Јеһованын Шаһидләринин 2007-ҹи илдә кечириләҹәк «Исанын ардынҹа ҝедин!» адлы вилајәт конгреси
1, 2. а) Мусанын ганунунда исраиллиләрин бир јерә топлашмасы һаггында нә дејилирди? б) Конгресә индидән неҹә һазырлашмаг лазымдыр?
1 Мусанын ганунуна әсасән бүтүн исраиллиләр вә јаделлиләр һәр једдинҹи илдә Ганунун охунмасына гулаг асмаг үчүн бир јерә топлашмалы идиләр. Бу нә үчүн лазым иди? ‘Һамынын ешидиб өјрәнмәси’ үчүн (Ганун. т. 31:10-12). Јеһова билирди ки, халгына бир јерә топлашмаг ваҹибдир. Тезликлә Јеһованын мүасир халгы јенә дә бирликдә «Исанын ардынҹа ҝедин!» адланан үчҝүнлүк вилајәт конгресинә топлашаҹаг.
2 Бәс сән бу әламәтдар һадисә үчүн һазырлыг ҝөрүрсәнми? Ишдән иҹазә алмалысанмы? Мүгәддәс Китабы өјрәтдијин адамлара вә ја иманына шәрик олмајан аилә үзвләринә сәнинлә бирликдә конгресә ҝетмәјә көмәк едә биләрсәнми? Јығынҹағынызда конгресдә иштирак етмәк үчүн көмәјә еһтијаҹы оланлар вармы? Јығынҹағынызын дә’вәт олундуғу јох, башга конгресә ҝетмәји планлашдырырсанмы? Галмаг үчүн јер тапмаг лазымдырмы? Нөвбәти мә’лумат сәнә лазыми һазырлығы ҝөрмәјә көмәк едәҹәк.
3. а) Јешаја 25:6 ајәси бу ҝүн неҹә јеринә јетир? б) Ҹүмә ҝүнү конгресә ҝәләнләрин сајына даир нә мүшаһидә олунур вә һәр биримиз нә етмәлијик?
3 Һәр үч ҝүндә иштирак ет. Јеһова Өз халгына бол-бол руһани гида верир (Јешаја 25:6). Руһани зијафәт олан иллик вилајәт конгресләри буна бир нүмунәдир. Анҹаг тәҹрүбә ҝөстәрир ки, ҹүмә ҝүнү конгресдә диҝәр ики ҝүндән аз адам иштирак едир. Јеһованын тәшкилатынын бизим үчүн һазырладығы бу тәравәтләндириҹи конгресин һәр үч ҝүнүндә иштирак етмәји гаршына мәгсәд гој! Ишдән иҹазә алмаг лазымдырса, бу һагда дуа ет. Конгресин кечириләҹәји вахт е’лан олунан кими, ‘Аллаһдан ҹәсарәт алараг’ мүдирә јахынлаш (1 Салон. 2:2; Неһ. 2:4, 5). Она вилајәт конгресинин сәнин ибадәтинин бир һиссәси олдуғуну изаһ етмәјин көмәји дәјә биләр. Бу һагда мүдирлә габагҹадан данышсан, сәни ишдән бурахмаг үчүн лазыми тәдбири ҝөрә биләр.
4. Мүгәддәс Китабы өјрәтдијимиз адамлары вә иманымыза шәрик олмајан аилә үзвләримизи конгресә неҹә һазырлаја биләрик?
4 Мүгәддәс Китабы өјрәтдијин адамлары вә аиләни һазырла. Мүгәддәс Китабы өјрәтдијин адамларын сәнинлә бирликдә конгресә ҝәлмәси вә мәсиһчи гардашлығындакы мәһәббәти ‘бөјүк топлантыда’ өзүнүн дујмасы неҹә дә хош оларды! (Мәз. 22:25). Конгресдә иштирак едә билмәләри үчүн әввәлҹәдән онлара әтрафлы мә’лумат вер. Конгресин сәнин хошуна нә үчүн ҝәлдијини онларла бөлүш. Конгрес һаггында тәсәввүрләринин јаранмасы үчүн әввәлки конгресләрдән сәһнәләр олан видеофилмләри онлара ҝөстәрмәк олар. Планларыны иманына шәрик олмајан аилә үзвләринә билдир. Ола билсин ки, онлар драма бахмаға ҝәлсинләр вә ја конгресин һеч олмаса бир ҝүнүндә сәнинлә иштирак етсинләр.
5, 6. а) Конгреслә әлагәдар 1 Тимотејә 6:18 ајәсинин тәшвиг етдији кими, әлиачыглыг неҹә ҝөстәрә биләрик? б) Конгрес заманы мәнзилә еһтијаҹы оланлар үчүн нә нәзәрдә тутулуб?
