Сахлајн
Тәблиғ хидмәти үчүн мәсләһәт ҝөрүлән тәгдимәләр
Бу әлавә вәрәгәдән неҹә истифадә етмәли
Ашағыда верилән тәгдимәләрин әксәријјәти “Бизим Падшаһлыг Хидмәтимиз”ин өтән сајларында чап олунмушдур. Хошуна ҝәлән тәгдимәләрдән хидмәтдә истифадә ет вә онларын ҝәтирәҹәји сәмәрәләрә диггәт јетир. Бу әлавә вәрәгәни өзүндә сахла вә хидмәтә һазырлашаркән ондан истифадә ет.
Дәрһал мәтләбә кечиләрсә, инсанларда Аллаһын Кәламына мараг ојатмаг мүмкүндүр. Конкрет суала тохун вә Мүгәддәс Китабдан гыса ҹаваб оху. Ашағыда тәклиф олунан тәгдимәләрдән истифадә едә биләрсән.
“Сиз ҝәләҹәјә никбинликлә бахырсыныз, јохса шүбһә илә? [Ҹавабы ҝөзлә.] Мүгәддәс Китабда бизим ҝүнләрин һәјәҹанландырыҹы һадисәләри вә онларын нәтиҹәси һагда габагҹадан дејилмишдир”(2 Тим. 3:1, 2, 5; Сүл. мәс. 2:21, 22).
“Бу ҝүн бир чох адамлар өз сағламлыглары үчүн нараһат олурлар. Аллаһын, хәстәликләри бирдәфәлик арадан галдыраҹағына даир нијјәтини ешитмисинизми?” (Иш. 33:24; Вәһј 21:3, 4).
“Әввәл–ахыр дүнјаны тәк бир һөкумәтин идарә едәҹәји һагда Мүгәддәс Китабда габагҹадан хәбәр верилдијини ешитмисинизми?” (Дан. 2:44; Мат. 6:9, 10).
“Әҝәр јер үзүнү Иса Мәсиһ идарә етсәјди, сизҹә һансы шәраит һөкм сүрәрди?” (Мәз. 72:7, 8).
“Бир чох инсанлар ҹинси, дини вә ирги мәнсубијјәтинә ҝөрә ајры–сечкилијә мә’руз галыр. Сизҹә, Аллаһ бу ҹүр ајры–сечкилијә неҹә бахыр?” (Һәв. иш. 10:34, 35).
“Биз билирик ки, Иса Мәсиһ вахты илә мө’ҹүзәләр ҝөстәрирди. Әҝәр мүмкүн олсајды сиз һансы мө’ҹүзәни ҝөрмәји арзу едәрдиниз?” (Мәз. 72:12–14, 16).
“Бир чох адамлар проблемләрин мөвҹудлуғу барәдә апарылан сөһбәтләрдән јорулублар. Онлар, проблемләри һәлл етмәјин үсулуну өјрәнмәк истәјирләр. Бәс проблемләримизин һәллиндә бизә реал олараг нә көмәк едә биләр?” (2 Тим. 3:16, 17).
“Еј... Атамыз” дуасында һансы Падшаһлыг һаггында хаһиш етдијинизи дејә биләрсинизми?” (Вәһј 11:15).
Ҝириш сөзләри
Ашағыда ҝәтирилән суаллар “Мүгәддәс Китаб әсасында сөһбәт етмәк үчүн мөвзулар” брошүрасынын әсасында һазырланыб. Һәмчинин бу суалларын ҹавабыны тапмаг үчүн мөвзуларын нөмрәси дә ҝөстәрилир.
