«Мүгәддәс Китабын чатдырдығы хәбәр» брошүрасындан истифадә етмәјин үсулу
Тәблиғ етдијимиз әразидә бир чох инсанлар Мүгәддәс Китабла таныш дејилләр, хүсусилә дә христиан дининә мәнсуб олмајанлар. Бу кими инсанларла өјрәнән заман бәзи тәблиғчиләр Мүгәддәс Китаб һагда үмуми анлајышлары олсун дејә «Мүгәддәс Китаб өјрәдир» китабы илә јанашы «Мүгәддәс Китабын чатдырдығы хәбәр» брошүрасындан да истифадә едирләр. Мәсәлән, бир гардаш «Мүгәддәс Китаб өјрәдир» китабынын 3-ҹү фәслини арашдыранда брошүрадан 1-ҹи бөлмәни дә нәзәрдән кечирир. Сонра о, һәр өјрәнмәнин ахырында диггәти брошүранын нөвбәти бөлмәсинә јөнәлдир. Сән Мүгәддәс Китаб һагда аз мәлуматы олан вә ја үмумијјәтлә, һеч бир мәлуматы олмајан инсанла Мүгәддәс Китаб өјрәнмәси кечирирсәнми? Онда она «һикмәтли етмәјә гадир олан Мүгәддәс Јазылары» өјрәнмәјә көмәк етмәк үчүн «Мүгәддәс Китаб өјрәдир» китабы илә јанашы «Мүгәддәс Китабын чатдырдығы хәбәр» брошүрасындан да истифадә ет (2 Тим. 3:15).