Сентјабрда Мүгәддәс Китаб дәрсинә башламаг үчүн хүсуси кампанија

Сентјабр ајы әрзиндә баҹардығымыз гәдәр чалышаҹағыг ки, һәр кәсә «Әбәди хошбәхт һәјат!» брошүрү васитәсилә Мүгәддәс Китаб дәрси кечмәји тәклиф едәк. Тәблиғчиләр 30 саатлыг норма илә көмәкчи өнҹүл кими хидмәт едә биләрләр. Бу хүсуси кампанија заманы неҹә хидмәт едәҹәјик?

• Илк сөһбәт заманы. Брошүрүн сон сәһифәсиндән истифадә едәрәк һәмсөһбәтиниздә мараг ојадын вә Мүгәддәс Китаб дәрсинин неҹә кечирилдијини она ҝөстәрин. Әввәлләр мараг ҝөстәрмиш, еләҹә дә тәкрарән баш чәкмәли олдуғунуз кәсләри дә унутмајын. Һәтта онлар әввәлләр Мүгәддәс Китабы өјрәнмәк истәмәсәләр дә, ола билсин, јени тәлим үсулумуз вә јени брошүр онлара мараглы ҝәләҹәк. Евдә олмајан кәсләр үчүн брошүр сахламаг вә ја әввәлләр мараг ҝөстәрмәјән инсанлара мәктубла бирҝә брошүр ҝөндәрмәк лазым дејил. Јығынҹағын хидмәт комитәси ај әрзиндә тәблиғ үчүн әлавә ҝөрүшләр тәшкил едә биләр.

• Диҝәр үсуллар. Әҝәр сизин јығынҹағыныз әдәбијјат арабалары илә тәблиғ едирсә, «Әбәди хошбәхт һәјат!» брошүрүнү дә арабаја гојун. Мараг ҝөстәрәнләрә мәлумат верин ки, бу брошүр васитәсилә пулсуз Мүгәддәс Китаб дәрси дә кечилир. Дәрсин неҹә кечилдијини елә сөһбәт әснасында гысаҹа ҝөстәрин, јахуд да сонра ҝөстәрмәк үчүн вахт тәјин един. Хидмәт нәзарәтчиси тәҹрүбәли тәблиғчиләрә ишҝүзар әразиләрә ҝедиб, орада Мүгәддәс Китаб дәрси тәклиф етмәји тапшыра биләр. Һәмчинин иш јолдашларыныза, јахуд гејри-формал шаһидлик етдијиниз кәсләрә дә дәрс кечмәји тәклиф едә биләрсиниз.

Иса Мәсиһ бизә шаҝирд һазырламағы, онлары өјрәтмәји бујуруб (Мт 28:19, 20). Ҝәлин бу хүсуси кампанија заманы «Әбәди хошбәхт һәјат!» брошүрү васитәсилә Мәсиһин бу тапшырығыны ҹанла-башла иҹра едәк!