Ушагларынызы тәблиғ етмәјә өјрәдин
1 Мәсиһчи валидејнләр өз ушагларыны ҝәнҹ јашларындан тәблиғ етмәјә өјрәтмәк вәзифәсини дашыјырлар. Буна мүхтәлиф үсулларла наил олмаг мүмкүндүр. Һәтта охумағы баҹармајан ушагларын бә’зиләри, мүнасиб ајәләри әзбәрдән ситат ҝәтирә биләрләр. Бу чох вахт динләјиҹиләрә ҝүҹлү тә’сир бағышлајыр. Ушаглар да бөјүдүкҹә, хош хәбәрин јајылмасында даһа чох шеј едә биләрләр. Башгалары илә хош хәбәрлә бөлүшмәкдә ушагларыныза неҹә көмәк едә биләрсиниз? Ашағыда верилән тәгдимәләр бу ишдә мүвәффәгијјәтли олмагда көмәк едә биләр.
2 Саламлашдыгдан сонра демәк олар:
◼ «Мәним оғлум [адыны де] сизинлә Мүгәддәс Китабдан ваҹиб бир фикирлә бөлүшмәк истәјир». Ушаг дејә биләр: «Мән Мүгәддәс Китабын бу ајәсиндән Аллаһын адыны өјрәнмишәм. [Јешаја 42:8, КМ, ајәсини охујур, ја да әзбәрдән дејир.] Бу журналларда Јеһова Аллаһын бизим үчүн нәләр едәҹәји һагда бәһс едилир. Бујурун, ҝөтүрүн». Ахырда сән үмумдүнја тәблиғ ишинин неҹә тә’мин олундуғуну изаһ едә биләрсән.
3 Ја да белә мүраҹиәт етмәк олар:
◼ «Салам. Мән гызымы [адыны де] инсанлара гајғы илә јанашмағы өјрәдирәм. О сизә Мүгәддәс Китабдан гысаҹа олараг бир хәбәр сөјләмәк истәрди». Ушаг дејә биләр: «Инсанлара көмәк етмәк үчүн хошладығым үсуллардан бири онларла Мүгәддәс Китабын ҝәләҹәјә даир вердији үмидлә бөлүшмәкдир. [Ушаг Вәһј 21:4 ајәсини охујур, ја да әзбәрдән дејир.] Бу журналларда Аллаһын Падшаһлығынын бизим үчүн нәләр едәҹәји һагда данышылыр. Мәнә елә ҝәлир ки, онлары охумаг сизә мараглы олаҹаг».
4 Әҝәр ушаглар тез-тез белә садә тәгдимәләр едирләрсә, Падшаһлыг һаггында олан хош хәбәри башгалары илә ҝет-ҝедә даһа баҹарыглы сурәтдә бөлүшәҹәкләр. Ушагларын нитг габилијјәти вә сәс уҹалығынын үзәриндә ишләјәркән сиз онлары мүхтәлиф шәраитләрдә данышмағы өјрәдәҹәксиниз. Јахшы һазырлашмағын вә сәмими тә’рифинизин сајәсиндә ушагларыныз өз иманларыны әмәлләрилә ҝөстәрирләр.
5 Бу ҹүр өјрәтмә тәрзи вә руһландырма ушагларын вәфтиз олунмамыш тәблиғчи олмаларына көмәк едәҹәк. Мәсиһчи хидмәтиндә ушагларымызын мүвәффәгијјәтләр әлдә етмәләрини ҝөрмәк неҹә дә севиндириҹидир! (Мәз. 148:12, 13).