Аллаһын Кәламы тәлим үчүн фајдалыдыр
1. Һансы мөвзу 2014-ҹү хидмәт илиндә кечириләҹәк рајон конгресиндә мүзакирә едиләҹәк вә орада һансы суала ҹаваб вериләҹәк?
1 «Даһи Нәсиһәтчи»миз Јеһова каинатда ән јахшы Мүәллимдир (Јешаја 30:20, 21, Јени Дүнја тәрҹимәси). Бәс Јеһова бизә неҹә тәлим верир? О, бизә бүтүн китаблардан гат-гат үстүн олан бир китабы — Өзүнүн илһамланмыш Кәламы олан Мүгәддәс Китабы вериб. Бәс илаһи тәлим бизә физики, әгли, емосионал вә руһани ҹәһәтдән неҹә фајда верә биләр? Бу суалын ҹавабы 2014-ҹү хидмәт илиндә кечириләҹәк рајон конгресиндә мүзакирә едиләҹәк. Конгресин мөвзусу 2 Тимотејә 3:16 ајәсинә әсасән, «Аллаһын Кәламы тәлим үчүн фајдалыдыр» адланыр.
2. Конгресин әсас фикирләри һансы суалларын ҹавабларына әсасланыб?
2 Ашағыдакы әсас фикирләрә диггәт јетирин. Конгресин әсас фикирләри нөвбәти суалларын ҹавабларына әсасланыб:
• Илаһи тәлимләр һәјатымыза неҹә тәсир едир? (Јешаја 48:17, 18)
• Әҝәр Јеһоваја пионер кими хидмәт етмәк үчүн дәјишикликләр етсәк, нәјә әмин ола биләрик? (Мал. 3:10)
• Јад тәлимләрә мүнасибәтимиз неҹә олмалыдыр? (Ибр. 13:9)
• Тәлим вермәкдә Исаны неҹә тәглид едә биләрик? (Мат. 7:28, 29)
• Нәјә ҝөрә јығынҹагда тәлим верәнләр өзләрини өјрәтмәлидирләр? (Ром. 2:21)
• Аллаһын Кәламынын фајдасы нәдәдир? (2 Тим. 3:16)
• Милләтләрин ләрзәјә салынмасы нәјә ҝәтириб чыхараҹаг? (Һаг. 2:6, 7)
• Јеһова бизи нәјә әмин едир? (Ефес. 5:1)
• Јеһованын тәлимләринә бағлы галмаг үчүн нәјә ҝөрә вар ҝүҹүмүзлә чалышмалыјыг? (Лука 13:24)
3. Нәјә ҝөрә бу конгресдә иштирак етмәк вә диггәтлә гулаг асмаг ваҹибдир?
3 Конгресин мөвзусунун әсасландығы ајәни јазмаздан габаг, Павел Тимотејә үнванладығы икинҹи мәктубун 3-ҹү фәслинин әввәлиндә ахыр ҝүнләрә хас олан чәтин дөврү тәсвир етмишди. О јазмышды: «Пис адамлар вә фырылдагчылар исә алдадыб алданараг даһа да пис ишләр ҝөрәҹәкләр» (2 Тим. 3:13). Демәли, алданмамаг үчүн илаһи тәлимә гулаг асмаг вә тәтбиг етмәк олдугҹа ваҹибдир. Буна ҝөрә дә ҝәлин лап јеринә дүшән бу конгресдә иштирак етмәјә вә диггәтлә гулаг асмаға гәти гәрарлы олаг.