Фидијәни миннәтдарлыгла хатырлајын
1, 2. Биз нә үчүн фидијәни миннәтдарлыгла хатырламалыјыг?
1 Бүтүн дүнјада мәсиһчиләр Исанын әмринә табе олараг, 2008-ҹи ил мартын 22-и, шәнбә ҝүнү, ҝүнәш батандан сонра Иса Мәсиһин өлүмүнү гејд едәҹәкләр (Лука 22:19; 1 Кор. 11:23-26). Биз буну 1 975 ил әввәл һәмин ҝүн баш вермиш һадисәјә ҝөрә дәрин миннәтдарлыг һиссиндән ирәли ҝәләрәк етмәјә тәшвиг олунуруг. Иса ишҝәнҹә дирәјиндә әзаблы өлүм гаршысында Аллаһа там садиг галмагла, Атасынын адыны иззәтләндирди, бунунла да Шејтанын истеһзаларына ән ҝүҹлү ҹавабы верди (Әјј. 1:11; Сүл. мәс. 27:11).
2 Исанын төкүлән ганы, гејри-камил инсанларын сәмави Падшаһлыгда Мәсиһлә бирликдә идарә едәҹәк Аллаһын оғуллары олмасыны тәмин едән јени әһди гүввәјә миндирди (Јер. 31:31-34; Марк 14:24). Бундан әлавә, Исанын өзүнүн дә Накдимона дедији кими, Аллаһ Өз севимли Оғлуну гурбан вермәклә бәшәријјәтә мәһәббәтинин дәринлијини ачыг-ајдын ҝөстәрди (Јәһ. 3:16).
3. Хатирә Ҝеҹәсинә ҝәләнләр һансы фајданы әлдә едәҹәкләр?
3 Башгаларыны дәвәт ет. «Бизим Падшаһлыг Хидмәтимиз»ин јанвар сајында танышларын сијаһысыны тутмаг вә һәр бирини дәвәт етмәк мәсләһәти верилмишди. Тутдуғун сијаһыдакы адамлары дәвәт етмәјә башламысанмы? Инсанлары Хатирә Ҝеҹәсинә дәвәт етмәк үчүн мартын 1-дән башланан кампанијада там иштирак етмәк үчүн ишләрини планлашдырмысанмы? Бу ҝөрүшә ҝәләнләр, фидијәјә иманларыны артыраҹаг Мүгәддәс Јазылардан мәлумат ешидәҹәкләр, белә иман исә әбәди һәјата апарыр (Ром. 10:17).
4. Хатирә Ҝеҹәсинә нә үчүн вахтындан тез ҝәлмәлијик?
4 Имканы оланлар дәвәтнамә илә чағырыланлары меһрибанҹасына саламламаг үчүн ҝөрүшә бир аз тез ҝәлмәлидирләр. Хатирә Ҝеҹәсинә ҝәләнләр адәтән чох олдуғундан, һәрдән ҝөрүшләрә ҝәләнләрә гаршы олдуғу кими, јени ҝәләнләрә дә хүсуси диггәт ҝөстәрмәк ваҹибдир.
5. Бу мәрасимә үрәјини неҹә һазырлаја биләрсән?
5 Үрәјини һазырла. 2008-ҹи ил үчүн «Мүгәддәс Јазыларын ҝүндәлик арашдырылмасы» брошүрасында вә тәгвимдә (рус.) мартын 17-дән башлајараг Хатирә Ҝеҹәси илә әлагәдар Мүгәддәс Китабын охунмасынын ҹәдвәли верилиб. Исанын јер үзүндәки һәјатынын ахырынҹы ҝүнләриндә баш верән ваҹиб һадисәләрин үзәриндә дүшүнмәк, Хатирә Ҝеҹәси мәрасиминә ‘үрәјини һазырламаға’ көмәк едәҹәк (Езра 7:10, КМ). Мүгәддәс Китабын бу һиссәләри үзәриндә дәрин дүшүнмәк вә дуа етмәк, фидијәнин тәгдим едилмәсиндә Јеһованын вә Оғлунун ҝөстәрдикләри мәһәббәтә миннәтдарлығыны даһа да дәринләшдирәҹәк (Мәз. 143:5).
6. Фидијәјә ҝөрә миннәтдарлығымызы артырмаг бизә неҹә тәсир едәҹәк?
6 Хатирә Ҝеҹәси јахынлашдыгҹа биз һәм өзүмүзү, һәм дә башгаларыны бу әламәтдар һадисәјә јахшыҹа һазырлаја биләрик. Миннәтдарлыг һисси илә фидијәни хатырламаг, Јеһова вә Оғлу илә мүнасибәтләримизи мөһкәмләндирәҹәк (2 Кор. 5:14, 15). Бу, һәмчинин бизи фәдакар мәһәббәт ҝөстәрмәкдә онлары тәглид етмәјә тәшвиг едәҹәк (1 Јәһ. 4:11).