5 Баҹы-гардашлара көмәк ет. Һәвари Павел имканлы мәсиһчиләри ‘хејирхаһлыг етмәјә, јахшы ишләрлә варлы олмаға, әлиачыг вә өз малыны диҝәрләри илә бөлүшдүрмәјә һазыр олмаға’ чағырырды (1 Тим. 6:17, 18). Сәхавәтли олдуғумузу јашлылары, хәстәләри, таммүддәтли хидмәтчиләри, тәнһа валидејнләри вә конгресдә иштирак етмәк үчүн көмәјә еһтијаҹы олан диҝәр мәсиһчиләри нәзәрә алмагла ҝөстәрә биләрик. Белә баҹы-гардашлара көмәк етмәк илк нөвбәдә онларын иманда олан гоһумларынын үзәринә дүшүр. Лакин ағсаггаллар вә диҝәр мәсиһчиләр дә онларын еһтијаҹларына гаршы диггәтли олуб, лазым ҝәлсә өз көмәкликләрини тәклиф едә биләрләр (Галат. 6:10; 1 Тим. 5:4).
6 Конгресин мәнзил шө’бәси васитәси илә јер тапмаг истәјәнләр «Хүсуси тәләбатлы шәхсләр үчүн мәнзил сорғусу» бланкыны долдурмалыдырлар. Јығынҹағын хидмәти комитәси тәблиғчинин нүмунәви олуб-олмамасыны нәзәрә алараг бланкы долдурмасына иҹазә вериб-вермәмәји гәрара алмалыдыр. Бланклары конгресин мәнзил шө’бәсинә ҝөндәрмәздән әввәл, әмин олмаг лазымдыр ки, филиалын ағсаггаллар шурасына ҝөндәрдији рәһбәрлик нәзәрә алынмышдыр.
7. Башга конгресә ҝетмәји планлашдыранлар һансы рәһбәрлијә әмәл етмәлидирләр?
7 Башга конгресдә иштирак етмәк. Әҝәр сәнә јығынҹағынызын дә’вәт олунмадығы конгрес үчүн олан «Мәсләһәт ҝөрүлән мәнзилләрин сијаһысы» вә ја бу конгрес һаггында башга мә’лумат лазым оларса, һәмин конгресин бүросуна мәктуб ҝөндәр. Ҝетмәји планлашдырдығын конгресин кечирилмә тарихини вә конгрес бүросунун үнваныны јығынҹағын катибиндән өјрәнмәк олар. Конгрес бүросунун сәнә ҹаваб јазмасы үчүн мәктубла бирликдә маркалы конверт вә үнваныны ҝөндәрмәји унутма.
8, 9. а) Конгресдән габаг бизим үчүн һансы һазырлыглар ҝөрүлүр? б) Бизим үчүн едилән һәр шејә ҝөрә миннәтдарлығымызы неҹә ҝөстәрә биләрик? (Ибраниләрә 13:17 ајәсини оху).
8 Гардашларла әмәкдашлыг ет. Конгрес кечирилән јерә дахил оланда ҝөрүрүк ки, ҝәлишимиз үчүн бир чох һазырлыглар ҝөрүлүб. Гајғыкеш хидмәтчиләр бизи саламлајыр, програм вәрәгәләри верир вә јер тапмаға көмәк едирләр. Баҹы-гардашлар конгрес кечирилән јердә сәлигә-сәһман јарадыб, сәһнәни ҝөзәл дүзәлдибләр. Бундан башга, илк бахышда нәзәрә чарпмајан диҝәр ваҹиб ишләр дә јеринә јетирилиб, мәсәлән, програмын һиссәләри һазырланыб, ҝәләнләр јерләшдирилиб вә башга тәдбирләр ҝөрүлүб.
9 Һәр конгресин кечирилмәси бир чохларынын ајларла чәкдији зәһмәт һесабына баша ҝәлир. Аиләләри исә, конгреслә әлагәдар ваҹиб ишләрин јеринә јетирилмәси үчүн онлара шәраит јаратмагла өз көмәкликләрини ҝөстәрирләр. Бизим үчүн едилән бу гурбанлары гијмәтләндирмәли дејиликми? Бу мәгаләдә верилән вә конгресдән бир гәдәр әввәл алаҹағымыз рәһбәрлијә әмәл етмәклә миннәтдар олдуғумузу ҝөстәрәҹәјик (Ибр. 13:17). Һамы әмәкдашлыг етмәјә һазыр олса, һәр шеј ‘әдәблә вә низамла едиләр’ (1 Кор. 14:40).
10. а) Јеһованын халгынын бирҝә топлашмасы бу ҝүн нә үчүн хүсусилә ваҹибдир? б) Һәр биримиз инди нә едә биләрик?
10 «О Ҝүнүн јахынлашдығыны ҝөрдүјүмүз нисбәтдә» Аллаһын халгынын ҝөрүшләринин һамысында иштирак етмәк олдугҹа ваҹибләшир (Ибр. 10:25). Садиг вә ағыллы гул конгресләр васитәсилә бизә лазыми мә’лумат тәгдим едир ки, Јеһованын тәләбләринә ‘дәгиг әмәл едәк’ (Ганун. т. 31:12). «Исанын ардынҹа ҝедин!» адлы вилајәт конгресинин һәр үч ҝүнүндә иштирак етмәк үчүн индидән һазырлыг ҝөр. Белә етмәклә, сән руһани тә’лимдән там фајдаланаҹаг вә баҹы-гардашларла үнсијјәтдән бөјүк севинҹ әлдә едәҹәксән!
[3 сәһифәдәки чәрчивә]
Програмын ҹәдвәли
Ҹүмә вә шәнбә ҝүнләри
9:20 — 17:05
Базар ҝүнү
9:20 — 16:10