Јеһованын Шаһидләринин 2005-ҹи илдә кечириләҹәк “Аллаһа итаәткарлыг” адлы вилајәт конгреси
1 Даһи Тә’лиматчымыз Јеһова Аллаһ бизим бир јерә топлашмағымыз вә Онун јолларыны өјрәнмәјимиз үчүн гајғы ҝөстәрир (Иш. 30:20, 21; 54:13). О, буну һәр ил вилајәт конгресләри кими хүсуси ҝөрүшләр тәшкил едән садиг вә ағыллы гулун васитәсилә едир (Мат. 24:45-47). Бизим һиссләримиз мәзмурчу Давудун һиссләринә бәнзәјир. О охујурду: “Јығынҹагларда Рәббә сәна едәрәм” (Мәз. 26:12). Давуд Јеһовадан тә’лим алмағын нә дәрәҹә дәјәрли олдуғуну јахшы баша дүшүрдү, буна ҝөрә Аллаһын халгы һәр дәфә бир јерә топлашанда о да онларын арасында олурду.
2 Бу ил кечириләҹәк “Аллаһа итаәткарлыг” адлы вилајәт конгресинә ҝәлән бир чохларынын арасында сән дә олаҹагсанмы? Белә исә ашағыдакы мә’лумат сәнин үчүн фајдалы олаҹагдыр.
3 Програмын һәр ҝүнүндә иштирак етмәји индидән планлашдыр. “Чалышган адамын дүшүнҹәләри анҹаг бәрәкәт ҝәтирәр” (Сүл. мәс. 21:5). Мәҝәр бу сөзләр конгресә ҝетмәји габагҹадан планлашдырмаға тәшвиг етмирми? Конгресин руһән тәравәт ҝәтирән програмынын һеч бир һиссәсини бурахмамаг үчүн артыг индидән бүтүн лазыми тәдбирләр һагда дүшүнмәк јахшы олар ки, һәр үч ҝүндә иштирак едә биләсән. Мүдирдән иҹазә алмалысанса, буну тез бир заманда ет. Әҝәр өз планларыны иманына шәрик олмајан һәјат јолдашынла мүзакирә етмәлисәнсә, буну ахырынҹы ана сахлама. Һансы чәтинликләрлә гаршылашмағындан асылы олмајараг, Јеһоваја дуа ет вә әмин ол ки, Онун көмәји сајәсиндә ‘нијјәтләрин јеринә јетәҹәк’ (Сүл. мәс. 16:3). Бундан әлавә, јахшы оларды ки, Мүгәддәс Китабы өјрәтдијин адамлара көмәк едәсән ки, онлар да конгресин һәр бир һиссәсиндә иштирак едә билсинләр.
4 Јерләшдирмә. Конгрес кечирилән шәһәрләрдә, конгрес нүмајәндәләринин раһат јашајыш јерләринин олмасы үчүн бөјүк ишләр апарылыр. Бир чох шәһәрләрдә јатагханаларда уҹуз гијмәтә отаг данышмаг илдән илә чәтинләшир. Буна ҝөрә конгресин нүмајәндәләри ади меһманханаларда јашамаг үчүн габагҹадан вәсаит ајыра биләрләр (1 Кор. 16:2). Бу мәгалә хидмәти ҝөрүшдә мүзакирә едилдикдән сонра е’ланлар лөвһәсиндә “Мәсләһәт ҝөрүлән мәнзилләрин сијаһысы” бланкы асылаҹагдыр. Буна ҝөрә, хаһиш олунур, јалныз бу сијаһыда ады чәкилән меһманханаларда вә сијаһыда ҝөстәрилән гијмәтә отаг сифариш ет. Бу ҹүр јахшы әмәкдашлыг сајәсиндә, филиал һәр ил меһманханаларла уҹуз гијмәтә мәнзилләр данышмаг үчүн мүгавиләләр бағлаја биләҹәк. Јадда сахла ки, јахшы меһманханалар чох вахт конгрес кечән јерә јахын олмур. Меһманханаја отаг сифариши үчүн зәнҝ етмәздән әввәл “Мәнзил шө’бәси илә әмәкдашлыг ет” адлы чәрчивәдәки мәсләһәтләри нәзәрдән кечир. Ора зәнҝ едәндә исә “Меһманханада отаг сифариш етмәјин ән јахшы үсулу” чәрчивәсиндә верилән ҝөстәришләрә әмәл ет.
