Суаллар гутусу

◼ Марагланана әдәбијјат вериб-вермәјәҹәјимизи неҹә тәјин едә биләрик?

Башлыҹа фактор инсанын марагланмасыдыр. Әҝәр тәблиғ етдијимиз инсан сәмими мараг ҝөстәрирсә, она журнал, брошүра, китаб вә ја диҝәр әдәбијјатлар вермәк олар. Инсанын үмумдүнја ишинә ианә етмәјә пулу аз вә ја һеч олмадығы тәгдирдә дә она әдәбијјат сахлаја биләрик (Әјј. 34:19; Вәһј 22:17). Диҝәр тәрәфдән, биз дәјәрли әдәбијјатларымызы ону гијмәтләндирмәјән инсанлара вермәјәҹәјик (Мат. 7:6).

Һәмсөһбәтимизин марагландығыны неҹә мүәјјән етмәк олар? Онун тәкрар ҝөрүшә разылыг вермәси марагландығына бир әламәтдир. Биз данышаркән диггәтлә гулаг асмасы, суаллара ҹаваб вермәси вә мүзакирә заманы фикрини ифадә етмәси дә онун марагландығындан хәбәр верир. Мүгәддәс Китабдан ајә охујаркән диггәтлә изләмәси Аллаһын Кәламына һөрмәт етдијини ҝөстәрир. Адәтән, вердијимиз әдәбијјаты охујуб-охумајаҹағыны сорушмаг фајдалы олур. Тәблиғчи инсанын марагланыб-марагланмадығыны ајырд етмәји баҹармалыдыр. Мисал үчүн, күчәдә тәблиғ едәркән әдәбијјатлары уҹдантутма һамыја пајламаг дүзҝүн олмазды. Әҝәр ајырд етмәк чәтиндирсә, дәвәтнамә вә ја трактат вермәк даһа јахшы оларды.

Ејнилә, тәблиғчи әдәбијјатлара ҹавабдеһ олан гардашдан әдәбијјат аларкән ианә етдији мәбләғә ујғун јох, конкрет хидмәтдә она лазым олан гәдәр ҝөтүрмәлидир. Унутмаг лазым дејил ки, ианәләр тәкҹә әдәбијјатлара јох, һәмчинин үмумдүнја тәблиғ ишинин бүтүн саһәләрини дәстәкләмәк үчүн сәрф олунур. Мадди имканларымыздан асылы олмајараг, миннәтдарлыг һисси бизи исрафчылыг етмәдән Падшаһлығын марагларыны дәстәкләмәк үчүн көнүллү олараг бол-бол вермәјә тәшвиг едәҹәк (Марк 12:41—44; 2 Кор. 9:7). Бу о демәкдир ки, биз әдәбијјатлары јалныз бизә лазым олан гәдәр ҝөтүрүрүк, теократик ресурслары таламырыг.

[2–ҹи сәһифәдәки јазы]

Тәблиғчи инсанын марагланыб-марагланмадығыны ајырд етмәји баҹармалыдыр