Јеһованын Шаһидләринин 2008-ҹи илдә кечириләҹәк вилајәт конгреси

¹ Һәвари Павел ибрани мәсиһчиләрини бир јерә јығышмаға вә о ҝүнүн јахынлашдығыны ҝөрдүкләри нисбәтдә бир-бирләрини «даһа чох» үрәкләндирмәјә тәшвиг едирди (Ибр. 10:24, 25). Бир чох сүбутлардан ҝөрүнүр ки, Павелин һаггында данышдығы һәмин ‘Ҝүн’ олдугҹа јахындыр! Буна ҝөрә, ҝет-ҝедә тәһлүкәли олан ‘ахыр ҝүнләрдән’ бизи кечирә биләҹәк руһани тә’лими алмаг үчүн баҹы-гардашларымызла бир јерә јығышмаг имканыны һамымыз сәбирсизликлә ҝөзләјирик (2 Тим. 3:1). Белә имкан 2008-ҹи илин вилајәт конгресиндә олаҹагдыр.

² Һәр үч ҝүндә иштирак ет. Биз сәни конгресин һәр үч ҝүнүндә иштирак етмәјә тәшвиг едирик. Әҝәр ‘јығынҹагларымызы тәрк етмәсәк’ ваҹиб руһани тә’лими бурахмарыг (Ибр. 10:25). Чалыш индидән һазырлыг ҝөр. Ола билсин, бу һагда мүдиринә дә дејәси оласан ки, о, мүәјјән тәдбирләр ҝөрә билсин. Әҝәр конгрес ушагларынын дәрси илә үст-үстә дүшүрсә, мүәллимләринә планларын барәдә хәбәр вер. Гој онлар билсинләр ки, конгресләр сәнин ибадәтинин ајрылмаз һиссәсидир. Сән әмин ола биләрсән ки, Јеһова Падшаһлығы биринҹи јерә гојмаг сә’јини хејир-дуаландыраҹаг (Мат. 6:33).

³ Иштирак етмәләри үчүн башгаларына да көмәк ет. Павел һәмчинин мәсиһчиләри ‘бир-бирләринин гајғысына галмаға’ чағырырды (Ибр. 10:24). Китабөјрәнмәндә баҹы-гардашлардан киминсә конгресә ҝетмәк үчүн көмәјә еһтијаҹы вармы? Мүгәддәс Китабы өјрәтдијин адама, һәтта јалныз бир ҝүн иштирак едә билсә дә, конгресә ҝетмәјә көмәк едә биләрсәнми? Иманына шәрик олмајан аилә үзвләринә конгреслә бағлы планларыны билдирәндә, онлары да дә’вәт ет. Мәһәббәтдән ирәли ҝәләрәк ҝөстәрдијин сә’јин ҝөзләнилмәз хејир-дуалар ҝәтирә биләр.

⁴ Мә’луматы неҹә әлдә етмәк олар? Һәр ил филиала конгресин һарада кечириләҹәјини өјрәнмәк үчүн јүзләрлә зәнҝ дахил олур. Филиал бу мә’луматы бүтүн јығынҹаг катибләринә ҝөндәрир. Хаһиш едирик, диҝәр шәһәрләрдә конгресләрин һарада вә нә вахт кечириләҹәјини өјрәнмәк үчүн филиала зәнҝ етмәјә тәләсмәјин, бу гардашлара мүраҹиәт един.

⁵ Әҝәр сән јығынҹағынын тә’јин олундуғу конгресә јох, диҝәринә ҝетмәји планлашдырырсанса, јерләшдирмә һагда мә’луматы һәмин конгресин бүросуна «Хүсуси тәләбатлы шәхсләр үчүн мәнзил сорғусу» бланкыны ҝөндәрмәклә ала биләрсән. Тезликлә бу бланклар јығынҹаг катибләринә ҝөндәриләҹәк. Јығынҹағын катиби ҝедәҹәјин шәһәрдәки конгрес бүросунун үнваныны өјрәнмәјинә көмәк едәҹәк. Конгрес бүросунун сәнә ҹаваб јазмасы үчүн мәктубла бирликдә маркалы конверт вә үнваныны ҝөндәрмәји унутма.

⁶ Хүсуси тәләбатлар. Әҝәр тәблиғчи јерләшдирилмә илә бағлы көмәк истәјирсә, јығынҹағын хидмәти комитәси бу тәблиғчијә «Хүсуси тәләбатлы шәхсләр үчүн мәнзил сорғусу» бланкыны вериб-вермәмәји гәрара алмалыдыр. Јығынҹағын катиби бланкы конгресин мәнзил шө’бәсинә ҝөндәрмәздән әввәл, бланкдакы, һәмчинин филиалын бүтүн ағсаггаллар шурасына ҝөндәрдији 14 декабр 2007-ҹи ил тарихли мәктубдакы ҝөстәришләри нәзәрә алмалыдыр.