5 Хүсуси тәләбатлар. Һәвари Павел өз мәктубларында она “дајаг” (ЈД) олан гардашларын адыны чәкмишдир (Колос. 4:7-11). Онлар һәр шејдән әлавә Павелин хүсуси тәләбатлары үчүн дә гајғы ҝөстәрирдиләр. Конгреслә бағлы мәсәләләрдә сән башгаларына неҹә “дајаг” ола биләрсән? Јашлы вә зәиф баҹы-гардашларымызын, һәмчинин таммүддәтли хидмәтчиләрин вә диҝәр тәблиғчиләрин конгресә ҝетмәк вә ја мәнзил тапмаг үчүн практики көмәјә еһтијаҹлары ола биләр. Онларын гајғысына галмаг илк нөвбәдә гоһумларын вәзифәсидир (1 Тим. 5:4). Әҝәр онлар буну едә билмирләрсә, онда һәмиманлылар көмәјә ҝәлә биләрләр (Јаг. 1:27). Китабөјрәнмәнин нәзарәтчиси гајғы ҝөстәрәҹәк ки, хүсуси тәләбатлары олан баҹы вә гардашлар үчүн әввәлҹәдән тәдбирләр ҝөрүлсүн.
6 “Хүсуси тәләбатлы шәхсләр үчүн мәнзил сорғусу” бланкы, јалныз доғрудан да хүсуси јашајыш шәраитинә еһтијаҹы олан вә бу еһтијаҹы аилә вә ја јығынҹаг үзвләри тәрәфиндән тә’мин едилә билмәјән тәблиғчиләр үчүн нәзәрдә тутулуб. Јығынҹағын хидмәти комитәси бланкдакы вә бүтүн ағсаггаллара ҝөндәрилән 14 декабр 2004-ҹү ил тарихли мәктубундакы ҝөстәришләрә әмәл едәрәк тәблиғчинин сифаришини нәзәрдән кечирәҹәк. Бу ҹүр сифаришләр јалныз нүмунәви вә ушаглары јахшы тәрбијәли олан тәблиғчиләр үчүн нәзәрдә тутулуб.
7 Башга конгресдә иштирак етмәк. Һамыја јер, әдәбијјат вә мәнзил чатсын дејә тәблиғчиләрдән хаһиш олунур ки, јығынҹаглары дә’вәт едилән конгресдә иштирак етсинләр. Әҝәр сәнин шәраитин елә ҝәтириб ки, сән башга конгресдә иштирак етмәлисән, онда хаһиш олунур, јығынҹағын катибинә мүраҹиәт ет. О сәнә ҝетмәк истәдијин конгрес бүросунун үнваныны верәҹәк. Бу үнван “Хүсуси тәләбатлы шәхсләр үчүн мәнзил сорғусу” бланкынын архасында дәрҹ олунуб. Әҝәр сән Санкт-Петербург шәһәриндә кечириләҹәк конгресдә иштирак етмәји планлашдырырсанса, хаһиш едирик, мәнзил сорғусуну филиала ҝөндәрмә. “Мәсләһәт ҝөрүлән мәнзилләрин сијаһысы”нын вә ја һәр һансы башга әлавә мә’луматын ҝөндәрилмәси һагда етдијин хаһишлә бирликдә, маркалы конверт вә өз үнваныны јолламағы унутма. Әҝәр һәмин шәһәрдә бир нечә конгрес кечириләҹәксә, онда мүтләг бланкда мәһз һансы конгресдә олмаг истәдијини гејд ет.
8 Көнүллүләрә еһтијаҹ вар. Тәвазөкарлыгла башгаларынын тәләбатларынын гајғысына галмаға даир Иса ҝөзәл нүмунә вермишдир (Лука 9:12-17; Јәһ. 13:5, 14-16). Конгресдә өз көмәкләрини тәклиф едәнләр һәмин руһу тәзаһүр етдирирләр. Конгресин мүхтәлиф шө’бәләриндә чалышмаг үчүн јерли конгрес комитәси тезликлә көнүллүләри дә’вәт едәҹәк. Хүсусилә ағсаггаллара тәләбат вар. Онларын әкс етдирдикләри һазырлыг руһу бүтүн јығынҹаг үчүн јахшы нүмунәдир (1 Пет. 5:2, 3).
9 Башгалары нәјә диггәт јетирирләр? Бир меһманхананын менеҹери демишдир: “Сиз бизим чох хошумуза ҝәлирсиниз. Сизин ҝөзәл давраныш тәрзиниз башга груплардан олдугҹа фәргләнир. Бүтүн хидмәтчиләр сизин онларла меһрибан рәфтар етдијиниз вә чајпулуну вермәји унутмадығыныз һагда данышырлар. Сиз бурада олдуғунуз ҝүнләр һамы севинҹлә ишә ҝәлир”. Меһманхананын диҝәр әмәкдашы исә гејд етмишдир: “Јеһованын Шаһидләри илә иш ҝөрмәк чох асандыр”. Сәнин нүмунәви давранышын да белә рә’јләрә сәбәб ола биләр. Тәсәввүр ет, Јеһоваја шәрәф ҝәтирән тәрздә давранмағымыз Ону неҹә дә севиндирир! (1 Пет. 2:12).
