Јеһованын Шаһидләринин 2004-ҹү ил үчүн “Аллаһла јеријин” адлы вилајәт конгреси

¹ Вилајәт конгресләриндә хүсусилә хошуна ҝәлән нәдир? “Садиг вә ағыллы гул”ун бизим үчүн һазырладығы инкишафетдириҹи мә’рузәләр вә драммы? (Мат. 24:45-47). Јени нәшрләрдән ибарәт олан вахтлы-вахтында алдығымыз руһани гидамы? Баҹы-гардашларын мүсаһибәләр заманы Мүгәддәс Китабын онларын һәјатына тә’сир ҝөстәрмәсинә даир сөјләдикләрими? Падшаһлыг ишинин башга өлкәләрдә неҹә инкишаф етмәси һаггында хәбәрләрми? Мүхтәлиф јашда олан һәмиманлыларла үнсијјәтми? Бәли, биз вилајәт конгресләрини мәһз бу вә бир чох диҝәр сәбәбләрдән сәбирсизликлә ҝөзләјирик!

² Үч ҝүнүн һамысында иштирак ет. Јеһова Мусанын васитәсилә бујурду: “Халгы... топла ки, ешитсинләр вә өјрәнсинләр” (Тәс. 31:12). Бу ҝүн дә Јеһова садиг вә ағыллы гулун васитәсилә бизим үчүн конгресин һәр ҝүнүнә хүсуси програм һазырлајыб. О, бизә ‘фајдалы оланы өјрәтдији’ үчүн Онун вердији руһани нәсиһәтләриндән һеч бирини бурахмаг истәмирик (Иш. 48:17). Әҝәр сәнә ишдән иҹазә алмаг лазымдырса, онда Неһемјанын ҹәсарәтли нүмунәсини тәглид ет — мүдирлә сөһбәт етмәздән әввәл Јеһоваја дуа ет (Неһ. 1:11; 2:4). Бундан әлавә, әҝәр сәнин аиләндә иманына шәрик олмајанлар варса, јахшы оларды ки, конгресә даир планларыны онлара мүмкүн гәдәр тез билдирәсән.

³ Јерләшдирмә. Конгрес кечирилән шәһәрләрдә, конгрес нүмајәндәләринин раһат јашајыш јерләринин олмасы үчүн бөјүк ишләр апарылыр. Бу мәгаләни хидмәти ҝөрүшдә мүзакирә етдикдән сонра е’ланлар лөвһәсинә “Мәсләһәт ҝөрүлән мәнзилләрин сијаһысы” бланкы асылаҹаг. Хүсусилә мадди ҹәһәтдән чәтинлик чәкән тәблиғчиләр үчүн мәнзил шө’бәси јатагханаларда вә башга јерләрдә јер ахтарыр. Бу ҹүр јерләрдә ҝеҹәләмәк уҹуз баша ҝәлир, лакин әксәр һалларда орада јахшы истираһәт етмәк, палтарлары сәлигәјә салмаг вә чиммәк үчүн шәраит јохдур. Конгрес заманы бир нечә ил әрзиндә бу кими јерләрдә јашасан да, имканларыны тәкрар јохламаға дәјмәзми? Бир чох аиләләр вә јығынҹағын ајры-ајры үзвләри конгрес ҝүнләрини меһманханада јашамаг үчүн ил әрзиндә һәр ај вәсаит ајырырлар. (1 Коринфлиләр 16:2 илә мүгајисә един.) Беләликлә, онлар јахшы истираһәт едир вә шәхси тәмизликләринә лазымынҹа диггәт јетирә билирләр. Јашамаг шәраити конгресдә алдығымыз руһани гиданы гаврамагда вә баҹы-гардашларла үнсијјәтдән һәзз алмагда әһәмијјәтли рол ојнајыр.

⁴ Конгрес нүмајәндәләринин јахшы әмәкдашлығы сајәсиндә, филиалын көмәји илә јерли гардашлар меһманханаларда јашамаг үчүн хүсуси гијмәтләр һагда мүгавилә бағлајырлар. Буна ҝөрә, хаһиш олунур, јалныз бу сијаһыда ады чәкилән меһманханаларда вә сијаһыда ҝөстәрилән гијмәтә отаг сифариш ет. Онда, еһтимал ки, гардашлар һәр ил конгрес кечирилән јерә јахын олан вә гијмәти даһа фајдалы олан јахшы меһманханаларда отаг сифариш едә биләрләр. Бахмајараг ки, бә’зи меһманханалар конгрес кечирилән јердән бир гәдәр узагдадыр, орадакы шәраит дә чох јахшыдыр. Меһманханаја зәнҝ едиб отаг сифариш етмәздән әввәл 4-ҹү сәһифәдәки чәрчивәни нәзәрдән кечир. Һәмчинин “Меһманханада отаг сифариш етмәјин ән јахшы үсулу” чәрчивәсиндә верилән ҝөстәришләрә әмәл ет.