Биз нә үчүн гоҹалыр вә өлүрүк? (49А)
Өлүләр һансы вәзијјәтдәдир? (49Б)
Шејтан буҝүнкү дүнјаја нә дәрәҹәдә тә’сир ҝөстәрир? (13Б)
Јахшы инсанларын һамысымы ҝөјә галхаҹаг? (32Б)
Аллаһын шәхси адыны билмәк вә истифадә етмәк нә үчүн ваҹибдир? (18А)
Аллаһа иман етмәк мүдрикликдирми? (18В)
Иса Мәсиһ Аллаһдырмы? (19Б)
Аллаһын Падшаһлығы нәләр едәҹәк? (58Б)
Никаһы мөһкәмләндирмәјә нә көмәк едә биләр? (5В)
Һәгиги дини неҹә тапмалы? (46А)
Дүнјаны идарә едән кимдир: Аллаһ, јохса Шејтан? (17В)
Нәјә ҝөрә дүнјада бу гәдәр писликләр мөвҹуддур? (17Г)
Аллаһ әзаблара нә үчүн јол верир? (17Д)
“Аллаһ тәләб едир” брошүрасы үчүн мәсләһәт олунан тәгдимәләр
“Сиз јәгин разылашаҹагсыныз ки, Аллаһа иман едән адамларын сајы аз дејил. Иманлыларын һамысы е’тираф едир ки, Аллаһ биздән нә исә тәләб едир. Онларын јеҝанә фикир ајрылығы Аллаһын биздән конкрет олараг нә тәләб етмәсинә аиддир”. “Аллаһ тәләб едир” брошүрасыны ҝөстәрдикдән сонра 1–ҹи дәрси ачыб мүзакирә ет.
“Сизҹә, мүвәффәгијјәтли аилә һәјаты гурмаг үчүн Јарадандан рәһбәрлик ҝөзләмәк мәнтигидирми?” Мүсаһибинин ҹаваб вермәсинә имкан вердикдән сонра ону “Аллаһ тәләб едир” брошүрасы илә таныш ет. Брошүранын 8–ҹи дәрсини ачыб изаһ ет ки, бурада аиләнин һәр бир үзвүнә аид Мүгәддәс Китаб принсипләри тапмаг олар. Мүгәддәс Китабын көмәјилә брошүрадан неҹә фајдалана биләҹәјини дә ҝөстәрмәји тәклиф ет.
“Бу брошүра Мүгәддәс Китабын әсас тә’лимләрини әһатә едән тәдрис курсуну тәшкил едир. Һәр сәһифәдә, инсанлары әсрләр боју нараһат едән суалларын ҹавабыны тапмаг олар. Мәсәлән: Аллаһын јер үчүн олан нијјәти нәдир?” Брошүранын 5–ҹи дәрсини ачыб абзаслардан әввәл верилән суаллары оху. Мүсаһибиндән соруш, бу суаллардан ону ән чох марагландыран һансыдыр вә сонра суала ујғун олан абзасы охујараг, орада ҝәтирилән ајәләри Мүгәддәс Китабдан ачыб ҝөстәр. Изаһ ет ки, ејни гајдада асанлыгла башга суаллара да ганеедиҹи ҹаваблар тапмаг мүмкүндүр. Башга бир суалы да мүзакирә етмәк үчүн тәкрарән ҝөрүшмәји тәклиф ет.
“Неҹә дүшүнүрсүнүз, мәктәбләрдәки зоракылыг нә илә изаһ олунур? Бу валидејн тәрбијәсинин чатышмазлығындан, јохса һәр һансы башга бир сәбәбдән ирәли ҝәлир, мәсәлән, Иблисин тә’сириндән? Ҹавабы динлә. Әҝәр инсан дејәрсә ки, зоракылыға ҝөрә Иблис ҹавабдеһдир, Вәһј 12:9, 12 ајәләрини оху. Дүнјада баш верән гармагарышыглыгда Шејтанын ролуну ҝөстәр. “Аллаһ тәләб едир” брошүрасынын 4–ҹү дәрсини ачыб мүсаһибиндән соруша биләрсән: “Иблисин һарадан пејда олдуғу һагда нә вахтса дүшүнмүсүнүзмү?” Бундан сонра дәрсин илк ики абзасыны охујуб мүзакирә ет. Әҝәр гаршындакы адам, мәктәбләрдәки зоракылығын сәбәбини валидејн тәрбијәсинин чатышмазлығында ҝөрүрсә, онда она 2 Тимотејә 3:1–3 ајәләрини охујуб инсанларын бу проблемә ҝәтириб чыхаран кејфијјәтләрини ҝөстәр. Сонра “Аллаһ тәләб едир” брошүрасынын 8–ҹи дәрсини ачыб 5–ҹи абзасы оху вә мүзакирәни давам ет.