⁷ Јахшы ишләр. Јеһоваја ибадәт етмәк үчүн Онун бирҝә топлашмаг тапшырығына әмәл етмәјимиз өз ‘хејримизәдир’. Даһа ваҹиби исә одур ки, бу бизә Јеһованын адыны иззәтләндирмәк имканыны верир (Јешаја 48:17). Бизим јахшы ишләримиз чохларына ашкар олдуғу үчүн вилајәт конгреси заманы бә’зи инсанлар өз үрәк сөзләрини демишдиләр (1 Тим. 5:25). Һәмишә конгресләримизин кечирилдији бир шәһәрдә меһманхана менеҹери демишди: «Шәһәримиздә Јеһованын Шаһидләри вә конгресләринизин бизим үчүн нә мә’на дашыдығы барәдә чох шеј данышылыр. Сизләрин конгресин кечирилдији јери вә машын дајанаҹагларыны неҹә тәмизләдијини билирик. Бу јај мөвсүмүндә сизи бурада ҝөрмәјә чох шадыг. Үмидварыг ки, үзүмүзә ҝәлән илләрдә дә сизи меһманханамызда ҝөрәҹәјик». Сонра о, диҝәр групларын вә естрада артистләринин јаратдығы проблемләрдән данышды вә баҹы-гардашларын меһманханада галдыглары вахт әрзиндә ҝөстәрдији әмәкдашлыг руһуна вә сәбринә ҝөрә тә’рифләјәрәк әлавә етди: «Биз арзу едирик ки, бүтүн гонагларымыз Јеһованын Шаһидләри кими олсунлар!» Һәмиманлыларымызын давранышына дејилән бу кими тә’риф сөзләри Јеһова Аллаһымызын үрәјини неҹә дә севиндирир!

⁸ Иса демишди ки, бизим һәјатымыз ‘Аллаһын ағзындан чыхан һәр бир сөзә’ гулаг асмағымыздан асылыдыр (Мат. 4:4). Һәр ил кечирилән конгресләрдә Јеһова «садиг вә ағыллы гул»ун һазырладығы руһани гиданы «вахтлы-вахтында» тәгдим едир (Матта 24:45). Бу руһани зијафәтин һазырланмасы вә кечирилмәси үчүн чох ишләр ҝөрүлүр. Ҝәлин конгресдә иштирак етмәклә вә програмын һәр бир һиссәсинә диггәтлә гулаг асмагла Јеһованын севҝи долу гајғысыны гијмәтләндирдијимизи ҝөстәрәк.

[4-ҹү сәһифәдәки чәрчивә]

Програмын ҹәдвәли

Ҹүмә вә шәнбә ҝүнләри

9:20 — 16:55

Базар ҝүнү

9:20 — 16:00

[Өјрәнилмә үчүн олан суаллар]

1. а) Нәјә ҝөрә Павелин мәсләһәтинә риајәт етмәк индики дөврдә олдугҹа зәруридир? (Ибраниләрә 10:24, 25 ајәләрини оху.) б) Үзүмүзә ҝәлән һансы һадисә Павелин мәсләһәтинә әмәл етмәк имканы верәҹәк?

2. а) Нәјә ҝөрә конгресин һәр үч ҝүнүндә иштирак етмәк ваҹибдир? б) Конгресә индидән неҹә һазырлаша биләрсән?

3. Биз башгаларынын гејдинә неҹә гала биләрик?

4. Вилајәт конгресләрин һарада вә нә заман кечириләҹәји барәдә мә’луматы неҹә әлдә етмәк олар?

5. Әҝәр биз јығынҹағымызын тә’јин олундуғу конгресә јох, диҝәринә ҝедириксә, јерләшдирилмә һагда мә’луматы һарадан ала биләрик?

6. «Хүсуси тәләбатлы шәхсләр үчүн мәнзил сорғусу» бланкы илә әлагәдар бә’зи хатырлатмалар һансылардыр?

7. а) Конгрес заманы Јеһоваја неҹә иззәт ҝәтирә биләрик? б) Һәмиманлыларымызын нүмунәви давранышы меһманхана ишчиләринә неҹә тә’сир бағышламышды?

8. Матта 4:4 ајәси програмын һәр һиссәсинә диггәтлә гулаг асмағын ваҹиблијини неҹә вурғулајыр?