Кишиләрә тәблиғ един
1. Падшаһлығын марагларынын ирәлиләмәси илә әлагәдар һансы тәләбат јараныр?
1 Бу сон ҝүнләрдә Падшаһлыг иши вүсәт алдығындан үзәрләринә рәһбәрлик ҝөтүрәҹәк руһани ҹәһәтдән јеткин кишиләрә тәләбат артыр (Марк 4:30-32; Һәв. иш. 20:28; 1 Тим. 3:1-13). Анҹаг бәзи јерләрдә Падшаһлыг хәбәрини кишиләр гадынлара нисбәтән аз гәбул едирләр. Бәзи өлкәләрдә кишиләр дүшүнүрләр ки, руһани ишләрлә мәшғул олмаг вә ушаглара руһани тәрбијә вермәк арвадларын ишидир. Даһа чох кишинин руһани тәләбатларыны дәрк етмәсинә вә һәгиги ибадәтдә бизә гошулмасына неҹә наил ола биләрик?
2. Павелин вә Петерин кишиләрә тәблиғ етмәси сајәсиндә һансы нәтиҹәләр әлдә олунду?
2 Диггәтинизи кишиләрә шаһидлик етмәјә ҹәмләјин. Аилә башчысы һәгигәти гәбул едәндә чох вахт аиләсинин диҝәр үзвләрини дә һәгиги ибадәтә гошулмаға тәшвиг едир. Мәсәлән, тәблиғ ишинә ҝөрә һәбсдә оланда Павел илә Сила зинданбана шаһидлик етдиләр. Зинданбанын һәм өзү, һәм дә бүтүн аиләси вәфтиз олду (Һәв. иш. 16:25-34). Павелин Коринфдә тәблиғ етмәси сајәсиндә «синагог рәиси Криспус бүтүн ев әһли илә бәрабәр Рәббә иман етди» (Һәв. иш. 18:8). Јеһова Петери ‘диндар вә Аллаһдан горхан’ инсан кими тәсвир олунан Корнелиуса тәблиғ етмәк үчүн ҝөндәрди. Бунун нәтиҹәсиндә Корнелиус гоһумлары вә јахын достлары илә бирликдә вәфтиз олду (Һәв. иш. 10:1-48).
3. Филипи тәглид едәрәк «һакимијјәт саһиби» оланлардан кимләрә шаһидлик етмәк олар?
3 «Һакимијјәт саһиби» олан кишиләрә тәблиғ етмәјин даһа јахшы нәтиҹәләри ола биләр (1 Тим. 2:1, 2). Мәсәлән, Јеһованын мәләји Филипә һәбәшләрин мәләкәсинин бүтүн хәзинәси үзәриндә «мүдир» олан киши илә данышмағы тапшырды. Филип кишинин ‘Јешаја пејғәмбәри охудуғуну ешитди’ вә Иса һаггында хош хәбәри она изаһ етди. Бу һәбәшистанлы Исанын давамчысы олду вә еһтимал ки, вәтәнинә ҝедәнә кими јол боју хош хәбәри јајды. Һәмчинин, ола биләр, мәләкәјә вә сарај әһлинә дә шаһидлик етди. Бу адамлар хош хәбәри чәтин ки башга васитә илә ешидә биләрдиләр (Һәв. иш. 8:26-39).
4. Кишиләрә даһа чох тәблиғ етмәк үчүн нә едә биләрик?
4 Кишиләрә даһа чох неҹә шаһидлик етмәк олар? Чох вахт кишиләр ҝүндүзләр ишдә олдуғундан, ахшамлар, һәфтә сонлары, јахуд бајрам ҝүнләри даһа чох тәблиғ едә биләрсәнми? Мүнтәзәм олараг ишҝүзар әразидә тәблиғ етсән, евдә чәтин тапылан кишиләрә шаһидлик етмәк имканын олаҹаг. Һәмчинин гардашлар киши әмәкдашларына гејри-рәсми шаһидлик етмәјә ҹәһд ҝөстәрә биләрләр. Хүсусилә дә тез-тез ишләнән әразидә евдән-евә тәблиғ едәркән, гардашлар һәрдән евин кишиси илә данышмағы хаһиш едә биләрләр.
5. Киши Падшаһлыг хәбәринә јахшы гулаг асса, баҹы нә етмәлидир?
5 Киши һәгигәтә мараг ҝөстәрсә, баҹы онун јанына тәк гајытмамалыдыр. О, әри илә, јахуд башга тәблиғчи илә ҝәлә биләр. Марагланан шәхс ирәлиләдикдә онун јанына тәҹрүбәли гардашы ҝөндәрмәк јахшы оларды.
6. «Даһа чох инсан әлдә етмәк» үчүн һәвари Павелдән неҹә нүмунә ҝөтүрә биләрик?
