Онларын даһа сонра да шаһидлик алмаларына көмәк ет
1 Тәблиғ хидмәтиндә биз тез-тез саһәмиздән кәнарда јашајан вә ја жест дилини дә дахил етмәклә, башга дилләрдә данышан инсанлара раст ҝәлирик. Јахуд да ола биләр ки, Мүгәддәс Китабын әсасында сәмәрәли мүзакирәләр етдијимиз инсанлар бизим әразидән көчсүн. Нә етмәк олар ки, белә инсанлар даһа сонра да шәһадәтлик алсынлар? «Зәһмәт олмаса, гајғы ҝөстәр ки, мүнасиб тәблиғчи бу адама баш чәксин» адлы (С-70) бланкдан истифадә етмәк лазымдыр.
2 Адәтән инсанлар хош хәбәри ана дилләриндә ешидәндә, даһа һәвәслә гулаг асырлар (Һәв. иш. 22:1, 2). Бу сәбәбдән, башга дилдә данышан инсана раст ҝәләндә, о, Падшаһлыг һаггындакы хәбәрә мараг ҝөстәрмәсә дә, биз әксәр һалларда хатырланан бланкы долдурмалыјыг. Амма әҝәр сизин әразидә јашајыб, мүнтәзәм олараг өз дилләриндә шаһидлик алан әҹнәбиләр чохдурса, мараг ҝөстәрилән һаллары истисна етмәклә, һәмин бланкы долдурмамаг да олар.
3 Бланкын долдурулма гајдасы. Сөһбәт етдијин адамын адыны, үнваныны вә телефон нөмрәсини нәзакәтлә өјрәнмәјә чалыш. Онун нә дәрәҹәдә мараг ҝөстәрдијини, она баш чәкмәк үчүн мүнасиб вахты, сахланылан, јахуд тәләб олунан әдәбијјаты вә онун јахшы баша дүшдүјү дили гејд ет. Бланкы долдурдугдан сонра ону дәрһал јығынҹағын катибинә вер. О исә бланкы мүвафиг јығынҹаға вә ја група ҝөндәрәҹәк.
4 Бланкын ҝөндәрилмәси. Әҝәр катиб бу бланкы һансы јығынҹаға вә ја група ҝөндәрмәк лазым олдуғуну, јахуд оранын үнваныны билмирсә, онда филиалын хидмәти шө’бәсинә зәнҝ едиб лазыми мә’луматы әлдә едә биләр. Артыг бланкы шәһәр нәзарәтчисинин васитәсилә ҝөндәрмәк лазым дејил.
5 «Зәһмәт олмаса, гајғы ҝөстәр ки, мүнасиб тәблиғчи бу адама баш чәксин» адлы (С-70) бланкы алдыгдан сонра, јығынҹаг вә ја груп һәмән адама гыса вахт әрзиндә баш чәкилмәси үчүн гајғы ҝөстәрмәлидир. Әҝәр биздән асылы оланлары сә’јлә јеринә јетиририксә, онда әмин ола биләрик ки, Јеһова «әбәди һәјата тә’јин олунанларын», даһа доғрусу, әбәди һәјата мејлли оланларын үрәкләрини ачаҹаг (Һәв. иш. 13:48).