Тәблиғ етмәздән өнҹә, ахтарыш апармаг лазым ҝәлә биләр
1. Нәјә ҝөрә чохдилли әразидә јығынҹағын әразиси дилә ҝөрә тәјин едилир?
1 Ерамызын 33-ҹү илин Әллинҹи ҝүн бајрамында Исанын шаҝирдләри мүгәддәс руһ алдыгдан сонра дүнјанын мүхтәлиф јерләриндән Јерусәлимә ахышан инсанларла «мүхтәлиф дилләрдә данышмаға башлады»лар (Һәв. иш. 2:4). Нәтиҹәдә, тәхминән 3000 адам вәфтиз олунду. Мараглысы одур ки, ҝәләнләрин бөјүк гисми үмуми дил олан ибрани, јахуд јунан дилиндә дә данышырды. Лакин Јеһова Падшаһлыг һаггында хош хәбәрин онлара өз ана дилләриндә чатдырылмасына гәрар верди. Шүбһәсиз, бунун сәбәбләриндән бири одур ки, инсанлар, адәтән, хош хәбәри өз ана дилләриндә ешидәндә она даһа һәвәслә һај верирләр. Буна ҝөрә дә бу ҝүн чохдилли әразидә јығынҹағын әразиси дилә ҝөрә тәјин едилир. («Тәшкил олунмушуг» китабы 107-ҹи сәһифә, 1 вә 2-ҹи абзаслар (рус.).) Әҹнәбидилли група әрази тәјин олунмур. Груп аид олдуғу јығынҹағын вә әтрафдакы диҝәр јығынҹагларын әразисиндә јашајан вә онларын дилиндә данышан инсанлара тәблиғ едир.
2. а) Ахтарыш иши нәдир вә она һансы әразиләрдә еһтијаҹ ола биләр? б) Чохдилли әразиләрдә јығынҹаглар бир-бирләринә неҹә көмәк едә биләрләр? в) Башга дилдә данышан вә хош хәбәрә мараг ҝөстәрән инсана раст ҝәлдијимиз һалларда нә етмәлијик?
2 Сиз һамынын ејни дилдә данышдығы әразидә јашајырсынызса, ҝүман ки, евдән-евә тәблиғ етмәк чәтин дејил. Амма әҝәр сизин јашадығыныз әрази чохдилли бөјүк шәһәрдирсә, онда вәзијјәтиниз фәргли ола биләр. Ола билсин, гоншулугда јерләшән јығынҹаг башга дилдә тәблиғ едир. Һәмин јығынҹаг сизин дилдә данышан инсанлар һагда мәлумат тәгдим едә биләр, лакин тәблиғ едә биләҹәјиниз инсанлары тапмаг мәсулијјәти, әсас етибарилә, сизин јығынҹағын вә ја групун үзәринә дүшүр. («Бир-биринизә көмәк един» адлы чәрчивәјә бахын.) Буна ҝөрә дә сизин дилдә данышан инсанлары тапмаг үчүн ахтарыш апармаг лазым ҝәлә биләр. Буну неҹә етмәк олар?
3. Јығынҹаг вә ја групун һарада ахтарыш апараҹағы вә буна нә гәдәр вахт сәрф едәҹәји һансы амилләрдән асылыдыр?
3 Ахтарыш ишинин тәшкили. Чохдилли әразиләрдә ахтарыш ишинә сәрф олунан вахт јерли шәраитдән асылыдыр. Мәсәлән, әһали арасында һәмин дилдә нә гәдәр инсан данышыр? Тәблиғчиләрин сајы нә гәдәрдир? Јығынҹаг вә ја груп һәмин дилдә данышан нә гәдәр инсанын үнваныны әлдә едиб? Јығынҹағын һәр рајонда ејни шәкилдә ахтарыш апармасы тәләб олунмур. Диггәти јығынҹағын әразисинин һүдудлары чәрчивәсиндә, еләҹә дә она чох узаг олмајан әразиләрдә јашајан вә һәмин дилдә данышан инсанларын сых мәскунлашдығы рајонлара ҹәмләмәк олар. Мүтәшәккил сурәтдә ахтарыш апармаг мүмкүн гәдәр чох инсана Јеһованын адыны чағырмаг үчүн имкан вермәкдә ваҹиб рол ојнајыр (Ром. 10:13, 14).