⁵ Хүсуси тәләбатлары оланлара көмәк. Һәвари Павел Галатијадакы јығынҹаглара “һамыја, әләлхүсус иманлылар аиләсинә јахшылыг” етмәји хатырладыр (Галат. 6:10). Јашлы вә тагәтсиз баҹы-гардашлар, тәнһа валидејнләр вә ја таммүддәтли тәблиғчиләр сиздән көмәк истәмәјә биләрләр, лакин конгресдә иштирак етмәк үчүн, еһтимал ки, онлар һансыса чәтинликләрин өһдәсиндән ҝәлмәли олурлар. Сән хејирхаһ иш ҝөрүб, онлара јардым ҝөстәрә биләрсәнми? Бу ҹүр баҹы-гардашларын гајғысына хүсусилә мәсиһчи гоһумлары вә ағсаггаллар галмалыдырлар.

⁶ Әҝәр тәблиғчи “Хүсуси тәләбатлы шәхсләр үчүн мәнзил сорғусу”ну долдурубса, јығынҹағын хидмәти комитәси бланкдакы ҝөстәришләрә әмәл едәрәк ону нәзәрдән кечирәҹәк. Хидмәти комитә тәблиғчинин хүсуси тәләбатларыны јығынҹағын өз гүввәси илә тә’мин етмәјин мүмкүн олуб-олмадығыны мүәјјән етмәлидир. Бу ҹүр сифаришләр јалныз нүмунәви вә ушаглары јахшы тәрбијәли олан тәблиғчиләр үчүн нәзәрдә тутулуб. Мәнзил шө’бәсиндә чалышан гардашларын сифаришдә ҝөстәрилән хүсуси тәләбатлара даир суаллары јаранарса, онлар јығынҹағын катиби илә әлагә сахлајаҹаглар.

⁷ Мәнзил шө’бәси јашајыш јерләри ахтараркән сифаришләрдә гејд олунан хүсуси тәләбатлары нәзәрә алмаға чалышыр. Әҝәр сән вилајәт конгреси кечирилән шәһәрдә јашајыр вә конгрес нүмајәндәләринә өз евиндә јер вермәк истәјирсәнсә, онда јығынҹағын катибинин сәнә верәҹәји “Мәнзилләр” (ҸО-4, рус.) бланкында бә’зи ваҹиб шејләри тәфсилаты илә гејд етмәјә чалыш, мәсәлән: балаҹа ушагларын вармы, јатаг дәсти вә јемәк тәгдим едә биләрсәнми, евдә һејван вармы вә саирә.

⁸ Башга конгресдә иштирак етмәк. Һәр һансы сәбәбләрә ҝөрә сән, ола билсин, јығынҹағыныз тә’јин олунан конгресә јох, башга конгресә ҝетмәли олурсан. Әҝәр сәнә башга конгрес һаггында мә’лумат лазымдырса, зәһмәт олмаса, өз јығынҹағынын катибинә мүраҹиәт ет. “Хүсуси тәләбатлы шәхсләр үчүн мәнзил сорғусу” бланкынын о бири үзүндә Конгресләрин кечириләҹәк јерләри вә планлашдырма тарихләри, һәмчинин мәнзил шө’бәләри һагда мә’лумат вар. Өз сифаришини вә үзәриндә сәнин үнванын јазылмыш маркалы тәзә конверти мәктубун ичинә гојуб мүнасиб үнвана јолла. Әҝәр һәмин шәһәрдә бир нечә конгрес кечирилирсә, һөкмән сифаришиндә бу конгресләрдән һансына ҝәләҹәјини гејд ет. Һәмин шәһәрдәки конгресин мәнзил шө’бәси мәсләһәт ҝөрүлән мәнзилләрин ән јени сијаһысыны сәнин үчүн јоллајаҹаг.