10 “Садиг... нөкәрбашы”нын васитәсилә Јеһова Аллаһ бизә руһани тә’лим вермәк үчүн үзүмүзә ҝәлән јај бизи бир јердә топлајаҹаг (Лука 12:42). Һәр үч ҝүндә иштирак етмәк үчүн гүввә сәрф етмәк лазым ҝәләҹәк, амма бу она дәјәр. Бу илки “Аллаһа итаәткарлыг” вилајәт конгреси, шүбһәсиз ки, бизим Јеһоваја инди вә әбәди хидмәт етмәк гәрарымызы мөһкәмләндирәҹәк. Ҝәлин мәзмурчунун дедикләри сөзләрә риајәт етмәкдә гәти гәрарлы олаг: “Ҹәмијјәт ичиндә Аллаһымыз Рәббә алгыш един” (Мәз. 68:26).
[3 сәһифәдәки чәрчивә]
Конгресин ҹәдвәли
Ҹүмә вә шәнбә ҝүнләри
9:30 – 17:05
Базар ҝүнү
9:30 – 16:10
[4 сәһифәдәки чәрчивә]
Мәнзил шө’бәси илә әмәкдашлыг ет
◼ Јалныз “Мәсләһәт ҝөрүлән мәнзилләрин сијаһысы”нда ҝөстәрилән меһманханаларда гал. Сијаһыда олмајан меһманханалара зәнҝ етмә.
◼Јанғын тәһлүкәсизлик гајдаларына ҝөрә нөмрәдә иҹазә верилдијиндән артыг адам јашамалы дејил.
◼ Әҝәр сән сијаһыдакы меһманханаларын һамысына зәнҝ етдикдән сонра һеч һарада јер олмадығыны мүәјјән етдинсә, јахуд әҝәр меһманханалардан һансындаса сијаһыда ҝөстәриләндән артыг гијмәт дејәрләрсә, бу һагда өз јығынҹағынын катибинә хәбәр вер. О, сијаһынын әввәлиндә верилән мә’луматдан истифадә едәрәк, сәнин ҝедәҹәјин конгресин мәнзил шө’бәси илә әлагә сахламалыдыр. Хаһиш едирик, сијаһыда олмајан меһманханаја зәнҝ етмәк әвәзинә, мәнзил шө’бәси сәнин баш чәкәҹәјин конгрес үчүн меһманханаларын ән јени сијаһысыны ҝөндәринҹәјә гәдәр ҝөзлә.
◼ Сәнә доғрудан да лазым олан отағы сифариш ет.
◼ Әҝәр тәләб олунурса, һәр сифариш олунмуш отаг үчүн беһ јолламаг лазымдыр. Әкс тәгдирдә сизин отағыныз башга кимәсә тәклиф олуна биләр.
◼ Биринҹи сифаришини дәјишмә.
◼ Јығынҹағын катиби китабөјрәнмә групларынын нәзарәтчиләри үчүн “Мәсләһәт ҝөрүлән мәнзилләрин сијаһысы”нын сүр’әтини јалныз о заман чыхара биләр ки, јығынҹағын вилајәт конгресә тә’јин олундуғу һагда мәктубун охунмалы олдуғу һәфтәдә јығынҹағын рајон конгреси олсун. Һәтта бу заман белә “Мәсләһәт ҝөрүлән мәнзилләрин сијаһысы”нын сүр’әтини ајры-ајры тәблиғчиләр үчүн чыхармаг олмаз.
[4 сәһифәдәки чәрчивә]
Меһманханада отаг сифариш етмәјин ән јахшы үсулу һансыдыр?
1. Меһманханалара иш вахты зәнҝ елә. “Мәсләһәт ҝөрүлән мәнзилләрин сијаһысы”нда ҝөстәрилән телефон нөмрәләриндән истифадә ет.
2. Меһманхана ишчиләринә хәбәр вер ки, сән Јеһованын Шаһидләринин конгресинә ҝәлирсән.
3. Меһманханада галаҹағын мүддәти билдир.
4. Әҝәр меһманханада артыг јер јохдурса, сијаһыдакы меһманханалардан башгасына зәнҝ елә.
5. Әмин ол ки, сәнә отағы “Мәсләһәт ҝөрүлән мәнзилләрин сијаһысы”нда ҝөстәрилән гијмәтә тәклиф едирләр. Даһа баһа гијмәтә разы олма.
6. Отаг сифариш елә вә хаһиш ет ки, һәмин отағын сәндән башга һеч кимә верилмәјәҹәјини тәсдигләсинләр.
7. Беһ өдәјәркән мүәјјән едилмиш вахт әрзиндә пулу банк карты вә ја почт васитәсилә ҝөндәр. Һеч вахт нәғд пул ҝөндәрмә. Нәзәрә алмаг лазымдыр ки, отагларын сифариши үчүн бә’зи меһманханалар әлавә пул алырлар.