«Мүгәддәс Јазылары һәр ҝүн арашдырын» брошүрүндән бәһрәләнирсиниз?

Ҝүндәлик руһани фәалијјәтинизә «Мүгәддәс Јазылары һәр ҝүн арашдырын» брошүрүндән ҝүнүн ајәсини вә шәрһи охумаг дахилдир? Әҝәр белә дејилсә, бу ҝүндән охумаға башлаја биләрсиниз? Чохлары ҝүндәлик ајәни сәһәр-сәһәр охујур ки, охудуглары фикирләр барәдә ҝүн әрзиндә дүшүнсүнләр (Јш 1:8; Зб 119:97). Бәс ҝүндәлик ајәдән даһа чох фајда әлдә етмәк үчүн нә едә биләрсиниз? Ајәнин контекстини охујун. Мүгәддәс Китабдан ҝүндәлик ајәдә вурғуланан принсипә ујғун ҝәлән әһвалаты јадыныза салын. Сонра һәмин принсипи һәјатынызда тәтбиг един. Гәрарларынызы Аллаһын Кәламына әсасән версәниз, бу Кәлам сизә һәјатда бәләдчи олаҹаг вә хејир тапаҹагсыныз (Зб 119:105).

Бүтүн дүнјада Бејтел аиләси сәһәрләр «Мүгәддәс Јазылары һәр ҝүн арашдырын» брошүрүнү охујур. Сон илләр сәһәр ибадәтиндәки чыхышларын бәзиләри JW телевизијасында^® РПОГРАМ ВӘ ТӘДБИРЛӘР бөлмәсиндә јерләшдирилир. Сонунҹу дәфә нә заман онлардан биринә, јахуд бир нечәсинә бахмысыныз? Бәлкә дә, бәзиләриндә мәһз сизә лазым олан фикирләр сәсләниб. Мәсәлән, Лутун әһвалаты гәрарларыныза неҹә тәсир едә биләр?

«ДҮНЈАНЫ СЕВМӘЈИН (1ЈҺ 2:15)» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Сәһәр ибадәтиндәки чыхышда Мүгәддәс Китабдакы һансы принсипдән данышылырды?

• Лутун әһвалаты дүнјаны вә ја дүнјадакы шејләри севмәјин агибәтини неҹә ҝөстәрир? (Јр 13:12; 14:12; 19:3, 12, 13, 24—26)

• Бу дүнјаны, јахуд дүнјадакы шејләри јох, Јеһованы севдијимизи неҹә ҝөстәрә биләрик?