Суаллар гутусу

◼ Аиләви Мүгәддәс Китаб өјрәнмәси һаггында һесабат вермәк лазымдырмы?

Әҝәр мәсиһчи валидејн вәфтиз олунмамыш ушаглары илә аиләви Мүгәддәс Китаб өјрәнмәси кечирирсә, өз һесабатына һәфтәдә бир саата кими вахт вә бир тәкрар ҝөрүш јаза биләр. Ајда исә бир Мүгәддәс Китаб өјрәнмәси јаза биләр. Бу, өјрәнмәнин бир саатдан чох чәкдији, һәфтәдә бир дәфәдән артыг кечирилдији вә ја һәр ушагла ајры кечирилдији һаллара да аиддир. (“Бизим хидмәтимиз” китабынын 105-ҹи сәһифәсинә бах, рус.)

Әҝәр аиләнин бүтүн үзвләри вәфтиз олунмуш Шаһидләрдирсә, нә өјрәнмә вахты, нә дә ки өјрәнмәнин өзү тәблиғ хидмәти һесабатына дахил едилмир (вәфтиз олунмуш ушагла икинҹи нәшри өјрәнилән һаллардан савајы). Нәјә ҝөрә дахил едилмир? Чүнки јығынҹағын һәр ајлыг һесабатында Јеһованын һәср олунмуш вә вәфтиз олунмуш хидмәтчиләри олмајанлара тәблиғ етмәк вә Мүгәддәс Китаб һәгигәтини өјрәтмәк иши барәдә мә’лумат верилир (Мат. 24:14; 28:19, 20). Лакин бу, мүнтәзәм сурәтдә кечирилән аиләви өјрәнмәнин ваҹиблијини һеч дә азалтмыр.

Өз ушаглары илә өјрәнмәк мәсиһчи валидејнләринин борҹудур. Аиләви өјрәнмәни тәшкил етмәкдә вә ја јахшылашдырмагда көмәјә еһтијаҹы олан кәсләр ағсаггаллара мүраҹиәт едә биләрләр. Әҝәр Јеһованын Шаһидләри олан валидејнләр истәјирләр ки, онларын вәфтиз олунмамыш оғлу вә ја гызы илә Мүгәддәс Китаб өјрәнмәсини башга тәблиғчи кечирсин, онда сәдрлик едән вә ја хидмәти нәзарәтчи илә мәсләһәтләшмәк лазымдыр. Әҝәр иҹазә верилибсә, онда белә өјрәнмәни кечирән тәблиғчи, башга Мүгәддәс Китаб өјрәнмәләрилә олдуғу кими, бу өјрәнмә һагда да һесабат верә биләр.

Ушаглары Јеһованын јолларына өјрәтмәк үчүн, тәблиғ хидмәти һаггындакы һесабатда јаздығымыз вахтдан даһа чох вахт вә сә’ј тәләб олунур (Тәс. 6:6-9; Сүл. мәс. 22:6). Мәсиһчи валидејнләр ушагларыны “Рәббин тәрбијә вә нәсиһәти илә” бөјүтмәк кими асан олмајан вәзифәләрини сә’јлә јеринә јетирдикләри үчүн тә’рифә лајигдирләр (Ефес. 6:4).