Хатирә Ҝеҹәси дөврү хидмәти ҝенишләндирмәк үчүн әла фүрсәтдир!
1. Нәјә ҝөрә март, апрел вә мај ајларында хидмәтимизи ҝенишләндирә биләрик?
1 Гаршыдан ҝәлән Хатирә Ҝеҹәси заманы хидмәтдә даһа чох иштирак едә биләрсәнми? Бу әрәфәдә бир чох јерләрдә һавалар хош кечир вә ҝүнләр узаныр. Бу вахт мәзунијјәтә вә ја тәтилә чыхан бәзи тәблиғчиләр вахтларыны хидмәтә сәрф едә биләрләр. Биз апрелин 2-дән башланан хүсуси кампанијада иштирак едәрәк мараглананлары апрелин 17-дә кечириләҹәк Хатирә Ҝеҹәсинә дәвәт едәҹәјик. Сонра Ҝеҹәдә иштирак едәнләрин марағыны артырмаг үчүн әлимиздән ҝәләни едәҹәк вә онлары апрелин 25-дән башланан һәфтәдә сөјләниләҹәк хүсуси мәрузәјә дәвәт едәҹәјик. Һәгигәтән дә, март, апрел вә мај ајлары әрзиндә хидмәтимизи ҝенишләндирмәк үчүн чохлу сәбәбләримиз вар.
2. Даһа чох хидмәт етмәјин ән јахшы үсулларындан бири һансыдыр?
2 Көмәкчи пионер. Хидмәтдә даһа чох иштирак етмәјин ән јахшы үсулларындан бири көмәкчи пионер кими хидмәт етмәкдир. Һамымыз мәшғул олдуғумуздан, адәтән, һәр шеји габагҹадан планлашдырмаг вә ишләримиздә дәјишикликләр етмәк лазым ҝәлир (Сүл. мәс. 21:5). Ола билсин, сән бир о гәдәр дә ваҹиб олмајан ишләрини тәхирә сала биләрсән (Филип. 1:9—11). Нәјә ҝөрә көмәкчи пионер хидмәти ҝөтүрмәк истәјин барәдә јығынҹагда башгаларына данышмајасан, бәлкә онлар да бу хидмәтдә сәнә гошулмаг истәдиләр?
3. Хидмәтләрини ҝенишләндирмәк үчүн бәзи аиләләр нә едә биләрләр?
3 Нөвбәти аиләви ибадәт ахшамларындан бириндә јахшы оларды ки, аиләнизин мәгсәдләрини мүзакирә едәсиниз (Сүл. мәс. 15:22). Аиләдә һамы бир-бирилә әмәкдашлыг етсә, еһтимал ки, аилә үзвләриндән кимсә бир вә ја бир нечә ај әрзиндә көмәкчи пионер кими хидмәт едә биләр. Әҝәр мүмкүн дејилсә, онда нә етмәк олар? Аилә үзвләри бәзи ахшамлар хидмәтә чыхмагла вә ја һәфтәсонлары даһа чох тәблиғ етмәклә өз фәалијјәтләрини ҝенишләндирмәк гәрарына ҝәлә биләрләр.
4. Бу ил Хатирә Ҝеҹәси дөврүндә фәалијјәтимизи ҝенишләндирмәјин сајәсиндә һансы хејир-дуалары әлдә едә биләрик?
4 Јеһова Она хидмәтдә етдијимиз һәр шеји ҝөрүр вә вердијимиз гурбанлары гијмәтләндирир (Ибр. 6:10). Гој Јеһоваја вә башгаларына хидмәт етмәк сизә севинҹ ҝәтирсин (1 Салн. 29:9; Һәв. иш. 20:35). Бу ил Хатирә Ҝеҹәси дөврүндә фәалијјәтинизи ҝенишләндирәрәк даһа чох севинҹ вә хејир-дуалар әлдә един.