4. а) Ахтарыш иши неҹә тәшкил едилмәлидир? б) Сизин дилдә данышан инсанлары тапмаг үчүн һансы үсуллар вар?
4 Ахтарыш едиләҹәк әразидә ејни иши ики дәфә ҝөрмәмәк үчүн ағсаггаллар шурасы, хүсусилә дә хидмәт нәзарәтчиси ахтарыш ишини тәшкил етмәли вә она нәзарәт етмәлидирләр (1 Кор. 9:26). Әҹнәбидилли групда бу ишә һәмин групун аид олдуғу јығынҹағын ағсаггаллар шурасы тәрәфиндән сечилән мүнасиб бир гардаш (әҝәр мүмкүндүрсә, ағсаггал вә ја хидмәти көмәкчи) рәһбәрлик едә биләр. Бир чох јығынҹаг вә групларда систематик илкин ахтарыш тәдбирләри мөвҹуддур. Онлар Интернетдә, еләҹә дә телефон вә үнван китабчаларында һәмин дилә хас олан инсан адлары ахтарырлар. Сонра һансы үнваны онларын әразисинә дахил етмәји мүәјјән етмәк үчүн онлара зәнҝ едир вә ја баш чәкирләр. Әҝәр мүнасибдирсә, групун аид олдуғу јығынҹағын ағсаггаллар шурасы вахташыры олараг бүтүн јығынҹағын ахтарыш ишиндә иштирак етмәсини тәшкил едә биләр. («Сизин дилдә данышан инсанлары неҹә тапмаг олар?» адлы чәрчивәјә бахын.)
5. а) Ахтарышла мәшғул олан тәблиғчиләр үчүн һансы мәсләһәтләр вар? б) Ахтарыш заманы гаршымыза чыхан инсанлара нә демәк олар?
5 Ахтарыш ишиндә иштирак едән һәр бир кәсин ајдын мәгсәди олмалыдыр. Бу фәалијјәт хидмәтимизин бир һиссәси олдуғу үчүн биз хидмәтдә оларкән ҝејиндијимиз кими ҝејинмәлијик. Чохлары фикир вермишләр ки, ахтарыш заманы тәгдимәни мәшг етмәк вә һәмин дилдә данышмаг онлара јүксәк әһвал-руһијјәни горујуб сахламаға, еләҹә дә һәмин дили инкишаф етдирмәләринә көмәк едир. Биз ахтарыша сәрф етдијимиз вахты һесабата дахил едә биләрик, лакин әразинин хәритәсинин вә сијаһыларын һазырланмасына сәрф етдијимиз вахт буна аид дејил. Биз бу дилдә данышан инсан тапдыгда, онунла хош хәбәри бөлүшмәјә чалышмалы вә бундан дәрһал сонра хидмәт нәзарәтчисинә вә ја онун тәјин етдији шәхсә бу барәдә мәлумат вермәлијик ки, әрази илә бағлы гејдләр тәзәләнсин. Инсан мараг ҝөстәрмәдији тәгдирдә белә биз бу ҹүр давранмалыјыг. Ахтарыш иши ваҹиб олса да, биз таразлығы горумалы вә хидмәтин бүтүн диҝәр саһәләриндә дә иштирак етмәлијик. («Ахтарыш заманы нә демәк лазымдыр?» адлы чәрчивәјә бахын.)
6. Ешитмә габилијјәти олмајан инсанларын ахтарышынын һансы өзүнәмәхсус чәтинликләри вар?
