Падшаһлыг ишинә һәср олунмуш вәсаитләри гијмәтләндирин

¹ Мә’бәдин тә’мири һагда сәрәнҹам верәркән, Јошија падшаһ тә’мир иши илә мәшғул оланлары тә’рифләди вә онун тапшырығына әсасән онлара верилән пулу һесабламадылар. “Чүнки сәдагәтлә чалышырдылар” (2 Крал. 22:3-7). О инсанлар мүгәддәс шејләри гијмәтләндирирдиләр. Буну, онлара е’тибар едилән вәсаитләрлә давранмаларындан ҝөрмәк олар. Бу ҝүн “Аллаһын хош хәбәринин мүгәддәс ишини” (ЈД) иҹра едәркән, биз дә сүбут етмәк истәјирик ки, мадди вәсаитләри бизә е’тибар етмәк олар.

² Тәблиғ хидмәтиндә. Нәшрләримиздә олан мә’луматын ваҹиблијини вә онлары һазырламагла әлагәдар чәкилән хәрҹләри анламаг, бизи бу нәшрләри јүксәк гијмәтләндирмәјә тәшвиг едир. Е’тинасыз олмаға вә әдәбијјатымызы, Мүгәддәс Китабын һәгигәтини әсл мә’нада гијмәтләндирмәјән инсанлара вермәјә дәјмәз. Әҝәр инсан хош хәбәрә аз мараг ҝөстәрирсә, онда биз она башга нәшр дејил, трактат тәклиф едә биләрик.

³ Әдәбијјаты елә пајла ки, ону гијмәтләндирдијин һисс олунсун. Иҹтимаи јерләрдә дә гојма, чүнки әдәбијјаты дағыда биләрләр. Бәдхәрҹ олмамаг үчүн, артыг әдәбијјат ҝөтүрмәздән әввәл евдә олан әдәбијјатыны јохла. Әҝәр журналын һәр сајындан мүнтәзәм олараг евдә артыг нүсхәләр галырса, онда сифаришини азалтмаг барәдә дүшүн.

⁴ Шәхси истифадә үчүн олан әдәбијјат. Биз, доғрудан да јалныз истифадә едәҹәјимиз әдәбијјаты сифариш етмәлијик. Хүсусән дә башга дилләрдә олан, Мүгәддәс Китабын баһалы нәшрләрини — гејдләрлә олан Мүгәддәс Китаблары, һәмчинин “Мүгәддәс Китаб симфонијасы”, “Индекс”, “Мүгәддәс Јазыларын дәрк едилмәси” вә “Тәблиғчиләр” кими диҝәр ири һәҹмли нәшрләри сифариш едәркән исрафчылыға јол вермәмәлијик. Бүтүн бу нәшрләрин һазырланмасы бөјүк мигдарда хәрҹләрлә бағлыдыр.

⁵ Сәнә мәхсус олан нәшрләрин үзәринә адыны вә үнваныны јазмағы унутмурсан ки? Белә һалда, һарада исә унутдуғун әдәбијјатын әвәзинә башгасыны ҝөтүрмәјә тәләсмәјәҹәксән. Маһны китабыны, Мүгәддәс Китабы вә ја өјрәнилән әдәбијјаты итирмисәнсә, еһтимал ки, онлары Падшаһлыг Залында, ја да конгресин кечирилдији јердә тапылмыш әшјаларын арасында тапаҹагсан (Лука 15:8, 9).

⁶ Ҝәлин, нәшрләримиздән ағыллы тәрздә истифадә едәк. Бу ҹүр давранмагла Јеһоваја сүбут едәҹәјик ки, Падшаһлыг ишинә һәср олунмуш вәсаитләри бизә е’тибар етмәк олар (Лука 16:10).