“Һал–һазырда аилә һәјатында олдугҹа чохлу проблемләр мөвҹуддур. Сизҹә, аилә хошбәхтлијинин сирри нәдәдир?” Ҹавабы динләдикдән сонра дејә биләрсән ки, Аллаһ Мүгәддәс Китабда аилә хошбәхтлијинин әсл сиррини ачыр. Ишаја 48:17 ајәсини оху. Сонра исә “Аллаһ тәләб едир” брошүрасынын 8–ҹи дәрсини ачыб, аиләнин һәр бир үзвү үчүн е’тибарлы рәһбәрлик тәгдим едән бә’зи ајәләри ҝөстәр. Дәрсин әввәлиндә верилән суаллары оху. Мүсаһибиндән соруш, о бу суалларын ҹавабыны билмәк истәјәрдими?
“Неҹә дүшүнүрсүнүз, бу ҝүн гаршылашдығымыз проблемләрин өһдәсиндән ҝәлмәкдә дуа доғрудан да көмәк едирми? [Ҹаваб вермәјә имкан вер.] Чохлары дуанын сајәсиндә дахили гүввә әлдә етдикләрини сөјләјирләр. [Филипилиләрә 4:6, 7 ајәләрини оху.] Буна бахмајараг адама елә ҝәлә биләр ки, онун дуалары ҹавабсыз галыр. [“Аллаһ тәләб едир” брошүрасынын 7–ҹи дәрсини ач.] Бу брошүрада гејд олунур ки, дуанын бизә бөјүк көмәји ола биләр”.
“Биз гоншуларымызла, дүнјада нәјә ҝөрә бу гәдәр чох вә мүхтәлиф динләрин мөвҹуд олдуғу һагда сөһбәт едирик. Ахы, Мүгәддәс Китаб бирдир. Сизин фикринизҹә, нәјә ҝөрә бу ҝүн дини гарышыглыг һөкм сүрүр? [Ымкан вер ҹаваб версин. “Аллаһ тәләб едир” брошүрасынын 13–ҹү дәрсини ачыб ҝириш суаллары оху.] Бу дәрси охујараг, һәмән суаллара ганеедиҹи ҹаваблар тапа биләрсиниз”.
Инсана “Ҝөзәтчи Гүлләси” вә ја “Ојанын!” журналы вердикдән сонра, бир нәшрдән онун үчүн кичик абзас охумаг үчүн иҹазә ал. Разы оларса, “Аллаһ тәләб едир” брошүрасынын 5–ҹи дәрсини ач. Дәрсин әввәлиндә чап олунан суаллары ҝөстәр вә биринҹи суалын ҹавабыны арашдырмағы тәклиф ет. Биринҹи абзасы охудугдан сонра суал вер вә мүсаһибинин фикрини динлә. Брошүраны тәклиф ет вә әҝәр ҝөтүрәрсә, ҝәлән дәфә галан ики суал һагда онун фикрини билмәк истәдијини билдир.
“Билик” китабы үчүн мәсләһәт олунан тәгдимәләр
Мүгәддәс Китабы әлиндә тутараг дејә биләрсән: “Бу ҝүн биз сизин гоншуларынызын һамысына Мүгәддәс Китабдан ситат ҝөстәририк. Бурада јазылыб...” Јәһја 17:3 ајәсини охудугдан сонра соруш: “Дүзҝүн билијә малик олан инсанлара нә вә’д едилдијинә диггәт јетирдинизми?” [Ҹаваб вермәсинә имкан вер.] Белә билији һарадан әлдә етмәк олар?” Ҹавабы динләдикдән сонра “Билик” китабыны ҝөстәр вә де: “Бу китабда әбәди һәјата апаран билик һаггында бәһс едилир. Бурада инсанлары ән чох марагландыран вә Мүгәддәс Китабын тохундуғу суалларын ҹавабыны тапмаг олар”. Мүндәриҹаты ҝөстәриб мүсаһибиндән соруш, нә вахтса бу суалларын үзәриндә дүшүнүбмү?