6 Лал-кар инсанларын ахтарышы. Лал-кар инсанларын ахтарышынын өзүнәмәхсус чәтинликләри вар вә бу, бөјүк сәј вә дөзүм тәләб едир. Белә инсанлары нә адына, нә заһири әламәтинә, нә дә ки ҝејиминә ҝөрә мүәјјән етмәк мүмкүндүр. Үстәлик, аилә үзвләри вә достлары ону мүдафиә етмәк үчүн тәблиғчијә онун барәсиндә мәлумат вермәјә тәрәддүд едә биләрләр. Лал-кар инсанларын ахтарышы үчүн нәзәрдә тутулан нөвбәти мәсләһәтләр ади дилдә данышан инсанларын ахтарышы үчүн дә јарарлыдыр.
7. а) Лал-кар инсанлары тапмаг үчүн јашајыш мәнтәгәләриндә сорғуну неҹә кечирмәк олар? б) Ев саһибинин шүбһәләрини неҹә арадан галдыра биләрик?
7 Жестдилли јығынҹаг вә груплар јашајыш мәнтәгәләриндә сорғу апараркән уғур әлдә етмишләр. Ола билсин, сизин сөһбәт етдијиниз инсанын гоншусу, иш вә ја синиф јолдашы жест дилиндә данышыр вә ја фикир вериб ки, гоншу күчәдә лал-кар ушагларын олдуғундан хәбәр верән јол ишарәси вар. Ола билсин, онун гоһумларындан кимсә лал-кардыр. Унутмајын ки, сизин ҝәлишиниз онларда шүбһә доғура биләр. Лакин сәмими вә мүлајим олмагла, еләҹә дә ҝәлишинизин мәгсәдини дүрүст вә ләјагәтли тәрздә изаһ етмәклә бу шүбһәләри арадан галдырмаг олар. Бәзиләри ев саһибиндән онун лал-кар инсанлары таныјыб-танымадыгларыны сорушаркән Мүгәддәс Китаб вә ја жест дилиндә олан диҝәр DVD дискләр ҝөстәрмәклә јахшы нәтиҹәләрә наил олмушлар. Сонра исә белә инсанларла Мүгәддәс Китабын вердији үмиди бөлүшмәк арзусунда олдугларыны гејд едирләр. Әҝәр ев саһиби мәлумат тәгдим етмәјә тәрәддүд едирсә, ола билсин, о, мәмнунијјәтлә сиздән визит картынызы вә ја јығынҹаға дәвәтнамә гәбул едиб ону лал-кар олан досту вә ја гоһумуна вермәјә разылашды.
8. Гоншу јығынҹаг жестдилли јығынҹаға неҹә көмәк едә биләр?
8 Бөјүк шәһәрләрдә жестдилли јығынҹаглар илдә бир вә ја ики ҝүн әрзиндә гоншу јығынҹагдан онлара аид олан бөјүк әразинин мүәјјән рајонунда ахтарыш апармасында көмәк етмәсини хаһиш едә биләр. Жестдилли јығынҹагда тәблиғ үчүн ҝөрүшләрдә бунунла әлагәдар ҝөстәришләр вә сәһнәҹикләр дахил етмәк олар. Ејни машында ҝедән һәр група жестдилли јығынҹагдан бир тәблиғчи тәјин олунмалы вә һарада ахтарыш апармаг лазым олдуғуну ҝөстәрән хәритә верилмәлидир.
9. Лал-кар инсанларын үнсијјәт, истираһәт вә ја мүәјјән хидмәтләрдән јарарланмаг үчүн јығышдыглары јерләрдә ахтарышы неҹә апармаг олар?
9 Ахтарышы һәмчинин лал-кар инсанларын үнсијјәт, истираһәт вә ја мүәјјән хидмәтләрдән јарарланмаг үчүн јығышдыглары јерләрдә дә апармаг олар. Бу заман тәблиғчи мүвафиг ҝејимдә олмалыдыр. Јахшы оларды ки, тәблиғчи бүтүн групла јох, бир-ики нәфәрлә сөһбәт етсин. Әҝәр сөһбәт сәмәрәли кечдисә, әлагә сахламаг үчүн телефон нөмрәләринизи вә ја үнванларынызы бир-биринизә верә биләрсиниз.
