Ағлынызы горујун
1. 2013-ҹү хидмәт илинин хүсуси бирҝүнлүк конгресинин мөвзусу вә мәгсәди нәдир?
1 Иса шаҝирдләринә Јеһованы бүтүн үрәкләри, ҹанлары вә ағыллары илә севмәји өјрәдирди (Мат. 22:37, 38). Бу илин вилајәт, рајон вә хүсуси бирҝүнлүк конгресләрин програмлары дахили варлығымызы мөһкәмләндирмәк мәгсәдилә тәртиб олунуб. Јәгин, јадыныздадыр ки, вилајәт конгреси «Үрәјини гору!» адланырды. 2013-ҹү хидмәт илинин хүсуси бирҝүнлүк конгресинин мөвзусу «Виҹданынызы горујун» адланыр. Нөвбәти ајдан етибарән башлајаҹаг рајон конгреси Матта 22:37 ајәсинә әсасланыб вә «Ағлынызы горујун» адланыр. Програмын мәгсәди дүшүнҹәләримизин Јеһоваја даһа чох мәгбул олмасы үчүн онлары тәһлил етмәјә тәшвиг етмәкдир.
2. Програма гулаг асаркән биз һансы суалларын ҹавабыны ахтармалыјыг?
2 Конгресдә нәләр олаҹаг? Конгрес заманы биз онун әсас фикирләрини вурғулајан нөвбәти суалларын ҹавабыны ахтармалыјыг:
• Инсан дүшүнҹәсинә ујмамаг үчүн нә етмәлијик?
• Инсанларын зеһнини кор едән өртүјү неҹә галдыра биләрик?
• Биз һансы дүшүнҹә тәрзини мәнимсәмәлијик?
• Дүзҝүн шејләр барәдә дүшүнмәк һансы бәһрәләри ҝәтирир?
• Јеһованын дүшүнҹәмизи формалашдырмасы үчүн нә етмәлијик?
• Аиләнин хошбәхт олмасы үчүн әр, арвад вә ушаглар нә етмәлидирләр?
• Јеһованын ҝүнүнә неҹә һазыр ола биләрик?
• Ағлы ҹәмләшдириб фәалијјәтә һазыр олмаг нә демәкдир?
• Өјрәндикләринә әмәл едәнләрин һансы мүкафаты вар?
3. Конгресин һәр ики ҝүнүндә иштирак етмәк, диггәтлә гулаг асмаг вә өјрәндикләримизи тәтбиг етмәк нәјә ҝөрә ваҹибдир?
3 Шејтан ағлымыза һаким кәсилмәк үчүн мүбаризә апарыр вә дүшүнҹәмизи позмаға чалышыр (2 Кор. 11:3). Буна ҝөрә дә биз ағлымызы горумалы вә дүшүнҹәләримизи нәзарәтдә сахламалыјыг. Биз бундан сонра да Мәсиһ кими дүшүнмәли вә бу ганунсуз дүнјанын тәсиринә ујмамалыјыг (1 Кор. 2:16). Буна ҝөрә дә ишләринизи елә планлашдырын ки, конгресин һәр ики ҝүнүндә иштирак едә биләсиниз. Програма диггәтлә гулаг асын. Конгресдә сөјләниләҹәк ваҹиб фикирләри тәтбиг етмәк бизә ағлымызы Падшаһлыг ишини сәјлә јеринә јетирмәјә ҹәмләшдирмәјә көмәк едәҹәк (1 Пет. 1:13).