“Сиз әтрафымызда баш верән вә еһтимал ки, бизә дә тә’сир ҝөстәрән әдаләтсизлијә вә әзаблара ҝөрә Аллаһын нараһат олуб–олмадығы барәдә нә вахтса дүшүнмүсүнүзмү? [Ҹаваб вермәсинә имкан вер.] Мүгәддәс Китаб әмин едир ки, Аллаһ бизи севир вә гүссәли анларымызда бизә көмәк ҝөстәрәҹәк”. Мәзмур 72:12–17 ајәләрини оху. “Билик” китабынын 8–ҹи фәслини ачыб, орада милјонларла инсанлары дүшүндүрән “Аллаһ әзаблара нә үчүн јол верир?” суалына тәсәлливериҹи ҹаваб верилдијини сөјлә. Мүмкүн олса, 3–5–ҹи абзасларда верилән, Мүгәддәс Китаба әсасланан бә’зи фикирләри мүзакирә ет, јахуд буну тәкрар башчәкмә заманы да етмәк олар.
“Әксәријјәтимиз, бизә әзиз олан адамлардан кимисә итирмишдир. Онлары јенидән ҝөрә биләҹәјимиз һагда дүшүнмүсүнүзмү? [Ҹавабы ҝөзлә.] Иса Мәсиһ өлүләри јенидән һәјата гајтармағын мүмкүн олдуғуну нүмајиш етдирмишди [Јәһја 11:11, 25, 44 ајәләрини оху.] Бу һадисәнин үстүндән јүз илләр кечмиш олса да, о, Аллаһын бизә нә вә’д етдијини ҝөстәрир”. “Билик” китабынын 85–ҹи сәһифәсини ачыб шәклин үстүндә олан сөзләри оху. Сонра исә 86–ҹы сәһифәдәки шәкли ҝөстәр вә изаһ ет. “Сиз билмәк истәјәрдинизми инсанлар нәјә ҝөрә гоҹалыр вә өлүр?” суалыны вермәклә тәкрар башчәкмә үчүн әсас гој. 6–ҹы фәсли мүзакирә етмәк үчүн јенә онун јанына гајыт.
“Биз һамыдан сорушуруг, онлар бу сөзләрә инанырлармы...” Тәквин 1:1 ајәсини охудугдан сонра соруш: “Сиз бу фикирлә разысынызмы?” Әҝәр мүсаһибин разыдырса давам ет: “Мән дә разыјам. Анҹаг сиз неҹә һесаб едирсиниз, һәр шеји јарадан Аллаһдырса, пислијә ҝөрә дә ҹавабдеһ Одурму?” Ҹавабына ҝөрә тәшәккүр етдикдән сонра Ваиз 7:29 ајәсини оху. “Билик” китабынын 8–ҹи фәслини ачыб 2–ҹи абзасы оху. Әҝәр мүсаһибин Тәквин 1:1 ајәсиндәки фикирлә разы дејилсә, она Аллаһын мөвҹудлуғуна даир сүбутлары нәзәрдән кечирмәји тәклиф ет.
“Инсанларын нәјә ҝөрә чох јашамаг истәдикләри барәдә нә вахтса дүшүнмүсүнүзмү?” Ҹавабы динләдикдән сонра “Билик” китабынын 6–ҹы фәслини ачыб 3–ҹү абзасы оху. Ситат ҝәтирилән ајәләри мүзакирә ет. Абзасын сонунда ҝәтирилән ики суала истинад едәрәк, мүсаһибиндән соруш: “Сиз бу суалларын ҹавабыны билмәк истәјәрдинизми?” Мараг ҝөстәрәрсә онунла нөвбәти бир нечә абзасы да мүзакирә ет.
“Бизим ҝүнләрдә әхлаг дәјәрләринин сүр’әтлә дәјишдији бир һалда, һәјатымызда е’тибарлы бир рәһбәрлијә еһтијаҹ дујулдуғу илә разысынызмы? [Ҹаваб вермәсинә имкан вер.] Мүгәддәс Китабын ән гәдим китаб олмасына бахмајараг, о өзүнә мүасир һәјатда тәтбиг едилән вә аиләнин хошбәхтлијинә көмәк едән практики мәсләһәтләр дахил едир”. Сонра диггәти “Билик” китабынын 2–ҹи фәслинә јөнәлдәрәк, орадан 10–ҹу абзасы вә 11–ҹи абзасын 1–ҹи ҹүмләсини, о ҹүмләдән 2 Тимотејә 3:16, 17 ајәләрини оху.
