Рајон конгресинин јени програмы
1 Мүәллимимиз Иса Мәсиһ габагҹадан билдирмишди ки, онун давамчылары әзијјәт чәкәҹәкләр (Мат. 24:9). Биз сынаглара неҹә јанашмалыјыг? Әзијјәтләрә таб ҝәтирмәкдә бизә нә көмәк едәр? Бу суаллара 2004-ҹү хидмәт илинин рајон конгресинин програмы ҹаваб верәҹәк. Програмын мөвзусу белә адланыр: “Үмидлә севинин; кәдәрдә сәбирли... олун” (Ром. 12:12, И-93).
2 Ики силсилә мә’рузә. “Сәбирлә сәмәрә верин” башлығы алтында мә’рузәләр силсиләсинин биринҹи һиссәсиндә бизә сәмәрә ҝәтирмәјин јолу изаһ олунаҹаг. Мүсаһибә верәрәк бир нечә тәблиғчи, вахтын ҝөзләмәдијини баша дүшәрәк неҹә тәблиғ етдикләри вә өјрәтдикләри барәдә данышаҹаг. Сөзсүз ки, валидејнләрә програмын “Јеһова тәрбијә верәндә” адлы һиссәси хүсусилә хош ҝәләҹәкдир. Онлар бу һиссәдән ушаглары илә мүлаһизә јүрүтмәјин үсулуну өјрәнәҹәкләр. Програмын бу һиссәсинин сон мә’рузәси диггәтимизи хүсусилә дүнјанын бизим һәјатымыза мүдахилә етмәсинә вә бизи сәмәрәсиз етмәсинә гаршы дурмағымызын ваҹиблијинә јөнәлдәҹәк (Марк 4:19).
3 Мә’рузәләр силсиләсинин икинҹи һиссәсинин мөвзусу белә адланыр: “Гаршыныза гојулан мәсафәни мәтанәтлә гачын”. Бу һиссәдән һәјатымызын һансы мә’нада јарыша бәнзәдијини өјрәнәҹәјик. Һансы сәбәбдән гајдаја ҝөрә јарышмалыјыг? Бизи асанлыгла чашдыран ҝүнаһы неҹә тәрк едә вә һәјат уғрунда гачышда неҹә зәифләмәјә биләрик? Мүгәддәс Китаба әсасланан вахтлы-вахтында олан бу өјүдләр һамымыза мәтанәтлә гачмаға давам етмәкдә көмәк едәҹәк.
4 Мәтанәт Аллаһын лүтфүнә ҝәтириб чыхарыр. Сәјјаһ нәзарәтчиләрин мә’рузәләри нәсиһәтә гулаг асан вә ону һәјатында тәтбиг едән кәсләрин иманыны мөһкәмләдәҹәк. Вилајәт нәзарәтчисинин мә’рузәси белә адланыр: “Мәтанәт лүтфә ҝәтириб чыхарыр”. Ачыг мә’рузәдән бу кими суалларын ҹавабыны өјрәнәҹәјик: Халглар кимә бел бағламалыдыр вә бу өзүнә нәји дахил едир? “Өз ҹанларынызы сәбирлә хилас един” адлы јекун мә’рузәдә исә, натиг әдаләтсизлијә таб ҝәтирмәкдә вә гәддарлашмамагда Исаја көмәк едән амилләри нәзәрдән кечирәҹәк.
5 Конгресин кечириләҹәји һәфтә өјрәнәҹәјимиз мәгаләни өзүнә дахил едән “Ҝөзәтчи Гүлләси” журналыны ҝөтүрмәји унутма. Диггәтини топламаға вә програмдан бә’зи фикирләри јада салмағына көмәк едән гејдләр ет. Бир гәдәр сонра јығынҹагда бүтүн програмын хүласәси кечириләҹәкдир.
6 Јеһованын өзү бизим үчүн әсл руһани зијафәт һазырлајыб! Ҝәл вә ләззәт ал! Програмын бүтүн һиссәләриндә иштирак етмәклә үрәјимиздәки севинҹ һиссиндән тәрәннүм едәҹәјик (Иш. 65:14).