Октјабрын 16-дан нојабрын12-ә гәдәр хүсуси кампанија!
1 «Јалан динин сону јахындыр!» Ҝәлән ајдан е’тибарән бүтүн дүнјада пајланаҹаг, «Падшаһлыг һаггында хәбәр» силсиләсиндән 37 №-ли трактат белә адланыр. Октјабр ајынын биринҹи јарысында биз «Ҝөзәтчи Гүлләси» журналыны тәклиф едирик. Октјабрын 16-сы базар ертәсиндән башлајараг, нојабрын 12-си базар ҝүнүнәдәк 37 №-ли «Јалан динин сону јахындыр!» трактатыны хүсуси сә’јлә пајлајаҹағыг. Кампанија вахты истираһәт ҝүнләриндә биз трактаты ҹари журналларла бир јердә тәклиф едәҹәјик.
2 Кимләр иштирак едәҹәк? Хош хәбәри фәал сурәтдә тәблиғ едәнләрин һамысы кампанијада там иштирак етмәјә чалышаҹаглар. Бә’зиләри көмәкчи пионер кими хидмәт едә биләрләр. Сәнин ушагларын вә ја Мүгәддәс Китабы өјрәтдијин адамлар руһән инкишаф едирләрми? Вәфтиз олунмамыш тәблиғчи тәләбләринә мүвафиг ҝәлдикләрини мүәјјән етмәк үчүн онларын ағсаггаллара јахынлашмаларына көмәк ет. Ағсаггаллар, гејри-фәал тәблиғчиләрлә данышмаг вә онлары кампанијада иштирак етмәјә һәвәсләндирмәк үчүн тәшәббүс ҝөстәрмәлидирләр. Мәсәлән, бу тәблиғчиләр даһа тәҹрүбәлиләрлә әмәкдашлыг едә биләрләр.
3 Бүтүн јығынҹаглар кифајәт гәдәр 37 №-ли «Јалан динин сону јахындыр!» трактаты алаҹаг ки, һәр бир тәблиғчи вә пионер ән азы 50 нүсхә ҝөтүрә билсин. Һәлә тәблиғчи олмамыш мараглананлара исә, онларын гоһумлары вә достлары үчүн 5 нүсхә трактат вериләҹәк. Һамы пајладыглары трактатларын сајыны гејд етмәли, октјабр вә нојабр ајларында һесабат вәрәгәләринин архасында нечә әдәд пајладыгларыны ҝөстәрмәлидирләр. Һәр ајын ахырында јығынҹағын катиби пајланмыш трактатларын үмуми сајыны һесаблајыб филиала ҝөндәрәҹәк. Кампанија баша чатандан сонра галан трактатлардан хидмәтин һәр бир нөвүндә истифадә етмәк олар.
4 Сөһбәтә неҹә башламаг олар? Гыса тәгдимәләр бу хәбәри даһа чох инсанларла бөлүшмәјә имкан јарадаҹаг. Белә демәк олар: «Мән бүтүн дүнјада бәјан едилән мүһүм бир хәбәрин тәблиғиндә иштирак едирәм. Бу трактат пулсуздур, бујурун охујун». Тәблиғдә чанта ҝөтүрмәмәк мүнасиб олар. Мараг ҝөстәрән һәр бир адам һаггында гејдләр етмәјә чалыш.
5 Саһәни неҹә ишләмәли? Бу трактаты күчәдә пајламаг әвәзинә, диггәти мүмкүн гәдәр даһа чох евдән-евә вә ишҝүзар саһәләрдә тәблиғ етмәјә ҹәмләшдир. Евдә адам олмајанда дәфтәрчәнә гејд ет вә башга вахт вә ја һәфтәнин башга ҝүнү баш чәкмәјә чалыш. Нојабрын 6-дан башлајараг, һәтта ев саһибләри (мәнзил сакинләри) евдә олмајан һалда да трактат гојмаг олар. Әразиси бөјүк јығынҹаг, кампанија әрзиндә бүтүн саһәни ишләмәк имканында дејилсә, јығынҹағын ағсаггаллары гәрара ҝәлә биләрләр ки, тәблиғчиләр кампанија боју, һәтта сакинләр олмајан евләрдә дә трактат гојсунлар.
6 «Бөјүк Бабил»ин сону сүр’әтлә јахынлашыр. Јалан дин мәһв олана кими инсанлар ону тәрк етмәлидирләр (Вәһј 14:8; 18:8). Артыг индидән бу үмумдүнја кампанијасында вар ҝүҹүнлә иштирак етмәји планлашдыр, чүнки һамы билмәлидир ки, јалан динин сону јахындыр!