“Бизим вә планетимизин ҝәләҹәји барәдә нә вахтса фикирләшмисинизми? [Ҹавабы динлә.] Мүгәддәс Китабда бу бир сөзлә ифадә олунур – Ҹәннәт! Аллаһ јаратдығы илк инсан ҹүтүнү мәһз Ҹәннәтдә јерләшдирмишди. Орада еһтимал ки, һансы шәраитин олдуғуна диггәт јетирин”. “Билик” китабынын 8–ҹи сәһифәсини ачыб “Ҹәннәтдәки һәјат” адлы јарымсәрлөвһә алтында олан 9–ҹу абзасы оху. Сонра исә 10–ҹу абзасы мүзакирә ет вә ситат ҝәтирилән Ишаја 55:10, 11 ајәләрини Мүгәддәс Китабдан оху. 11–16–ҹы абзасларын әсасында, бәрпа олунаҹаг Ҹәннәтдәки һәјатын неҹә олаҹағыны мүзакирә етмәји тәклиф ет.
Тәкрар башчәкмә заманы “Ҝөзәтчи Гүлләси” вә “Ојанын!” журналларыны вердијин адамлара бунлары дејә биләрсән:
“Өтән дәфә ҝәләндә мән сизә “Ҝөзәтчи Гүлләси” журналыны вермишдим. Сиз јәгин ки, бу журналын там адынын “Ҝөзәтчи Гүлләси Јеһованын Падшаһлығыны е’лан едир” олдуғуна диггәт јетирдиниз. Бу ҝүн исә мән сизинлә бу Падшаһлыг һаггында, онун шәхсән сизин вә аиләниз үчүн кәсб етдији әһәмијјәт барәдә данышмаг истәјәрдим”. “Аллаһ тәләб едир” брошүрасынын 6–ҹы дәрсини ачдыгдан сонра охујуб мүзакирә ет. Чалыш охудуғун вә мүзакирә етдијин абзасларын сајы адамын вахты имкан вердији гәдәр олсун.
“Јахын ҝүнләрдә сизинлә сөһбәт етмишдим вә сизә “Ҝөзәтчи Гүлләси” вә “Ојанын!” журналларыны вермишдим. Бу журналлар Мүгәддәс Китаба вә орада верилән әхлаг ганунларына һөрмәт бәсләмәји өјрәдир. Мән, Аллаһын Кәламыны бүтүн инсанларын баша дүшмәли олдугларыны дәрк едирәм. Бу сәбәбдән јаныныза јенидән ҝәлмишәм ки, сизә, Мүгәддәс Китабы баша дүшмәкдә көмәк едән дәрс ләвазиматыны ҝөстәрим”. Мүсаһибинә “Аллаһ тәләб едир” брошүрасыны вә ја “Билик” китабыны ҝөстәр вә Мүгәддәс Китаб өјрәнмәси тәклиф ет.
192–и сәһифәли һәр һансы китабы тәклиф едәркән бу тәгдимәдән истифадә едә биләрсән.
“Бу ҝүн јахшы тәһсил алмаға бөјүк әһәмијјәт верилир. Сизҹә, һәјатда даһа чох хошбәхт вә мүвәффәгијјәтли олмаг үчүн инсан һансы тәһсили алмаға ҹан атмалыдыр. [Ҹавабы динләдикдән сонра Сүлејманын мәсәлләри 9:10, 11 ајәләрини оху.] Бу китаб [китабын адыны де] Мүгәддәс Китаба әсасланыр. О, әбәди һәјата апаран јеҝанә билик мәнбәјинә ишарә едир”. Китабдан конкрет бир нүмунә ҝәтир вә мүсаһибини китабы охумаға тәшвиг ет.
Әҝәр адамларда мараг ојадан еффектли бир тәгдимә тапмысанса, ондан истифадә етмәјә давам ет! Садәҹә олараг ону бу ај пајланан нәшрләрә ујғунлашдыр.