6 Кишиләрә мараглы олан мөвзулар сечин. Һәвари Павел «даһа чох инсан әлдә етмәк» үчүн динләјиҹиләрини нәзәрә алыр вә һәгигәти онлара мүхтәлиф үсулларла чатдырырды (1 Кор. 9:19-23). Ејни тәрздә, биз дә гаршылашаҹағымыз кишиләрә һансы мөвзуларын мараглы ола биләҹәјини нәзәрә алмалы вә буна мүвафиг олараг һазырлашмалыјыг. Мәсәлән, кишиләри чох вахт игтисади проблемләр, јахшы һакимијјәт, аиләнин тәһлүкәсизлији вә әмин-аманлығы кими мөвзулар нараһат едир. Онлары, һәмчинин һәјатын мәнасы, дүнјанын ҝәләҹәји вә Аллаһын әзаблара нә үчүн јол вермәси дә марагландырыр. Әҝәр Падшаһлыг хәбәрини бунлары нәзәрә алараг тәгдим етсәк, онлар буна даһа јахшы һај верәҹәкләр (Сүл. мәс. 16:23).
7. Мәсиһчи иманына шәрик олмајан, лакин ҝөрүшә ҝәлән әрә бүтүн јығынҹаг неҹә көмәк едә биләр?
7 Мәсиһчи иманына шәрик олмајан әрләрә көмәк етмәјә тәшәббүс ҝөстәрин. Иманда олмајан әрә ән чох онун мәсиһчи арвадынын ҝөзәл давранышы тәсир етсә дә, јығынҹағын үзвләри дә она мүсбәт тәсир ҝөстәрә биләрләр (1 Пет. 3:1-4). Имана шәрик олмајан әр һәјат јолдашы илә бирликдә ҝөрүшә ҝәлдикдә јығынҹагдакыларын меһрибан мүнасибәти онун үчүн ҝүҹлү шаһидлик олаҹаг. Онун ҝәлиши, чох еһтимал ки, һәгигәтлә мүәјјән гәдәр марагландығыны ҝөстәрир, буна ҝөрә дә, ола биләр, о, Мүгәддәс Китаб өјрәнмәсинә разылыг версин.
8. Гардашлар мәсиһчи олмајан, анҹаг һәгигәтә бир аз мараг ҝөстәрән әрләрә неҹә көмәк едә биләрләр?
8 Бәзән елә олур ки, баҹынын әри әввәлҹә һәгигәтә аз мараг ҝөстәрир, лакин сонра сәрбәст үнсијјәт етдији гардашла Мүгәддәс Китабы өјрәнмәјә разы олур. Бир јығынҹагда гардашлар бир баҹынын аиләсинә баш чәкәндә онун мәсиһчи олмајан әри илә ону марагландыран мөвзулара даир сөһбәт етмәјә чалышырдылар. Бунун сајәсиндә онлар руһани мөвзулары мүзакирә етмәјә башладылар вә һәмин киши инди вәфтиз олунмуш гардашдыр. Диҝәр һалда, гардаш бир баҹынын әринә евин әтрафына һасар чәкмәјә көмәк етмишди. Белә сәмими мараг ҝөстәрмәјин сајәсиндә онунла Мүгәддәс Китаб өјрәнмәсинә башланылмышды (Галат. 6:10; Филип. 2:4). Вәфтиз олунмуш гардашлар, нә үчүн баҹыларын мәсиһчи олмајан әрләринә шаһидлик етмәјә чалышмајасыныз?
9. Мәсиһчи кишиләрә тәлим вермәјин сајәсиндә нәјә наил олмаг олар?
9 Мәсиһчи кишиләрин ҝәләҹәк мәсулијјәтләрә һазырланмасы. Падшаһлыг хәбәринә һај вериб хидмәтдә мәсулијјәтләрә ҹан атан кишиләр «инсанлар тимсалында һәдијјәләр» (ЈД), јәни баҹарығыны вә ҝүҹүнү Јеһованын халгынын јығынҹаглары үчүн сәрф едән ағсаггаллар ола биләрләр (Ефес. 4:8; Мәз. 68:18). Бу кишиләр һәвәслә вә көнүллү олараг јығынҹағын гајғысына галырлар (1 Пет. 5:2, 3). Онлар бүтүн гардашлыг үчүн чох бөјүк хејир-дуадырлар!
10. Һананјанын Павелә көмәк етмәси чохларына неҹә фајда ҝәтирди?
10 Мәсәлән, сонралар «гејри-јәһудиләрә һәвари» олан Шаул бир заманлар мәсиһчиләри тәгиб едирди (Ром. 11:13). Буна ҝөрә дә Һананја әввәлҹә Шаула тәблиғ етмәк истәмирди. Буна бахмајаг, о, Мәсиһин ҝөстәришинә табе олуб, сонралар һәвари Павел кими танынан кишијә тәблиғ етди. Илләр кечдикҹә Павелин хидмәти онун тәблиғини ешидән минләрлә инсана фајда ҝәтирди, һәмчинин бу ҝүн дә онун Аллаһын Кәламына дахил олан мәктубларыны охујан милјонларла инсана фајда ҝәтирмәјә давам едир (Һәв. иш. 9:3-19; 2 Тим. 3:16, 17).
11. Кишиләрә шаһидлик етмәк үчүн нәјә ҝөрә лазым олан һәр шеји етмәлијик?
11 Буна ҝөрә дә ҝәлин кишиләрә тәблиғ етмәк үчүн лазым олан һәр шеји едәк. Бу мәгсәдә ҹан атаркән биз әминик ки, Јеһова Онун ирадәсини јеринә јетирмәк вә Падшаһлығын марагларынын гајғысына галмаг үчүн ҝөстәрдијимиз сәјләрә хејир-дуа верәҹәк.