхсән неҹә фајда әлдә етмәјин мүмкүн олмасы һагда суала ҹаваб вермәк үчүн нөвбәти ҝөрүш барәдә даныш.
3 Дуа чохлары үчүн мараглы мөвзудур, она ҝөрә дә сөһбәтә бу суалла башламаг олар:
◼ «Сиз неҹә дүшүнүрсүнүз, бу ҝүн гаршылашдығымыз чәтин проблемләрин өһдәсиндән ҝәлмәкдә, дуа һәгигәтән дә көмәк едирми? [Ҹаваб вермәсинә изин вер.] Чохлары һесаб едир ки, дуа онлары Аллаһа јахынлашдырыб вә Мүгәддәс Китабын вә’д етдији кими, дахили ҝүввәнин мөһкәмләнмәсинә көмәк едиб. [«Билик» китабынын 156-ҹы сәһифәсини ач вә Филипилиләрә 4:6, 7 ајәләрини оху.] Һәтта инсан дуа едәндә һәрдән она елә ҝәлир ки, о өз дуаларына ҹаваб алмыр. Бу фәсилдә Аллаһа јахынлашмағын неҹә мүмкүн олмасындан бәһс олунур. [Китабы тәклиф ет вә үмумдүнја тәблиғ ишинин неҹә тә’мин олундуғуну гејд ет.] Бу фәсилдә һәмчинин ајдынлашдырылыр ки, Аллаһла үнсијјәт биртәрәфли олмадығы үчүн, биз Она неҹә гулаг аса биләрик. Бу һагда сизинлә нөвбәти дәфә даныша биләрик».
4 Мүгәддәс Китаб өјрәнмәсинә башламаг үчүн бирбаша үсулдан истифадә етмәк истәјирсән? Бу ҹүр тәгдимә мүвәффәгијјәтли ола биләр:
◼ «Биз пулсуз Мүгәддәс Китаб өјрәнмәси тәклиф едирик. Сиз нә вахтса Мүгәддәс Китабы өјрәнмисиниз? [Ҹаваб вермәсинә изин вер.] Иҹазәнизлә, Мүгәддәс Китабы өјрәнмәјә көмәк едән вәсаити сизә ҝөстәрмәк истәјәрдим». «Билик» китабыны ҝөстәрдикдән сонра мүндәриҹат олан 3-ҹү сәһифәни ач вә сонра исә соруш: «Сиз нә вахтса Мүгәддәс Китабда бу суаллара даир нә дејилдији барәдә дүшүнмүсүнүзмү?» Ев саһибини хүсусилә марагландыран фәсили ач вә сәрлөвһәләри оху. Бу мә’луматын көмәји илә Мүгәддәс Китаб өјрәнмәсини неҹә кечирдијимизи гысаҹа она ҝөстәрмәк истәдијини де. Өјрәнмәјә башлајыб-башламамағымыздан асылы олмајараг, ев саһиби охумаг истәјирсә, китабы вер.
5 Бу ҝүн һәгиги Аллаһ һаггында дәгиг мә’лумат алмаг истәјән инсанларын сајы чохдур (Јешаја 2:2-4). Мүмкүн олдуғу гәдәр даһа чох инсана Јеһованы танымаға вә һәјата наил олмаларына көмәк етмәк, бизим үчүн үстүнлүкдүр (1 Тим. 2:4).