10. Тәблиғчиләр јерли ишҝүзар мүәссисәләрдә неҹә ахтарыш апара биләрләр?
10 Диҝәр вариант исә ишҝүзар мүәссисәләрин ҝөстәрилдији хәритәләр тәртиб етмәк вә мүнасиб вахтда онлара баш чәкмәкдир. Мәсәлән, јанаҹагдолдурма вә ја кимјәви тәмизләмә мәнтәгәләринин, ҹамашырханаларын, ресторанларын, меһманханаларын вә бу кими диҝәр мүәссисәләрин хәритәсини чәкмәк олар. Әҝәр хәритәдә ејни иш мүәссисәләри ҝөстәрилирсә, тәблиғчиләр ејни тәблиғ үсулундан истифадә едә вә бунун сајәсиндә тәҹрүбәләрини артыра биләрләр. Мәсәлән, меһманханалар, адәтән, лал-кар мүштәриләр дә гәбул едирләр. Ишимизин мәгсәдини гејдијјат шөбәсинин ишчиләринә гысаҹа изаһ етдикдән сонра онлардан хаһиш едә биләрик ки, ичиндә «ДВД» диск вә јығынҹаға дәвәтнамә олан габагҹадан һазырладығымыз бағламалары лал-кар мүштәриләринә версинләр. Бәзи мүәссисәләрдә исә ишчиләр вә ја даими мүштәриләр арасында жест дилиндән истифадә едәнләрин олуб-олмадығы илә мараглана биләрик. Әҝәр сизин јашадығыныз әразидә лал-кар ушаглар үчүн мәктәб варса, бәзи ДВД нәшрләримизи мәктәбин китабханасы үчүн тәклиф етмәк олар.
11. Нәјә ҝөрә ахтарыш иши хидмәтимизин ваҹиб саһәләриндән биридир?
11 Мүһүм иш. Сизин дилиниздә данышан инсанлары ахтарыб тапмаг чох зәһмәт тәләб едән иш ола биләр. Үстәлик, инсанлар тез-тез бир јердән о бири јерә көчдүкләри үчүн әрази гејдләрини тәзәләмәк асан олмаја биләр. Бунунла белә, ҝет-ҝедә даһа чох јерләрдә ахтарыш иши хидмәтин ваҹиб саһәсинә чеврилир. Бизә тәблиғ етмәји тапшыран Јеһова ајры-сечкилик етмир (Һәв. иш. 10:34). «О истәјир ки, һәр ҹүр инсан хилас олуб һәгигәт барәсиндә дәгиг билијә јијәләнсин» (1 Тим. 2:3, 4). Беләликлә, ҝәлин бүтүн милләтләрдән олан «јахшы вә ҝөзәл үрәкли» инсанлары тапмаг үчүн Јеһова вә бир-биримизлә әмәкдашлыг едәк (Лука 8:15).
[5–ҹи сәһифәдәки чәрчивә]
Бир-биринизә көмәк един
Әҝәр јығынҹаг вә ја груп онларын дилиндә данышан инсанлары тапмаг үчүн көмәјә еһтијаҹ дујурса, хидмәт нәзарәтчиси јахынлыгда јерләшән јығынҹагларын ағсаггалларына мүраҹиәт едә биләр. Јахшы оларды ки, о јалныз һәддән артыг узаг олмајан јығынҹагларла вә ја әразиләриндә онларын данышдығы дилдә инсанларын чох олдуғу јығынҹагларла әлагә сахласын. Сонра мүраҹиәт олунан јығынҹаглар тәблиғчиләринә мәлумат верә биләрләр ки, һәмин дилдә данышан инсан тапдыгда онун үнваныны гејд едиб хидмәт нәзарәтчисинә өтүрсүнләр. Хидмәт нәзарәтчиси дә һәмин үнванлары һәмин јығынҹаг вә ја група верәҹәк. Чохдилли әразидә фәалијјәт ҝөстәрән јығынҹагларын хидмәт нәзарәтчиләри һәр јығынҹаг үчүн әлверишли олан чохдилли әразини ишләмә вә һәгигәтә мараг ҝөстәрән инсанлары мүвафиг јығынҹаға, јахуд да група јөнәлтмә системини һазырлаја биләрләр.
