Јеһованын Шаһидләринин 2009-ҹу илдә кечириләҹәк вилајәт конгреси
1 Һәр биримиз 2009-ҹу илдә кечириләҹәк вилајәт конгресини вә руһани тәләбатларыны дәрк едән вә Јеһоваја һәмд едән һәмиманлыларымызла бирликдә топлашмаг имканыны сәбрсизликлә ҝөзләјирик (Мат. 5:3). Јеһованын ҝүнү сүрәтлә јахынлашдығы үчүн биз һамыны конгресин һәр үч ҝүнүндә иштирак етмәјә тәшвиг едирик ки, сәмими мәсиһчи үнсијјәтиндән, еләҹә дә иманда мөһкәм галмаг үчүн верилән руһани көмәкдән там фајдалансынлар (Сеф. 1:14). Гој мүәллимләр вә мүдиријјәт конгресин ибадәтинизин ајрылмаз һиссәси олдуғуну билсинләр. Ҹәсарәтлә ишләринизи габагҹадан планлашдырын вә Јеһовадан хејир-дуа истәјин. О, мүтләг сизә көмәк едәҹәк (Јешаја 50:10).
2 Бејнәлхалг конгресләр. Бу конгресләр мәһдуд сајда өлкә вә шәһәрләрдә кечирилдијиндән онларда јалныз тәјин олунанлар иштирак етмәлидирләр. Бу рәһбәрлијә риајәт етмәјимиз һәддән артыг адамын јығылмасынын гаршысыны алаҹаг (1 Кор. 14:40; Ибр. 13:17). Анҹаг бир чох вилајәт конгресләриндә бејнәлхалг конгресин абһавасы олаҹаг, чүнки бир чох миссионерләр, хариҹи тәјинатда олан Бет-Ел аиләсинин үзвләри вә бејнәлхалг програм хидмәтчиләри өз өлкәләриндәки конгресләрә ҝедәҹәкләр.
3 Башгаларына конгресә ҝетмәјә көмәк един. Јығынҹағыныздан киминсә конгресә ҝетмәк үчүн көмәјә еһтијаҹы вармы? Башгаларына конгресә ҝетмәјә көмәк едәндә ‘јалныз өз мәнфәәтини дејил, башгаларынын да мәнфәәтини ҝүддүјүнүзү’ ҝөстәрирсиниз (Филип. 2:4).
4 Мәлуматы неҹә әлдә етмәк олар? Конгресин тарихини вә јерини өјрәнмәк мәгсәдилә филиала едилән телефон зәнҝләринин сајыны азалтмаг үчүн әввәлҹә јығынҹағын катибиндән лазыми мәлуматы әлдә етмәјә чалышын.
5 Хүсуси тәләбатлар. Тәблиғчи јерләшдирилмә илә бағлы көмәк истәјәндә, јығынҹағын хидмәти комитәси «Хүсуси тәләбатлы шәхсләр үчүн мәнзил сорғусу» бланкыны алмасы үчүн онун тәләбләрә ҹаваб вериб-вермәдијини мүәјјән етмәлидир. Јығынҹағын катиби бланкы конгресин мәнзил шөбәсинә ҝөндәрмәздән әввәл, онлар бланкдакы, һәмчинин филиалын бүтүн ағсаггаллар шурасына ҝөндәрдији 14 декабр 2008-ҹи ил тарихли мәктубдакы ҝөстәришләри нәзәрдән кечирмәлидирләр.
6 Аллаһа иззәт ҝәтирән ишләр. Конгресин кечирилдији шәһәрдәки адамларла данышығымыза вә рәфтарымыза хүсуси диггәт јетирәрәк руһун сәмәрәсини бүтүн ишләримиздә тәзаһүр етдирәндә, Јеһованын халгынын адыны уҹалдыр вә башгаларыны бүдрәтмәкдән гачырыг (1 Кор. 10:31; 2 Кор. 6:3, 4). Гој сизин 2009-ҹу ил вилајәт конгресиндә иштиракыныз вә давранышыныз Аллаһы белә иззәтләндирсин! (1 Пет. 2:12).
[6-ҹы сәһифәдәки чәрчивә]
Програмын ҹәдвәли
Ҹүмә ахшамы (јалныз бејнәлхалг конгресләр)
13:20 — 16:55
Ҹүмә вә шәнбә ҝүнләри
9:20 — 16:55
Базар ҝүнү
9:20 — 16:00
[Өјрәнилмә үчүн олан суаллар]
1. а) Вилајәт конгресинин һәр үч ҝүнүндә иштирак етмәклә һансы хејир-дуалары алаҹағыг? б) Индидән нәји планлашдырмалыјыг?
2. Һәтта бејнәлхалг конгресләрә дәвәт олунмасаг белә, һансы аб-һаваны ҝөзләјә биләрик?
3. Јығынҹағымызда бәзи һәмиманлылара мәсиһчи мәһәббәтини неҹә ҝөстәрә биләрик?
4. Әҝәр јығынҹағынызын тәјин олунмадығы конгрес һагда мәлумат әлдә етмәк истәјирсинизсә, нә етмәлисиниз?
5. Хүсуси тәләбатлы тәблиғчи јерлә бағлы хаһишлә мүраҹиәт едәрсә, һансы рәһбәрлијә әмәл едилмәлидир?
6. 2009-ҹу илдә кечириләҹәк вилајәт конгресинә һазырлашаркән вә орада иштирак едәркән әсас мәгсәдимиз нә олмалыдыр?