Ҝүҹлү шаһидлик вериләҹәк
1. Хатирә Ҝеҹәсинә ҝәләнләрә чыхышдан әлавә даһа нә тәсир едә биләр? Изаһ ет.
1 Нә заман? Хатирә Ҝеҹәси заманы. Инсанлары бу ҝеҹәјә дәвәт етмәк үчүн бизә чохлу чалышмаг лазым ҝәләҹәк. Дәвәт олунанлара тәкҹә ешитдикләри јох, ҝөрдүкләри дә ҝүҹлү тәсир бағышлајаҹаг. Бир гадын Хатирә Ҝеҹәсиндә олдугдан сонра орада ҝөрдүкләрини, инсанларын меһрибан мүнасибәтини, көнүллүләр тәрәфиндән тикилән вә горунуб сахланылан ҝөзәл, тәмиз ибадәт јерини хүсусилә вурғулады. Буна ҝөрә дә, илин бу мүһүм һадисәсиндә шаһидлик етмәк јалныз чыхыш едән гардашын јох, һамымызын үмдә борҹудур (Ефес. 4:16).
2. Һәр биримиз гонаглара неҹә шаһидлик верә биләрик?
2 Гонаглары сәмимијјәтлә саламла. Биз гонаглары ҝүләрүзлә саламламагла шаһидлик вермиш олуруг (Јәһја 13:35). Һамы илә үнсијјәт едә билмәсәк дә, јанымыздакыларла таныш ола биләрик (Ибр. 13:1, 2). Зала јени ҝәлән вә һеч кими танымајан гонаглара гаршы диггәтли ол. Ола билсин, кампанија заманы онлара дәвәтнамә верибләр. Сән онлардан соруша биләрсән: «Бура биринҹи дәфәдир ки ҝәлмисиниз?» Онлара јанында отурмағы вә јарана биләҹәк суалларыны ҹавабландырмағы тәклиф ет. Әҝәр сизин јығынҹагдан сонра башга јығынҹаг залда јығышаҹагса вә буна ҝөрә залы тез тәрк етмәк лазымдырса, белә демәк олар: «Буҝүнкү ҝөрүш һагда фикринизи билмәк мәним үчүн мараглы оларды. Сизинлә неҹә әлагә сахлаја биләрәм?»
3. Гејри-фәаллары неҹә саламлаја биләрик?
3 Гејри-фәаллары саламла. Әминик ки, ҝөрүшдә гејри-фәал тәблиғчиләр, еләҹә дә һәр ил Хатирә Ҝеҹәсинә ҝәлмәклә кифајәтләнән инсанлар да олаҹаг. Онлары саламла вә ҝөрмәјә шад олдуғуну ҝөстәр (Ром. 15:7). Ҝөрүшдән сонра ағсаггаллар тез бир заманда онларын евинә ҝедиб јығынҹаглара ҝәлмәјә тәшвиг едә биләрләр. Дуа едирик ки, бу ҝөрүшдә оланларын чохуну тәкҹә ешитдикләри јох, һәм дә бизим ‘јахшы ишләримизи мүшаһидә етмәләри’ Аллаһа һәмд етмәјә тәшвиг едәҹәк (1 Пет. 2:12).