Тәблиғчиләр лал-кар инсана вә ја һәгигәтә ҹидди мараг ҝөстәрән әҹнәбијә раст ҝәлирләрсә, дәрһал «Зәһмәт олмаса, бу адама баш чәк» адлы С-43 нөмрәли бланкы долдуруб јығынҹағын катибинә вермәлидирләр. Бунун сајәсиндә һәмин инсана тез бир заманда руһани көмәк ҝөстәриләҹәк. (km 5/11 сәһ. 3-ә бахын.)
[6–ҹы сәһифәдәки чәрчивә]
Сизин дилдә данышан инсанлары неҹә тапмаг олар?
• Башгаларындан сорушун: Мүгәддәс Китабы өјрәтдијиниз инсанлардан, аилә үзвләриниздән, иш јолдашларыныздан вә саирә.
• Телефон китабчасында сизин дилә хас олан инсан адлары ахтарын. Бәзи јерләрдә адларын үнванлара ҝөрә сыраланан јениләнмиш телефон китабчаларыны Интернетдән вә ја телефон ширкәтиндән әлдә етмәк олар.
• Јерли китабханалар, һөкумәт мүәссисәләри вә ја коллеҹләр кими иҹтимаи хидмәтләр тәклиф едән јерләрдә еһтијатла сорғу кечирин.
• Әҹнәбиләрин тәшкил етдији иҹтимаи тәдбирләрлә әлагәдар јерли гәзетләрдә верилән еланлары ахтарын.
• Әҹнәбиләрә хидмәтләр ҝөстәрән јерли тиҹарәт мәркәзләринә вә ишҝүзар әразиләрә баш чәкин.
• Мүвафиг шәхсдән иҹазә алдыгдан сонра бизә лазым олан дилдә данышан инсанларын тез-тез олдуғу ишҝүзар әразиләрдә, тәләбәләрин топлашдығы мәканларда вә ја нәглијјат говшагларында әдәбијјат масасы јерләшдирмәк олар.
• Әҝәр сизин өлкәдә ганун иҹазә верирсә, өзәл сорғу китабчасы вә ја Интернет васитәсилә белә инсанлары ахтармаға көмәк едән компүтер програмларыны әлдә един.
[7–ҹи сәһифәдәки чәрчивә]
Ахтарыш заманы нә демәк лазымдыр?
Инсанларла меһрибан, сәмими вә ачыг олсаг, бу, шүбһәләри арадан галдыра биләр. Адәтән, һәмин дилдә илк өнҹә әдәбијјат ҝөстәрмәјин көмәји дәјир.
Инсанла саламлашдыгдан сонра белә демәк олар: «Биз филан дилдә данышан инсанлары ахтарырыг ки, онларла Мүгәддәс Китабын вердији үмиди бөлүшәк. Сиз белә бир инсан таныјырсыныз?»
Лал-кар инсанлары ахтаранда исә белә демәк олар: «Салам. Сизә бир шеј ҝөстәрмәк истәрдим. [Балаҹа дашынан видеоплејерин көмәјилә DVD-дә олан “Јени Дүнја Тәрҹүмәси”ндән бир ајә ҝөстәр.] Бу жест дилиндә олан Мүгәддәс Китабдан бир парча иди. Мүгәддәс Китабдан башга, бизим жест дилиндә пулсуз олан вә лал-кар инсанларын руһани тәләбатларыны өдәјәҹәк диҝәр видеоларымыз да вар. Сиз лал-кар вә ја ешитмә габилијјәти зәиф олан инсан таныјырсынызмы?» Әҝәр ев саһибинин јадына һеч кәс дүшмүрсә, ондан сорушмаг олар: «Бәлкә, сиз белә инсанлара иш јериниздә, мәктәбдә вә ја гоншулугда раст ҝәлмисиниз?»