Хүсуси бирҝүнлүк конгресин јени програмы
1 Күтләви информасија васитәләринин вә тәһсил саһәсинин мадди дәјәрләрә бөјүк әһәмијјәт вердикләри бир вахтда, Аллаһын Кәламы бизи: “Јахшы ишләрлә варлы” олмаға чағырыр (1 Тим. 6:18). Бу чағырыш, 2002-ҹи илин сентјабр ајындан башлајараг кечирилән хүсуси бирҝүнлүк конгресләрин мөвзусу олаҹаг. Бу конгресдә һансы руһландырыҹы фикирләри ешидәҹәјик?
2 Рајон нәзарәтчиси “Аллаһ гаршысында варлы олун” мөвзусуну ајдынлашдыраҹаг вә руһани вар-дөвләт әлдә етмәк истәјән баҹы-гардашлардан мүсаһибә ҝөтүрәҹәк. Дә’вәт олунмуш натиг “Һазырки бичин вахты ҝөрүлән јахшы ишләр” адлы илк мә’рузәсиндә, Аллаһын халгынын ҝөрдүјү јахшы ишләр барәдә данышаҹаг. О, бизләрдән һәр биримизи, Аллаһын бу ҝүн иҹра олунан бичин ишиндә даһа чох неҹә иштирак едә биләҹәјимизин үзәриндә дүшүнмәјә тәшвиг едәҹәкдир.
3 Руһани сәрвәт топлајан ҝәнҹләримизлә неҹә дә фәхр едирик! Бу ҹүр давранмагла ҝәнҹ оғлан вә гызлар Јеһоваја иззәт ҝәтирир вә ҝәләҹәк хидмәтләриндә үзәрләринә шәрәфли вәзифәләр ҝөтүрмәк үчүн јахшы тәмәл гојурлар. “Јеһованы мәдһ едән ҝәнҹләрин јахшы ишләри тә’рифә лајигдир” адлы мә’рузәдән, бизим әразидә јашајан ҝәнҹ мәсиһчиләрин ҝөрдүјү јахшы ишләр барәдә өјрәнәҹәјик.
4 Бәс јахшы ишләр ҝөрәрәк биз нәјә наил олуруг? Бу барәдә, дә’вәт олунмуш натиг “Јахшы ишләр ҝөрмәјә давам един вә Јеһованын хејир-дуаларыны газанын” адлы сонунҹу мә’рузәдә данышаҹаг. О, 1) ајрыҹа тәблиғчиләрин, 2) аиләләрин, 3) јығынҹагларын вә 4) үмумдүнја тәшкилатын газандыглары бол хејир-дуалары нәзәрдән кечирәҹәк.
5 Өзләрини Јеһоваја һәср едәнләрин вәфтиз олунмаг имканлары олаҹаг. Әҝәр бу аддымы атмаға һазырсанса, јубанмадан бу барәдә сәдрлик едән нәзарәтчијә хәбәр вер.
6 Сизин вилајәтдә кечириләҹәк конгресин тарихи мә’лум олан кими, орада иштирак етмәк үчүн әлиниздән ҝәләни един. Програм башламаздан әввәл ҝәлмәк вә биринҹи маһныда вә дуада иштирак етмәк үчүн сә’ј ҝөстәрин. Хүсуси бирҝүнлүк конгресдә иштирак етмәклә вә бүтүн програмы диггәтлә динләмәклә, бизи Аллаһымыз Јеһованын гаршысында әсл мә’нада варлы едән јолда даһа да мөһкәмләнәҹәјик.