Ҝөзләр васитәсилә тәмас гурараг шәхси мараг ҝөстәр
1 Иҹтимаи јерләрдә вә евдән-евә тәблиғ едәркән чох вахт сөһбәтә башламаздан әввәл инсанларла ҝөзләримиз васитәсилә тәмас гуруруг. Бу ани вахт әрзиндә адамларын үзләринин ифадәсиндән ҝәлишимизә неҹә јанашдыгларыны, һәтта әһвал-руһијјәләрини белә анлајырыг. О ҹүмләдән, онлар да бизим һаггымызда чох шеји баша дүшә биләрләр. Бир гадын она баш чәкән Шаһид һагда демишдир: «Мәним јадымда мәһз онун ҝүлүмсәр үзүнүн сакитлији галмышды. Бу мәндә мараг ојатды». Јаранан мараг сајәсиндә гадын Мүждәјә гулаг асды.
2 Ҝөзләр васитәсилә тәмас, күчәдә вә ја башга иҹтимаи јерләрдә тәблиғ едәркән сөһбәтә башламаг үчүн еффектли үсулдур. Бир гардаш јахынлашдығы инсанларын ҝөзләринә бахыб ҝүлүмсәјир вә сонра журналын тәгдимәсинә башлајыр. Бу үсулдан истифадә едәрәк о, чохлу әдәбијјат пајлајыр вә мараглы сөһбәтләрә башлајыр.
3 Башгаларынын һиссләрини дуј. Һәмсөһбәтимизин ҝөзләринә баханда онун кечирдији һиссләри дуја биләрик. Мәсәлән, әҝәр кимсә бизи баша дүшмәкдә чәтинлик чәкир вә ја сөјләдикләримизлә разы дејилсә, әҝәр о, мәшғулдурса вә ја сәбри түкәнирсә бу, адәтән онун үзүндән һисс олунур. Бу заман биз мүвафиг олараг тәгдимәни ја дәјишдирә, ја да гысалда биләрик. Башгаларынын һансы һиссләри кечирдијиндән хәбәрдар олдугда онлара чох асанлыгла сәмими мараг ҝөстәрә биләрик.
4 Сәмимијјәт вә әминлик. Бир чох халгларын мәдәнијјәтиндә инсанын ҝөзләринә бахмаг сәмимијјәт әламәтидир. Шаҝирдләри Исадан «бәс ким хилас ола биләр?» дејә сорушдугда Исанын онлара неҹә ҹаваб вердијинә диггәт јетирин: «Иса онлара бахыб деди: “Инсанлар үчүн бу имкансыздыр, фәгәт Аллаһ үчүн һәр шеј мүмкүндүр”» (Мат. 19:25, 26). Исанын ҝөзләриндәки әминлик онун сөзләрини, шүбһәсиз, даһа да инандырыҹы едирди. Ејни тәрздә, ҝөзләр васитәсилә тәмас Падшаһлыг Мүждәсини даһа сәмимијјәтлә вә әминликлә башгаларына чатдырмагда бизә көмәк едәҹәк (2 Кор. 2:17; 1 Салон. 1:5).