Гејри-рәсми шаһидлик етмәјә һазырсанмы?
1. Һансы нүмунә ҝөстәрир ки, гејри-рәсми шаһидлик јахшы нәтиҹә верә биләр?
1 Гејри-рәсми шаһидлик чох јахшы нәтиҹә верә биләр. Мүгәддәс Китабда буна даир чохлу нүмунәләр вар (Јәһ. 4:7-15). Бу ҹүр шаһидлик етмәјә неҹә һазыр ола биләрик?
2. Ҝејимимиз вә хариҹи ҝөрүнүшүмүз шаһидлик етмәкдә бизә неҹә көмәк едә биләр?
2 Ҝејим вә хариҹи ҝөрүнүш. Ҝејимимизә вә хариҹи ҝөрүнүшүмүзә һәр заман диггәт јетирмәјимиз сајәсиндә чәкинмәдән инсанлара шаһидлик едә биләрик (1 Тим. 2:9, 10). Әҝәр ҝејимимизә ҝөрә нараһатыгса, чох еһтимал ки, шаһидлик едә билмәјәҹәјик. Әксинә, тәмиз вә сәлигәли ҝөрүнүшүмүзүн өзү башгаларында мараг ојада биләр. Мәсәлән, бир дәфә Јеһованын Шаһиди олан әр-арвад бир мүсәлманын јанында әјләшмишди. Онларын хариҹи ҝөрүнүшүнү ҝөрән киши бу әр-арваддан мәсиһчи олуб-олмадыгларыны сорушду. Бу, Мүгәддәс Китаб һаггында үч саат давам едән сөһбәтин башланмасына шәраит јаратды.
3. Исанын нүмунәсини изләјәрәк сиз сөһбәтә неҹә башламысыныз?
3 Сөһбәтә башла. Иса Јагубун гујусунун јанында самаријалы гадынла гаршылашанда сөһбәтинә садәҹә ондан су истәмәклә башлады. Буна бәнзәр тәрздә, биз дә гыса фикир сөјләмәклә, јахуд садә суал вермәклә сөһбәтә башлаја биләрик. Һәрдән тәрәддүд етсәк дә, Јеһованын көмәјинә архаланараг, сөһбәтә башламаг үчүн ‘ҹәсарәт ала’ биләрик (1 Салон. 2:2).
4. Гејри-рәсми шаһидлик етмәјә неҹә һазыр ола биләрик?
4 Имканлар ахтар. Бир чох тәблиғчиләр гејри-рәсми шаһидлик етмәк үчүн мүхтәлиф үсуллардан истифадә едирләр. Шәраитини нәзәрдән кечир вә ҝүн әрзиндә растлаша биләҹәјин инсанлар һагда дүшүн. Јанында һәмишә мүвафиг нәшрләр вә Мүгәддәс Китаб олсун. Диггәтли ол вә әтрафындакы инсанлара мараг ҝөстәр. Ҝүн әрзиндә гаршында ачыла биләҹәк имканлар һагда габагҹадан дүшүнсән, еһтимал ки, јахшы шаһидлик етмәјә һазыр олаҹагсан (Филип. 1:12-14; 1 Пет. 3:15).
5. Нә үчүн гејри-рәсми шаһидлик етмәји тәсадүфүн өһдәсинә бурахмамалыјыг?
5 Гејри-рәсми шаһидлик етмәк үчүн һәр фүрсәтдән истифадә етмәјә ики тутарлы сәбәб вар — Аллаһа вә јахынымыза мәһәббәт (Мат. 22:37-39). Тәблиғ ишинин тәҹили олдуғуну нәзәрә алараг гејри-рәсми шаһидлик етмәји садәҹә тәсадүфүн өһдәсинә бурахмаг олмаз. Нә гәдәр ки вахт вар, Падшаһлыг һагда хош хәбәри инсанларла бөлүшмәк үчүн һәр фүрсәтдән истифадә етмәјә һазыр олмалыјыг (Ром. 10:13, 14; 2 Тим. 4:2).