Суаллар гутусу
◼ Ҹиб телефонларындан вә пејҹерләрдән истифадә едәркән нә барәдә хатырламалыјыг?
Бу ҹүр гурғулар, демәк олар ки, инсанларла мүхтәлиф јерләрдән әлагә сахламаға имкан јарадыр. Бу фајдалы олса да, јол вермәмәлијик ки, ҹиб телефонларынын вә пејҹерләрин истифадәси хидмәтимизин вә ја мәсиһчи ҝөрүшләринин дәјәрини ашағы салсын. Бу неҹә баш верә биләр?
Тәблиғдә олдуғумуз вахт инсанла данышаркән ҹиб телефонумузун зәнҝи вә ја пејҹерин сигналы чалынарса нә баш верәҹәјини тәсәввүр един. Мүсаһибимиз нә дүшүнәр? Зәнҝә ҹаваб вермәк үчүн сөһбәтимизи јарымчыг сахлајарыгса мүсаһибимиздә һансы тәәссүрат јаранар? Әлбәт ки, инсанлара Падшаһлыг һаггында хәбәри ешитмәјә манеә төрәдәҹәк һеч бир иш ҝөрмәк истәмирик (2 Кор. 6:3). Буна ҝөрә дә, әҝәр үстүмүздә ҹиб телефону вә ја пејҹер ҝәздиририксә, онлары елә көкләмәлијик ки, нә бизә, нә дә башгаларына мане олмасынлар.
Бизимлә бирликдә хидмәт едән әмәкдашымыз шәһадәтлик едирсә, онда неҹә? Әҝәр тәблиғ үчүн вахт ајырмышыгса, тәблиғ һаггында да дүшүнмәлијик. Мүгәддәс хидмәтимизә һөрмәтлә јанашдығымыз үчүн, бу вахты лазымсыз шәхси ишләримизә вә достларымызла сөһбәтә сәрф етмәјәҹәјик (Ром. 12:7). Тәбиидир ки, шәһадәтлик етмәк вә ја тәкрар башчәкмәјә шәртләшмәк үчүн телефондан истифадә етмәјимиз јериндә олар.
Ҹиб телефонунун истифадәсинә хүсусилә дә автомобил идарә едәркән диггәтли јанашмалыјыг. Белә ки, бир-сыра арашдырмалар ҝөстәрир ки, автомобил сүрәркән телефонла данышмаг гәза төрәтмәк еһтималыны артырыр. Биз, нәглијјат идарә едәркән ҹиб телефонларынын вә пејҹерләрин истифадәсини гадаған едән ганунлара ҹидди риајәт етмәлијик.
Јығынҹаг ҝөрүшләри вә конгресләр — Јеһовадан тә’лим алмаг үчүн јығышдығымыз руһани тәдбирләрдир. Мәҝәр Аллаһа олан һөрмәт һиссинә вә бу ҹүр мүгәддәс тәдбирләрә ҝөрә олан миннәтдарлығымыз, бизи вә башгаларыны јајындырмамаг үчүн телефонларымызы вә пејҹерләримизи көкләмәјә тәшвиг етмәјәҹәкми? Әҝәр диггәтимизә лајиг тә’ҹили бир иш варса, ону ҝөрүш јериндән кәнарда һәлл етмәлијик. Ән јахшысы исә, шәхси вә дүнјәви ишләримизлә башга вахт мәшғул олмагдыр (1 Кор. 10:24).
Ҝәлин, ҹиб телефонларындан вә диҝәр електрон гурғулардан истифадә едәркән, һәмишә башгаларына һөрмәт етдијимизи вә руһани дәјәрләрә ҝөрә дәрин миннәтдарлыг әкс етдирдијимизи ҝөстәрәк.