Аллаһын Кәламы гүдрәтлидир

1. 2014-ҹү хидмәт илиндә кечириләҹәк хүсуси бирҝүнлүк конгресин мөвзусу нәдир?

¹ Гејри-камил инсанларын јаздыгларындан фәргли олараг, Мүгәддәс Китаб бизи дәјишмәк, дүшүнҹә вә давранышларымызы Аллаһын ирадәсинә ујғунлашдырмаг ҝүҹүнә маликдир. Бәс Аллаһын Кәламы нә дәрәҹәдә ҝүҹлүдүр? Биз өз һәјатымызда Кәламын гүдрәтиндән там шәкилдә неҹә јарарлана биләрик? Башгаларына көмәк етмәк үчүн ондан даһа еффектив шәкилдә неҹә истифадә едә биләрик? Биз әминик ки, 2014-ҹү хидмәт илиндә кечириләҹәк хүсуси бирҝүнлүк конгрес заманы мүзакирә олунаҹаг бу фикирләрин һәр бири бизи руһән мөһкәмләндирәҹәк. Конгресин мөвзусу Ибраниләрә 4:12 ајәсинә әсасән, «Аллаһын Кәламы гүдрәтлидир» адланыр.

2. Биз һансы суалларын ҹавабыны өјрәнәҹәјик?

² Бу суалларын ҹавабыны тап. Конгресә гулаг асаркән ашағыдакы суалларын ҹавабларыны гејд ет.

• Нәјә ҝөрә Јеһова Аллаһын Кәламына етибар едә биләрик? (Мәз. 29:4)

• Аллаһын Кәламынын ҝүҹүнү өз үзәримиздә неҹә һисс едә биләрик? (Мәз. 34:8)

• Тәблиғ етдијимиз инсанлара Аллаһын Кәламынын ҝүҹүнүн тәсир етмәси үчүн нә етмәлијик? (2 Тим. 3:16, 17)

• Зәиф оланда ҝүҹлү олмаг үчүн нә етмәлијик? (2 Кор. 12:10)

• Биз нәјин сајәсиндә һәтта дәрин көк салмыш пис вәрдишләри вә дүшүнҹә тәрзини дәјишә биләрик? (Ефес. 4:23)

3. Хүсуси бирҝүнлүк конгресдән даһа неҹә фајдалана биләрик?

³ Бу ваҹиб мәлуматлар бизә чохлу фајда ҝәтирәҹәк. Бундан әлавә, рајон вә вилајәт конгресләриндә олдуғу кими, хүсуси бирҝүнлүк конгресдә дә башга јығынҹагдан олан баҹы гардашларла таныш олмаг вә үнсијјәт етмәк имканымыз олаҹаг (Мәз. 133:1—3; 2 Кор. 6:11—13). Беләҹә, бизим һәм көһнә достларла үнсијјәтә, һәм дә јени достлар тапмаға вахтымыз олаҹаг. Әҝәр хүсуси бирҝүнлүк конгресин дәвәт едилмиш натиги вилајәт нәзарәтчиси вә ја Бет-Елдән ҝәлән гардашдырса, онда јахшы оларды ки, онунла вә һәјат јолдашы илә таныш оласан. Һәгигәтән дә, гаршыдан ҝәлән хүсуси бирҝүнлүк конгреси сәбирсизликлә ҝөзләмәјә әсаслы сәбәбләримиз вар!