Октјабрын 20-дән нојабрын 16-а гәдәр трактат пајланмасы үзрә хүсуси кампанија!
1 Базар ертәси, октјабрын 20-дән башлајараг, дөрд һәфтә әрзиндә «Һәгигәти өјрәнмәк истәјирсинизми?» адлы јени трактаты пајлајаҹағыг. Үмид едирик ки, бу хүсуси үмумдүнја кампанија даһа чох инсанда һәгигәтин јеҝанә мәнбәјинә мараг ојадаҹаг (Јәһ. 17:17).
2 Трактат алты ваҹиб суала Мүгәддәс Китабдан јығҹам ҹаваб верәҹәк: «Аллаһ доғрудан да бизим гејдимизә галырмы?», «Мүһарибәләр вә әзаб-әзијјәтин нә вахтса сону олаҹагмы?», «Инсан өләндән сонра онунла нә баш верир?», «Өлүләри ҝәләҹәкдә нә ҝөзләјир?», «Аллаһын мәни ешитмәси үчүн неҹә дуа етмәлијәм?», «Мән сөзүн әсл мәнасында неҹә хошбәхт ола биләрәм?». Христиан дүнјасынын килсәләри бу суаллара һеч вахт ганеедиҹи ҹаваб вермәјиб. Бу кими суаллар, мәсиһчи олмајан инсанлары белә марагландырыр, лакин онлар хәбәрсиздирләр ки, Мүгәддәс Китабдан һәмин суаллара ајдын ҹаваб тапмаг олар. Буна ҝөрә дә, дүшүнүрүк ки, бу хәбәрә чох инсан һај верәҹәк.
3 Саһәни ишлә. Чалыш саһәндә мүмкүн гәдәр чох адамла данышасан. Әҝәр саһән бөјүкдүрсә, ола биләр, ағсаггаллар биринҹи башчәкмә заманы евдә олмајанлар үчүн трактат сахламаға тәшвиг етсинләр. Бу јени трактатдан гоншуларына, гоһумларына, иш вә ја мәктәб јолдашларына вә мүнтәзәм олараг сөһбәт етдијин башга инсанлара вермәји јаддан чыхарма. Ола билсин, ишләрини елә планлашдыраҹагсан ки, октјабр вә нојабр ајында көмәкчи пионер кими хидмәт едәсән. Јахшы руһани наилијјәтләр едән вә бу кампанијада вәфтиз олунмамыш тәблиғчи кими бизә гошулмаг үчүн тәләбләрә ҹаваб верән ушағын вә ја Мүгәддәс Китабы өјрәтдијин адам вармы? Әҝәр варса, ағсаггаллара билдир.
4 Сөһбәтә неҹә башламалы? Хәбәри даһа чох инсана чатдырмағын ән јахшы јолу тәгдимәни гыса етмәкдир. Ев саһибинә садәҹә олараг трактатын үз габығындакы алты суалдан бирини вер вә ичиндәки ҹавабы ҝөстәр. Бу, бүтүн тәблиғчиләрә көмәк едәҹәк ки, тәгдимәләрини әразиләринин тәләбатларына ујғунлашдырсынлар. Әҝәр кимсә мараг ҝөстәрсә, гејд ет вә һәмин адама тәкрар баш чәк. Һәфтәсонлары трактатла бирликдә ҹари журналлары да тәклиф етмәк олар. Нојабрын 16-да кампанија сона чатандан сонра «Мүгәддәс Китаб өјрәдир» китабыны тәклиф едәҹәјик. Артыг галан трактатлар диҝәр трактатлар кими истифадә олунаҹаг.
5 Мүгәддәс Китаб өјрәнмәси башла. Бу трактат мәһз Мүгәддәс Китаб өјрәнмәси башламаг үчүн нәзәрдә тутулуб. Мараг ҝөстәрәнләрә тәкрар баш чәкәндә һансы Мүгәддәс Китаб һәгигәтинин онлара тәсәлли вә ја раһатлыг ҝәтирдијини сорушмаг олар. Диггәти Мүгәддәс Китабын өјрәнмәси һагда хатырланан ахырынҹы сәһифәјә јөнәлт вә «Мүгәддәс Китаб өјрәдир» китабыны вер. Әҝәр мүмкүнсә, һәмин адамын сечдији мөвзуја даир даһа чох мәлумат олан фәсилдән бир вә ја ики абзасы гысаҹа нәзәрдән кечир.
6 Јеһова Она ‘руһән вә һәгигәтән ибадәт едәҹәк’ инсанлары ахтарыр (Јәһ. 4:23). Ҝәлин башгаларынын һәгигәти дәрк етмәсиндән өтрү кечирилән хүсуси кампанијада иштирак етмәк үчүн әлимиздән ҝәләни едәк!