⁹ Јеһованын халгы үчүн 2 500 ил бундан әввәл кечирилән ҝөрүшдә Езра вә диҝәр левилиләр топлашмыш инсанлара Аллаһын Кәламыны охујур вә изаһ едирдиләр. Нәтиҹәси неҹә олмушдур? Неһемја 8:12 ајәсиндә хәбәр верилир ки, “бүтүн халг, јемәк, ичмәк вә пајлар ҝөндәрмәк вә бөјүк шәнлик һазырламаг үчүн јола дүшдүләр, чүнки билдирилмиш олан сөзләри анламышдылар”. Мәҝәр Езраја вә левилиләрә бәнзәр шәкилдә мәсһ едилмиш мәсиһчиләрин Аллаһын Кәламындан истифадә етдикләринә, ону изаһ етдикләринә вә һәјатда неҹә тәтбиг етмәји ҝөстәрдикләринә ҝөрә миннәтдар дејиликми? Буну етмәклә садиг гул Јеһованын Өз халгына олан сәмими мәһәббәтини вә гајғысыны әкс етдирир. “Аллаһла јеријин” адлы вилајәт конгресинин һеч бир ҝүнүнү бурахмамаға там гәрарлы ол!

[3 сәһифәдәки чәрчивә]

Конгресин ҹәдвәли

Ҹүмә вә шәнбә ҝүнләри

9.30 — тәхминән 17.10

Базар ҝүнү

9.30 — тәхминән 16.05

[4 сәһифәдәки чәрчивә]

Мәнзил шө’бәси илә әмәкдашлыг ет

◼ Јалныз “Мәсләһәт ҝөрүлән мәнзилләрин сијаһысы”нда ҝөстәрилән меһманханаларда гал. Сијаһыда олмајан меһманханалара зәнҝ етмә.

◼ Әҝәр сән сијаһыдакы меһманханаларын һамысына зәнҝ етдикдән сонра һеч һарада јер олмадығы мүәјјән оларса вә ја әҝәр меһманханалардан һансындаса сијаһыда ҝөстәриләндән артыг гијмәт дејәрләрсә, бу һагда өз јығынҹағынын катибинә хәбәр вер. О, сијаһынын башында верилән мә’луматдан истифадә едәрәк, сәнин ҝедәҹәјин конгресин мәнзил шө’бәси илә әлагә сахламалыдыр. Хаһиш едирик, сијаһыда олмајан меһманханаја зәнҝ етмәк әвәзинә, мәнзил шө’бәси сәнин баш чәкәҹәјин конгрес үчүн меһманханаларын ән јени сијаһысыны ҝөндәринҹәјә гәдәр ҝөзлә.

◼ Доғрудан да сәнә лазым олаҹаг отағы сифариш ет.

◼ Биринҹи сифаришини дәјишмә.

◼ Јығынҹағын катиби китабөјрәнмә групларынын нәзарәтчиләри үчүн “Мәсләһәт ҝөрүлән мәнзилләрин сијаһысы”нын сүр’әтини јалныз о заман чыхара биләр ки, јығынҹағын конгресә тә’јин олунмасы һагда мәктубун охунмалы олдуғу һәфтәдә јығынҹағын рајон конгреси олсун. Һәтта бу заман белә “Мәсләһәт ҝөрүлән мәнзилләрин сијаһысы”нын сүр’әтини ајры-ајры тәблиғчиләр үчүн чыхармаг олмаз.

[4 сәһифәдәки чәрчивә]

Меһманханада отаг сифариш етмәјин ән јахшы үсулу һансыдыр?

1. Меһманханалара иш вахты зәнҝ елә. “Мәсләһәт ҝөрүлән мәнзилләрин сијаһысы”нда ҝөстәрилән меһманханаларын телефон нөмрәләриндән истифадә ет.

2. Меһманхана ишчиләринә хәбәр вер ки, сән Јеһованын Шаһидләринин конгресинә ҝәлирсән.

3. Меһманханада галаҹағын мүддәти билдир.

4. Әҝәр меһманханада артыг јер јохдурса, сијаһыдакы меһманханалардан башгасына зәнҝ елә.

5. Әмин ол ки, сәнә отағы “Мәсләһәт ҝөрүлән мәнзилләрин сијаһысы”нда ҝөстәрилән гијмәтә тәклиф едирләр. Даһа баһа гијмәтә разы олма.

6. Отаг сифариш елә вә хаһиш ет ки, һәмин отағын сәндән башга һеч кимә верилмәјәҹәјини тәсдигләсинләр. Мәнзил сифариш едәркән мәнзил шө’бәсинин вердији мәсләһәтләрә әмәл ет.