Онлар һансы вәзијјәтдәдирләр?
Јахшы оларды ки, хидмәтдә тәгдим етмәјә һазырлашдығымыз әдәбијјатларын һәр бир вәрәги барәдә дүшүнәк вә өзүмүзә суал верәк: онлар һансы вәзијјәтдәдирләр? Әдәбијјатын әзик-үзүк, рәнҝи солмуш, чиркли вә ја ҹырыг вәзијјәтдә олмасы тәшкилатымыз һаггында пис тәәссүрат ојадаҹаг, бу да ев саһибинин диггәтини ҝөзәл, хиласедиҹи хәбәрдән јајындыра биләр.
Нәшрләримизи неҹә сәлигәли сахлаја биләрик? Чохлары әмин олмушлар ки, тәблиғ чанталарында әдәбијјатлары ајры-ајры јығмаг даһа јахшыдыр. Мәсәлән, онлар китаблары, журналлары, брошүралары, һәтта трактатлары ајры-ајры гојурлар. Һәр дәфә сөһбәт етдикдән сонра Мүгәддәс Китабы вә истифадә етдикләри һәр бир әдәбијјаты еһмалҹа өз јеринә гојурлар ки, әзилмәсин. Бәзи тәблиғчиләр исә әдәбијјатларыны кағыз говлуглара вә ја селлофан пакетләрә гојурлар. Һансы үсулдан истифадә етмәјимиздән асылы олмајараг, истәмәздик ки, әзик-үзүк әдәбијјат вермәклә кимләринсә хидмәтимиздә гүсур тапмасына әсас верәк (2 Кор. 6:3).