Гејри-рәсми сурәтдә шаһидлик едәрәк Јеһованы мәдһ ет
1 Јеһованын садиг хидмәтчиләри Ону һәр ҝүн мәдһ етмәк үчүн имканлар ахтарырлар (Мәз. 96:2, 3; Ибр. 13:15). Бу имканлардан бири, гејри-рәсми сурәтдә шаһидлик етмәкдир. Јеһованын бир чох хидмәтчиләри, Падшаһлыг һаггында хәбәри илк дәфә гејри-рәсми сурәтдә шаһидлик васитәсилә ешитдикләри үчүн чох шад олмушлар.
2 Тез-тез олур ки, бир инсана гејри-рәсми сурәтдә шаһидлик едәндә, онун васитәсилә Падшаһлыг һаггында хәбәри башгалары да ешидир. Мәсәлән, Јагубун гујусу јахынлығында Исанын самаријалы бир гадынла сөһбәтиндән сонра, шәһәрин диҝәр сакинләри дә хош хәбәрә мараг ҝөстәрдиләр (Јәһ. 4:6-30, 39-42). Павел вә Сила Филипидә һәбсханада оларкән, кешикчијә тәблиғ едирдиләр. Нәтиҹәдә исә о, һәмчинин онун аилә үзвләринин һамысы һәгигәти гәбул етдиләр (Һәв. иш. 16:25-34).
3 Мөвҹуд олан имканлар. Гејри-рәсми сурәтдә һарада шаһидлик едә биләрсән? Бә’зиләри буну мағазада, иҹтимаи нәглијјатда вә ја һәкимин гәбулуна нөвбә ҝөзләјәркән едирләр. Башгалары ишдә фасилә вахты вә ја мәктәбдә тәнәффүс заманы шаһидлик едирләр. Һәтта садәҹә олараг Мүгәддәс Китаба әсасланан нәшрләримиздән бирини ҝөз габағына гојсаг, еһтимал ки, ким исә бизим иманымызла марагланаҹаг (1 Пет. 3:15).
4 Башламағын үсулу. Једди јашлы утанҹаг гыз јығынҹагда ешидир ки, тәблиғ етмәк олдугҹа зәруридир. Анасы илә мағазаја һазырлашаркән, чантасына ики брошүра гојур. Анасы пиштахтанын јанында дајандығы мүддәтдә, гыз брошүраны бир гадына тәгдим едир, гадын да өз нөвбәсиндә брошүраны мәмнунијјәтлә алыр. Анасы гыздан танымадығы гадына јахынлашмаг үчүн һарадан ҹәсарәт топладығыны сорушдугда, гыз ҹаваб верир: “Өзүм өзүмә дедим: һазырлаш, диггәт, марш! Сонра исә јахынлашдым”.
5 Гејри-рәсми сурәтдә шаһидлик етмәк үчүн, биз дә бу балаҹа гыз кими сә’јли олмалыјыг. Бу ишдә бизә нә көмәк едә биләр? Ҹәсарәтлә данышмаг үчүн Јеһовадан көмәк дилә (1 Салон. 2:2). Сөһбәтә башлаја биләсән дејә, габагҹадан суал вә ја мөвзу һазырла. Әмин ол ки, Јеһова сәнин сә’јинә хејир-дуа верәҹәк (Лука 12:11, 12).
6 Һәр ҝүн гаршылашдығымыз адамлара гејри-рәсми сурәтдә шаһидлик едәрәк, Јеһованы мәдһ едир, өзүмүз исә севинҹ дујуруг. Бу, кимләринсә әбәди һәјат јолуна дурмаларына көмәк едә биләр.