Гој бу Хатирә ҝеҹәси севинҹ ҝәтирсин!
1. Хатирә ҝеҹәси әрзиндә севинҹимизи артырмағын үсулларындан бири һансыдыр?
1 Март, апрел вә мај ајлары әрзиндә севинҹини артырмаг истәјирсәнми? Буну етмәјин үсулларындан бири хидмәтини ҝенишләндирмәк, әҝәр мүмкүндүрсә, көмәкчи пионер олмагдыр. Бу, сәнин севинҹини неҹә артыра биләр?
2. Хидмәтимизи ҝенишләндирмәк севинҹимизин артмасына неҹә сәбәб олаҹаг?
2 Севинҹини артыр. Јеһова бизи анаданҝәлмә руһани тәләбатларымызы өдәјә-өдәјә Она ибадәт етмәкдән севинҹ вә мәмнунлуг дујмаг габилијјәти илә јарадыб (Мат. 5:3). Һәмчинин О, бизи хәлг едиб ки, биз башгаларына нәсә верәндә бундан севинҹ дуја билирик (Һәв. иш. 20:35). Хидмәт бизә бунларын икисинә дә — һәм Јеһоваја ибадәт етмәјә, һәм дә башгаларына көмәк етмәјә имкан јарадыр. Мәнтигәујғундур ки, хидмәтдә башгалары илә даһа чох бөлүшсәк, севинҹимиз долуб-дашаҹаг. Бундан әлавә, даһа чох хидмәт етмәк бизи даһа сәриштәли едәҹәк. Вә тәҹрүбәмиз артдыгҹа өзүмүзә әминлијимиз дә артаҹаг, һәјәҹанымыз исә азалаҹаг. Беләҹә, шаһидлик етмәк вә Мүгәддәс Китаб өјрәнмәсинә башламаг үчүн бизим даһа чох имканларымыз олаҹаг. Бүтүн бунларын сајәсиндә хидмәтдән даһа чох севинҹ әлдә едәҹәјик.
3. Нә үчүн март вә апрел ајлары көмәкчи пионер олмағымыз үчүн хүсусилә әлверишлидир?
3 Бәли, Хатирә ҝеҹәси заманы хидмәтдә фәал олмағын әсил вахтыдыр. Март вә апрел ајлары көмәкчи пионер олмағымыз үчүн хүсусилә әлверишлидир. Чүнки бу ајларда ја 30, ја да 50 саатлыг норманы сечә биләрик. Јығынҹагларда ҹанланма јаранаҹаг, белә ки, чохлары «чијин-чијинә» хидмәт едәҹәкләр (Сеф. 3:9).
4. Көмәкчи пионер олмаг истәјириксә, нә етмәлијик?
4 Индидән һазырлаш. Әҝәр һәлә һазырлашмамысанса, онда графикинә бахмаға вахт ајыр вә ҝөр хидмәтини бир вә ја бир нечә ајлыг ҝенишләндирмәк үчүн һансы дәјишикликләр едә биләрсән. Бунунла бағлы дуа ет (Јаг. 1:5). Бу барәдә аилә үзвләринлә вә јығынҹағын үзвләри илә сөһбәт ет (Сүл. мәс. 15:22). Беләҹә, ҝөрәҹәксән ки, сәһһәтиндә проблемләрин олмасына вә ја бүтүн ҝүнү ишләмәјинә бахмајараг, көмәкчи пионер хидмәти сәнә дә севинҹ ҝәтирир.
5. Бу Хатирә ҝеҹәси әрәфәсиндә хидмәтимизи ҝенишләндирмәјимиз нә илә нәтиҹәләнәҹәк?
5 Јеһова хидмәтчиләринин хошбәхт олмасыны истәјир (Мәз. 32:11). Бу Хатирә ҝеҹәси әрзиндә хидмәтимизи ҝенишләндирмәк үчүн фәдакарлыг етсәк, нәинки, өз севинҹимизи артыраҹағыг, һәмчинин сәмави Атамызы севиндирәҹәјик (Сүл. мәс. 23:24; 27:11).