Суаллар Гутусу

◼ Руһани ҹәһәтдән бөјүмәк үчүн ушаглар нәләри билмәлидирләр?

Мәсиһчи валидејнләр ушагларыны «Јеһованын вердији тәрбијә вә өјүд-нәсиһәтлә» бөјүтмәк үчүн чох зәһмәт чәкирләр (Ефес. 6:4). Мәсәлән, онлар һәр сәһәр өз ушаглары илә ҝүндәлик ајәни арашдырырлар. Аиләви ибадәт вә диҝәр тәдбирләр заманы бирликдә филмә бахыр вә ону мүзакирә едирләр, «Ҝәнҹләрин суаллары» рубрикасындан тәләбата ујғун мәгаләләр мүзакирә едирләр, Мүгәддәс Китаб һадисәләрини хатырлајырлар вә ја сәһнәләшдирирләр. Анҹаг ушагларынын «јеткинлијә доғру» ирәлиләмәси үчүн валидејнләр Мүгәддәс Китаб һәгигәтләрини онлара дәриндән өјрәтмәлидирләр (Ибр. 6:1).

Ҝәлин дүшүнәк, саһәмиздә гаршылашдығымыз инсанлара нәләри өјрәдирик. Илк дәфә вә ја нөвбәти дәфә ҝәләндә биз, адәтән, чалышырыг ки, «Мүгәддәс Китаб әслиндә нә өјрәдир?» өјрәнмә башлајаг. Бу китабы битирдикдән сонра биз «Өзүнүзү Аллаһын мәһәббәтиндә сахлајын» китабына кечирик. Чүнки «Мүгәддәс Китаб өјрәдир» китабы васитәсилә өјрәнән Мүгәддәс Јазылардан әсас тәлимләри алыр. «Аллаһын мәһәббәти» китабы исә онлара Мүгәддәс Китаб принсипләрини ҝүндәлик һәјатларында тәтбиг етмәји өјрәдир. Һәр ики вәсаити арашдырмаг јениләрә Мәсиһдә «көк атыб... иманда сарсылмаз» олмаға көмәк едир (Колос. 2:6, 7). Бу вәсаитләр ушагларымыз үчүн дә фајдалыдыр. Онлара да фидјә, Падшаһлыг, өләнләрин вәзијјәти һагда өјрәтмәк лазымдыр. Һәмчинин Аллаһын әзаблара нә үчүн јол вердијини вә ахыр ҝүнләрдә јашадығымызы һарадан билдијимизи дә баша салмаг лазымдыр. Үстәлик, онлар әмин олмалыдырлар ки, Јеһованын Шаһидләри һәгиги јолдадырлар. Ҝәнҹләр Мүгәддәс Китаб принсипләрини вә гаврајышларыны неҹә ишләтмәји јахшы билмәлидирләр (Ибр. 5:14). Сөзсүз, валидејнләр ушагларынын јашыны вә ҝөтүрмә габилијјәтләрини нәзәрә алмалыдырлар. Лакин әксәр ушаглар һәлә лап еркән јашларындан Мүгәддәс Китаб һәгигәтләрини дәриндән өјрәнә билирләр (Лука 2:42, 46, 47).