Аллаһын дәстәкләдији иш
1 Аллаһын мүасир хидмәтчиләри арасында бу дүнјанын нүфузлу тәһсилинә, зәнҝинлијинә вә ја шан-шөһрәтинә малик оланларын сајы аз олдуғу үчүн, бә’зиләри бизим хидмәтимизи диггәтәлајиг һесаб етмирләр (Иш. 53:3). Лакин бизим маарифләндирмә фәалијјәтимиз јер үзүндә јашајан милјонларла инсанлара тәсәлли вә үмид верир. Бизим кими ади инсанлар бу ҹүр бөјүк иши ҝөрмәјә неҹә мүјәссәр олурлар? Јалныз Аллаһын көмәји сајәсиндә (Мат. 28:19, 20; Һәв. иш. 1:8). Һәвари Павел изаһ едир: “Аллаһ... ҝүҹлүләри утандырмаг үчүн дүнјанын зәиф сајдыгларыны сечди” (1 Кор. 1:26-29).
2 Биринҹи әсрдә јашајан һәвариләр вә мәсиһчиләр әсас е’тибарилә “охумамыш, авам [“садә”, ЈД] адамлар” иди (Һәв. иш. 4:13). Буна бахмајараг, онлар хош хәбәри ҹәсарәтлә тәблиғ едирдиләр вә Јеһова онлара хејир-дуа верирди. Чәтинликләрә вә гаршыдурмалара бахмајараг, “Рәббин кәламы гүдрәтлә јајылыб нүфуз газанырды”. Аллаһын дәстәкләдији ишә һеч нә мане ола билмирди (Һәв. иш. 5:38, 39; 19:20). Ејни шеји бизим ҝүнләр һаггында да демәк олар. Бу дүнјанын ҝүҹлү рәһбәрләринин ҝөстәрдикләри шиддәтли мүгавимәтләр белә хош хәбәрин нүфуз газанмасына вә артмасына мане ола билмәмишдир (Иш. 54:17).
3 Бүтүн иззәти Аллаһа верин. Аллаһын хидмәтчиси кими хүсуси мөвгејә саһиб олдуғумуза ҝөрә өјүнмәјә сәбәбимиз вармы? Әлбәттә, јох. Һәвари Павел мәсиһчи хидмәти һаггында јазмышдыр: “Бу сәрвәти сахсы габларда сахлајырыг ки, ән үстүн гүдрәт бизә јох, Аллаһа аид олсун” (2 Кор. 4:7). Павел баша дүшүрдү ки, о, хидмәт етмәјә јалныз Аллаһын дәстәкләмәси сајәсиндә гадирдир (Ефес. 6:19, 20; Филип. 4:13).
4 Биз дә дәрк едирик ки, тәблиғ иши јалныз ‘Аллаһдан јардым алмағымызын’ сајәсиндә иҹра олунур (Һәв. иш. 26:22, И–93). Јеһова Өз һөкмләрини бизим васитәмизлә бүтүн дүнјаја бәјан едир вә јахынлашмагда олан мәһв әрәфәсиндә бүтүн милләтләри сарсыдыр (Һаг. 2:7). Бу ҹүр бөјүк руһани бичиндә “Аллаһын һәмишчиләри” олмаг бизим үчүн неҹә дә бөјүк шәрәфдир! (1 Кор. 3:6-9, И–93).