Биз мүждә чатдырырыг

«Јахшы шејләр мүждәлә»мәк бизим үчүн бөјүк шәрәфдир (Ром. 10:15). Гајғылы вә бәдбин дүнјада јашајан инсанлар үчүн бизим тәравәт долу хәбәримиз вар. Бәс биз өзүмүзү инсанлара «ҝөзәл хәбәр [мүждәчиләри]» кими неҹә таныда биләрик? (Әшј. 52:7).

Мүсбәт шејләрдән данышмаға һазырлаш. Әҝәр биз диггәтимизи мүсбәт шејләрә ҹәмләсәк, хидмәтдәки сөһбәтимиз јахшы бәһрәләр верә биләр. Буна ҝөрә дә тәгдимә һазырлајаркән вә тәклиф едәҹәјимиз нәшрләри ҝөздән кечирәркән биз чатдыраҹағымыз хәбәрин мүсбәт ҹәһәтләринә фикир вермәлијик. Инсанлара Мүгәддәс Китаба әсасланан үмиди әминликлә вә шөвглә бөлүшсәк, онда јахшы нәтиҹәләр әлдә едә биләрик (Мәс. 25:11).

• Дүнјадакы вәзијјәтин писләшмәсиндән дад едән инсанлар өз һиссләрини бизимлә бөлүшәндә биз онларын һалына јанырыг. Бунунла јанашы биз онларын диггәтини бүтүн бәшәрин проблемләрини арадан галдыраҹаг Аллаһын Падшаһлығына јөнәлтмәлијик. Һәтта Јеһованын «интигам [ҝүнүндән]» данышаркән биз бунун һәлим инсанлар үчүн хош хәбәр олдуғуну билдирмәк истәјирик (Әшј. 61:1, 2). Һәмсөһбәтимизи әмин едә биләрик ки, Јеһова Аллаһын етдији һәр бир шеј сонсуз хошбәхтлик ҝәтирир вә јахшы шејләрлә нәтиҹәләнир.

• Һәгигәти севинҹлә чатдыр. Биз инсанларла севинҹлә вә әминликлә данышсаг, онда инсанлар бизи марагла динләјәҹәкләр. Ҝәләҹәјә никбин бахышымызы ҝөрән инсанлар бизим үмидимизә севиндијимизи һисс едәҹәкләр (Ром. 12:12). Беләҹә, ола билсин, онлар мүждәјә һај версинләр. Сөзсүз ки, хидмәтин һәр бир саһәсиндә һәмишә мүсбәт вә севинҹли әһвал-руһијјәмизин олмасы үчүн бизим тутарлы сәбәбләримиз вар.

• Мүждәнин тәблиғчиләри кими биз јалныз инсанлара мәлумат чатдырмырыг. Тәблиғ сајәсиндә биз инсанларла һәм инди, һәм дә ҝәләҹәкдә даһа јахшы һәјатын олмасыны чатдырырыг (1 Тим. 4:8). Хидмәтдә һәр бир инсана мүсбәт әһвал-руһијјәдә дедијимиз сөзләр онлара хош хәбәрә һај вермәјә көмәк едәҹәк. Нә дедијимизә вә неҹә дедијимизә диггәт јетирәрәк, ҝәлин Аллаһы ахтаран инсанларын мүждәјә һај вермәсинә имкан верәк!