Илк башчәкмә заманы өјрәнмәнин неҹә кечирилдијини ҝөстәрмисәнми?
Мүгәддәс Китаб өјрәнмәсини тәклиф едәндә саһәмиздә јашајан бәзи инсанлар бунун онлар үчүн мараглы олмадығыны вә ја артыг өз ибадәт јерләриндә Мүгәддәс Китабы өјрәндикләрини дејирләр. Онлар бу өјрәнмә һагда тәсәввүрләрини бундан габаг өјрәндикләри илә мүгајисә етдикләриндән онун нә гәдәр маарифләндириҹи вә мәмнунедиҹи олдуғуну билмирләр. Буна ҝөрә дә садәҹә өјрәнмә тәклиф етмәк әвәзинә елә илк башчәкмә заманы нәјә ҝөрә бир нечә дәгигә ајырыб Мүгәддәс Китаб өјрәнмәсинин неҹә кечирилдијини ҝөстәрмәјәсән? Мәсәлән, инсанлара садәҹә олараг јахшы хөрәк биширдијини вә ҝәлән дәфә ҝәтирәҹәјини демәкдәнсә, ону елә һәмин вахт дадмаларына имкан јарат! «Бизим Падшаһлыг Хидмәтимиз»ин 2006-ҹы ил јанвар сајынын 6-ҹы сәһифәсиндә јерләшән мәсләһәт садәҹә бир нечә дәгигә әрзиндә буну неҹә едә биләҹәјимизи ҝөстәрир.
«Неҹә дүшүнүрсүнүз, бу сөзләр нә вахтса јеринә јетәҹәкми? [Јешаја 33:24 ајәсини оху вә ҹаваб вермәсинә изин вер.] Бу мөвзуја даир сизә мараглы бир шеј ҝөстәрмәк истәјәрдим». Она «Мүгәддәс Китаб өјрәдир» китабыны вер вә диггәтини 36–ҹы сәһифәнин 22-ҹи абзасына јөнәлт. Абзасын суалыны оху вә хаһиш ет ки, абзасы охудугҹа суалын ҹавабыны тапсын. Сонра суалы тәкрарла вә онун ҹавабыны динлә. Диҝәр ајәләри бирликдә охујун. Нөвбәти башчәкмә үчүн суал галдыр вә јенидән гајытмаг үчүн мүәјјән тәдбирләр ҝөр. Будур, сән артыг Мүгәддәс Китаб өјрәнмәсинә башладын!