Октјабр ајында киминләсә Мүгәддәс Китабы өјрәнмәјә башлајаҹагсанмы?
1. Октјабр ајында нәји тәклиф едәҹәјик?
1 Октјабр ајында «Ҝөзәтчи Гүлләси» журналыны тәклиф едәҹәјик. Тәблиғ етдијимиз инсанын марағыны артырмаг үчүн «Һәгигәти өјрәнмәк истәјирсинизми?» трактатыны тәклиф етмәли вә Мүгәддәс Китаб өјрәнмәси башламаға чалышмалыјыг. Буну тәкрар башчәкмә заманы неҹә етмәк олар?
2. Журнал ҝөтүрмүш адама тәкрар баш чәкән заман Мүгәддәс Китабы өјрәнмәјә башламаг үчүн «Һәгигәти өјрәнмәк» трактатындан неҹә истифадә едә биләрик?
2 Трактатдан неҹә истифадә етмәк олар? Мәсәлән, белә демәк олар: «Сизә вермәк истәдијим журнал мүхтәлифмәншәли вә мүхтәлиф динләрә мәнсуб олан инсанлары Мүгәддәс Китабы арашдырмаға тәшвиг едир. [Ев саһибинә «Һәгигәти өјрәнмәк» трактатыны вер вә үстүндәки суаллары ҝөстәр.] Бурадакы мараглы суаллара Мүгәддәс Китаб гәнаәтбәхш ҹаваб верир. Сиз нә вахтса бу суаллара ҹаваб ахтармысынызмы?» Ев саһиби ҹаваб вердикдән сонра онунла бирликдә трактатдакы суаллардан биринин ҹавабыны нәзәрдән кечир вә орада ҝәтирилән ајәләрдән бирини оху. Изаһ ет ки, бу, Мүгәддәс Китабын өјрәтдикләринин јалныз балаҹа бир гисмидир, сонра Мүгәддәс Китабы өјрәнмәјә көмәк едән вәсаити она вер. Онун мүндәриҹатда сечдији фәслин илк абзасларыны мүзакирә едә биләрсән. Јахуд биз трактатдан мүзакирә етдијимиз мөвзуја даир даһа артыг мәлумат ахтарыб тапа биләрик. Ашағыда истифадә едә биләҹәјимиз мәнбәләр ҝәтирилир.
● Аллаһ доғрудан да бизим гејдимизә галырмы? (с. 9—11, абз. 6—10)
● Мүһарибәләр вә әзаб-әзијјәтин нә вахтса сону олаҹагмы? (с. 12, абз. 12, 13)
● Инсан өләндән сонра онунла нә баш верир? (с. 59, абз. 7, 8)
● Өлүләри ҝәләҹәкдә нә ҝөзләјир? (с. 71, абз. 13—15)
● Аллаһын мәни ешитмәси үчүн неҹә дуа етмәлијәм? (с. 166, 167, абз. 5—8)
● Мән сөзүн әсил мәнасында неҹә хошбәхт ола биләрәм? (с. 9, абз. 4, 5)
3. Тәгдимәләримизи шәраитә неҹә ујғунлашдыра биләрик?
3 Әҝәр јаранмыш вәзијјәт уҹбатындан илк башчәкмә заманы өјрәнмә башламаг вә онун неҹә кечирилдијини ҝөстәрмәк алынмајыбса, тәкрар баш чәкиб мүзакирәмизи давам етдирмәјә чалышмалыјыг. Сөһбәт етдијимиз адамын марағыны нәзәрә алараг, китаба кечмәздән әввәл трактатдан бәзи суаллар сечиб бир нечә башчәкмә әрзиндә мүзакирә етмәк олар. Ҝәлин октјабр ајында Мүгәддәс Китаб өјрәнмәси башламаг үчүн бу ҝөзәл трактатдан сәмәрәли истифадә едәк вә сәмими-гәлбли инсанлара «һәгигәти дәрк» етмәјә көмәк едәк (Јәһ. 8:31, 32).