Диҝәр нәшрләр
Диҝәр китаблар үчүн әввәлләр тәклиф олунан тәгдимәләри “Ҝөзәтчи Гүлләси нәшрләринин индекси”ндә, ашағыда ҝөстәрилән јарымсәрлөвһә алтында тапмаг олар:
Тәгдимәләр
Нәшрләрин сијаһысы
Бирбаша мүраҹиәт
Мүгәддәс Китаб өјрәнмәси башламаг үчүн нөвбәти бирбаша мүрачиәтләрдән бирини истифадә ет.
“Сиз билирсинизми ки, бир нечә дәгигә әрзиндә Мүгәддәс Китаба әсасланан ваҹиб бир суалын ҹавабыны өјрәнә биләрсиниз? Мәсәлән...” Сәнин зәннинҹә адамда мараг ојада билән суал вер. Бунун үчүн “Аллаһ тәләб едир” брошүрасындакы дәрсләрин әввәлиндә верилән суаллардан бирини сечә биләрсән.
“Мән сизин јаныныза Мүгәддәс Китаб пулсуз өјрәнмәсинин неҹә кечирилдијини ҝөстәрмәк үчүн ҝәлмишәм. Бу ҹәми 5 дәгигә чәкәҹәк. Сиз бу гәдәр вахт ајыра биләрсинизми?” Әҝәр адам мүсбәт ҹаваб верәрсә “Аллаһ тәләб едир” брошүрасынын 1–ҹи дәрсинин әсасында өјрәнмәнин неҹә кечирилдијини ҝөстәр. Бу заман Мүгәддәс Китабын бир вә ја ики ајәсиндән истифадә етмәк кифајәтдир. Сонра соруш: “Нөвбәти дәрси кечмәк үчүн сиз нә вахт 15 дәгигә ајыра биләрсиниз?”
“Мүгәддәс Китаб чох адамларда олса да, онлар һәјатда гаршылашдыглары ваҹиб суалларын ҹавабларынын орада јерләшдијини дәрк етмирләр. Бу дәрс ләвазиматындан [“Аллаһ тәләб едир” брошүрасындан вә ја “Билик” китабындан] һәфтәдә тәхминән бир саат истифадә етмәклә, ҹәми бир нечә ај мүддәтиндә сиз, Мүгәддәс Китабын әсас тә’лимләри барәдә анлајыш әлдә едә биләрсиниз. Өјрәнмәнин неҹә кечирилдијини сизә ҝөстәрмәјимә шад оларам.
“Мән Мүгәддәс Китабын пулсуз өјрәнмәсини тәклиф едирәм. Олармы, сизә ҝүнләримиздә бу ҹүр аиләви өјрәнмәнин тәхминән 200 өлкәдә неҹә кечирилдијини гыса шәкилдә ҝөстәрим? Нүмунә кими бу сијаһыдан һәр һансы бир мөвзуну сечә биләрдик. [“Билик” китабынын мүндәриҹатыны ҝөстәр.] Сизи даһа чох марагландыран мөвзу һансыдыр?” Мүсаһибинин мөвзу сечдији мүддәтдә ону ҝөзлә. Сонра исә ҝөстәрдији фәсли ачыб өјрәнмәни биринҹи абзасдан башла.
“Мән Мүгәддәс Китабы пулсуз өјрәдирәм вә ҹәдвәлимдә даһа бир нечә шаҝирд үчүн вахтым вар. Биз, белә бир мәгсәдлә тәртиб олунмуш бу ләвазиматдан истифадә едирик. [“Билик” китабыны ҝөстәр.] Бүтүн курс бир нечә ај давам едир вә бу ҹүр суаллара ҹаваб верир: Аллаһ әзаблара нә үчүн јол верир? Биз нә үчүн гоҹалыр вә өлүрүк? Өлән әзизләримизлә нә баш верир? Сиз Аллаһа неҹә јахынлаша биләрсиниз? Олармы, мән сизә өјрәнмәнин неҹә кечирилдијини ҝөстәрим?”
Әҝәр адамларда мараг ојадан еффектли бир тәгдимә тапмысанса, ондан истифадә етмәјә давам ет! Садәҹә олараг ону бу ај пајланан нәшрләрә ујғунлашдыр.