Рајон конгресинин јени програмы

Һәгиги ибадәтә амансызҹасына мүгавимәт ҝөстәрәнләрә гаршы дурмаг неҹә мүмкүндүр? Бизи даима аллаһсыз дүнјаја ҝери чәкмәјә чалышан гүввәләри неҹә дәф едә биләрик? 2009-ҹу илин рајон конгреси бу ваҹиб суаллара ҹаваб верәҹәк. Конгрес «Пислијә јахшылыг илә галиб ҝәл» адланыр (Ром. 12:21). Ҝәлин програмын мөвзусуна нәзәр салаг.

Вилајәт нәзарәтчиси «Пислијә јахшылыг илә галиб ҝәлмәк үчүн мөһкәмләнмишик», «Өзүнәархајынлыгдан өзүнүзү ҝөзләјин!», «Тезликлә бүтүн писликләрә сон гојулаҹаг!», «Дүнјаја галиб ҝәлмәк үчүн иманымызы мөһкәмләндиририк» адлы мәрузәләрлә чыхыш едәҹәк. Рајон нәзарәтчиси Ромалылара 13:11-13 ајәләринә әсасланмыш «Инди ајыг галмаг заманыдыр!» вә Сүлејманын мәсәлләри 24:10 ајәсинә әсасланмыш «Дар ҝүндә тагәтдән дүшмә» адлы мәрузәләри тәгдим едәҹәк. Биз һәмчинин рајон нәзарәтчисинин «Рајонун тәләбатлары» илә чыхыш етмәсини дә сәбирсизликлә ҝөзләјирик. Даһа бир руһландырыҹы мәрузә «Пионер кими ‘хидмәт едә’ биләрсәнми?» адланыр. Ики мәрузәләр силсиләсиндән биринҹиси «Иблисин һијләләринә гаршы дурун» адланыр. Бу бизә технолоҝија, әјләнҹә вә тәһсил саһәсиндә Иблисин мәкрли һијләләрини танымаға вә онлары рәдд етмәјә көмәк едәҹәк. «Бу пис ҝүндә Шејтана мүгавимәт ҝөстәрмәк үчүн ҝүҹ әлдә ет» адлы мәрузәләр силсиләси Ефеслиләрә 6:10-18 ајәләриндәки илһамланмыш мәсләһәтә даһа чох неҹә әмәл едәҹәјимизи ҝөстәрәҹәк.

Пислик үзәриндә там гәләбә чалмаг Падшаһлыг хәбәрини тәблиғ етмәклә бирбаша әлагәлидир (Вәһј 12:17). Шејтанын Јеһованын Шаһидләринә амансызҹасына һүҹум етмәси һеч дә тәәҹҹүб доғурмур! (Јешаја 43:10, 12). Лакин Иблис аҹы мүвәффәгијјәтсизлијә уғрајаҹаг, чүнки биз ‘пислијә јахшылыг илә галиб ҝәлмәјә’ гәти гәрарлыјыг. Рајон конгресинин дөрд һиссәсиндән дә там фајда әлдә етмәк үчүн лазыми тәдбирләри ҝөрүн.