Нәшрләримиздән сәмәрәли истифадә ет
1. Вердији шејләрә ҝөрә Јеһоваја миннәтдар олмагда Исаны неҹә тәглид едә биләрик?
1 Иса минләрлә инсаны мөҹүзәви шәкилдә јемәклә тәмин етдикдән сонра артыг галаны јығмағы тапшырды (Мат. 14:19-21). Исанын Атасынын бәхш етдији шејләри бу ҹүр гијмәтләндирмәси ‘садиг нөкәрбашынын’ васитәсилә тәмин етдији һәр шејә ҝөрә Јеһоваја ‘шүкүр етмәкдә’ бизим үчүн ҝөзәл нүмунәдир (Колос. 3:15; Лука 12:42; Мат. 24:45-47).
2. Журналларын јығылыб галмасынын гаршысыны неҹә ала биләрик?
2 Журналлар. Инсанлара пајлаја билмәдијимиздән журналларымыз јығылыб гала биләр. Әҝәр белә һал биздә тез-тез олурса, сифаришимизин сајыны азалтмаг лазымдыр. Көһнә журналларла нә етмәк олар? Нә гәдәр вахт кечсә дә, онлар өз дәјәрини итирмир. Әҝәр биздә јығылыб галмыш көһнә журналлар варса, хидмәти нәзарәтчи вә ја башга ағсаггал онлары пајламағын еффектив үсулларыны тапмагда бизә көмәк едә биләр.
3, 4. Падшаһлыг Залында әдәбијјат истәјәндә нәји јадда сахламалыјыг?
3 Башга әдәбијјатлар. Хидмәтдә тәклиф едиләҹәк әдәбијјат дәјишиләндә тәблиғ үчүн һәмин әдәбијјатларын әлавә нүсхәләрини Падшаһлыг Залындан ҝөтүрмәздән әввәл онлардан һансыларын евдә олуб-олмадығыны дәгигләшдир. Чалыш ки, бир һәфтә әрзиндә пајлајаҹағын гәдәр әдәбијјат ҝөтүрәсән. Әлавә нүсхәни исә онлары пајладыгдан сонра истә.
4 Јахшы оларды ки, шәхси истифадәмиз үчүн һәгигәтән лазым олан вәсаитләри истәјәк. Хүсуси ајрылмыш јердә адыны јаз. Бу, шәхси нүсхәни итирән заман онун сәнә гајтарылмасына көмәк едәҹәк. Әҝәр компакт дискдә олан «Ҝөзәтчи Гүлләсинин китабханасы»ндан истифадә едирсәнсә вә өзүн үчүн әдәбијјатларын нүсхәсини сахлајырсанса, онда «Ҝөзәтчи Гүлләси» вә «Ојанын!» журналларынын ҹилд чәкилмиш нүсхәләрини истәмәјә еһтијаҹын олмаја биләр.
5. Әдәбијјатларымызы пајлајаркән нәји јадда сахламалыјыг?
5 Әдәбијјатларын пајланмасы. Әдәбијјатларымызы јалныз сәмими мараг ҝөстәрән инсанлара вермәјә чалышырыг. Јадда сахла ки, хидмәтдә истифадә етдијимиз бу дәјәрли вәсаитләрин малијјә ҹәһәтдән гијмәтләндирилмәси үчүн бирбаша мәсулијјәти биз дашыјырыг. Марагланан кәсә әдәбијјат верәркән фүрсәтдән истифадә едиб үмумдүнја ишинин онларын етдији ианәләрлә дәстәкләндијини демәкдән чәкинмәмәлијик.
6. Нәјә ҝөрә әдәбијјатларымызы даһа чох гијмәтләндирмәлијик вә бу, бизи онларла бағлы нәјә тәшвиг едир?
6 Иса мөҹүзәви шәкилдә инсанлары физики гида илә дојурса да, онлары даһа чох руһани гида илә тәмин едирди. Иса демишди: «Инсан јалныз чөрәклә јашамаз, лакин Аллаһын ағзындан чыхан һәр бир сөзлә јашар» (Мат. 4:4). Әдәбијјатларымыз әбәди һәјата наил олмаг үчүн һәјати ваҹиб олан Мүгәддәс Китаб һәгигәтләрини өјрәдир (Јәһ. 17:3). Бу гәдәр дәјәрли олан әдәбијјатлары бош јерә сәрф етмәк олмаз!