Онлары ҝүләрүзлә саламлајын

Кимләри? Јығынҹаг ҝөрүшүнә ҝәлән һәр кәси, ҝөрүшә јени ҝәләнләрдән тутмуш та узун илләр таныдығымыз инсанлара кими (Рм 15:7; Иб 13:2). Башга өлкәдән јығынҹағымыза гонаг ҝәлән диндашларымызы вә бир нечә илдән сонра илк дәфә ҝөрүшә ҝәлән гејри-фәал тәблиғчиләри дә ејни ҹүр саламламалыјыг. Өзүнүзү бу инсанларын јеринә гојун. Истәмәздиниз, сизи ҝүләрүзлә, меһрибан шәкилдә гаршыласынлар?! (Мт 7:12). Буна ҝөрә дә ҝәлин јығынҹаға ҝәләндә бир јердә отуруб галмајаг, чәтин дә олса, ҝөрүшдән әввәл вә сонра ҝәләнләри саламлајаг. Бу, ибадәт евиндә хош аб-һава јарадар вә Јеһова Аллаһа шәрәф ҝәтирәр (Мт 5:16). Тәбии ки, һәр кәслә үнсијјәт етмәк мүмкүн дејил, амма әлимиздән ҝәләни едиб һамыны меһрибан гаршылаја биләрикa.

Биз јалныз анма мәрасими кими хүсуси ҝүнләрдә дејил, һәр заман гонагпәрвәр олмалыјыг. Јығынҹаға јени ҝәләнләр арамызда мәһәббәт ҝөрсәләр, ола билсин, онлар да Аллаһы уҹалдар вә һәгиги ибадәтә гошуларлар (Јһ 13:35).