Биз һәр ан Јеһованын Шаһидијик
1. Исанын гују башында гадына тәблиғ етмәсиндән нә өјрәнә биләрик?
1 Иса саатларла јол ҝетмишди. О, јорғун вә сусуз иди. Шаҝирдләри әрзаг алмаға ҝедәркән о, динҹәлмәк үчүн Самарија шәһәри јахынлығындакы гујунун башында отурду. Иса ораја тәблиғ етмәк үчүн ҝәлмәмишди. О, хидмәтини Галилејада давам етдирмәк үчүн садәҹә олараг орадан кечирди. Бунунла белә, су чәкмәјә ҝәлән гадына тәблиғ етмәк фүрсәтини әлдән вермәди (Јәһ. 4:5-14). Нәјә ҝөрә? Иса һәр заман Јеһованын ‘садиг вә һәгиги Шаһиди’ олараг галырды (Вәһј 3:14). Биз дә һәр ан Јеһованын Шаһидләри олмагла Исаны тәглид едирик (1 Пет. 2:21).
2. Гејри-рәсми шаһидлик вермәк үчүн неҹә һазырлыг ҝөрә биләрик?
2 Һазырлыглы ол. Өзүмүзлә әдәбијјат ҝөтүрмәклә гејри-рәсми шәкилдә шаһидлик вермәјә һазыр ола биләрик. Бир чох тәблиғчиләр трактатлары әлләриндә һазыр тутур вә онлары сатыҹылара, јанаҹагдолдурма мәнтәгәсиндәки адамлара вә ҝүн әрзиндә үнсијјәтдә олдуглары башга инсанлара верирләр (Ваиз 11:6). Тез-тез сәјаһәт едән бир баҹы һәмишә өзү илә кичикформатлы Мүгәддәс Китаб ҝөтүрүр, чантасына исә «Мүгәддәс Китаб өјрәдир» китабыны гојур вә јанында әјләшән инсанларла сөһбәт етмәјә башлајыр.
3. Сөһбәтә неҹә башлаја биләрик?
3 Сөһбәтә башла. Гејри-рәсми тәблиғ едәндә дәрһал Мүгәддәс Јазылары арашдырмаға башламырыг. Иса гују башында гадынла сөһбәтинә өзүнү Мәсиһ кими танытмагла башламады. О, садәҹә су истәмәклә онда мараг ојатды (Јәһ. 4:7-9). Бир баҹы диггәт јетириб ки, бу ҹүр јанашмаг ондан бајрамлары нә үчүн кечирмәдијини сорушанлара сөһбәтә башламаға имкан јарадыр. Јеһованын Шаһиди олдуғу үчүн бајрамларда иштирак етмәдијини демәк әвәзинә, о, белә ҹаваб верир: «Бајрамлары кечирмәмәк шәхси сечимимдир». Адәтән һәмсөһбәти бунун сәбәби илә марагланыр, бу да баҹыја шаһидлик вермәјә имкан јарадыр.
4. Матта 28:18-20 ајәләри нәјә ҝөрә сәни руһландырыр?
4 Иса јер үзүндәки хидмәтини сәјлә баша чатдырса да, һәјата кечирдији тәблиғ иши илә инди дә јахындан марагланыр (Мат. 28:18-20). Буна ҝөрә дә нүмунәмиз олан Исаја бәнзәјәрәк һәр ан иманымызы бәјан етмәјә һазыр олан инсана шаһидлик веририк (Ибр. 10:23).