Аилә графики: ҝүндәлик ајә
1 Гајғыкеш валидејнләр өз өвладларыны јахшы гидаландырмаг үчүн һәр ҝүн сә’јлә чалышырлар. Лакин онлары Аллаһын Кәламындакы руһани гида илә тә’мин етмәк бундан да ваҹибдир (Мат. 4:4). Мәсәлән, сиз бүтүн аилә илә бирликдә ҝүндәлик Мүгәддәс Китаб ајәсини вә она верилән шәрһи мүзакирә етмәклә, ушагларынызда сағлам руһани иштаһа инкишаф етдирә вә онларын ‘гуртулуш үчүн бөјүмәләринә’ көмәк едә биләрсиниз (1 Пет. 2:2, И–93). Буну нә вахт етмәк даһа јахшы оларды?
2 Јемәк вахты. Ҝүнүнүзү Мүгәддәс Китаб ајәсинин мүзакирәси илә башламағыныз, бүтүн ҝүн әрзиндә Јеһованы јадда сахламағыныза көмәк едәҹәк (Мәз. 16:8). Бир баҹы, ҝүндәлик ајәни вә она верилән шәрһи сәһәр јемәји заманы, оғлу мәктәбә ҝетмәздән әввәл онунла бирликдә охујуб мүзакирә етмәк гәрарына ҝәлди. Һәр сәһәр Мүгәддәс Китаб фикирләринин мүзакирәси вә дуа илә башланырды. Бу, она милләтчилик руһуна ујмамаға, әхлагсыз ширникдириҹи тә’сирләрә мүгавимәт ҝөстәрмәјә вә һәгигәт һаггында шаҝирдләрә вә мүәллимләрә ҹәсарәтлә данышмаға көмәк етди. Мәктәбдә јеҝанә Шаһид олмасына бахмајараг, о, өзүнү һеч вахт тәнһа һисс етмирди.
3 Әҝәр ајәни сәһәрләр мүзакирә етмәк бир о гәдәр дә әлверишли дејилсә, буну ҝүнүн башга вахты, мәсәлән, ахшам јемәји заманы етмәк олар. Бундан әлавә, бә’зи аиләләрдә бир-бирләри илә тәблиғдә баш верән һадисәләри вә хошларына ҝәлән Мүгәддәс Китаб фикирләрини бөлүшүрләр. Чохларында бу кими аиләви ҝөрүшләрлә бағлы сәмими хатирәләр галмышдыр.
4 Јатмаздан әввәл. Бә’зи аиләләр үчүн ҝүндәлик ајәни мүзакирә етмәјин ән јахшы вахты јатмаға ҝетмәздән әввәлдир. Бу, бирликдә дуа етмәк үчүн дә ҝөзәл имкандыр. Ушагларыныз һәр ҝүн Јеһова һаггында данышдығынызы вә Она дуа етдијинизи ешидәндә, О, онлар үчүн реал шәхсијјәтә чеврилир.
5 Гој Јеһова «Мүгәддәс Јазылары ҝүндәлик арашдырмаг» брошүрасы васитәсилә ушагларыныза һәгигәти ашыламаг сә’јинизә хејир-дуа версин!