НИФРӘТ ЗӘНҸИРИНИ НЕҸӘ ГЫРМАГ ОЛАР?
1 | Ајры-сечкилик етмәјин
Тәлим:
«Аллаһ ајры-сечкилик етмәјән Аллаһдыр, һәр халгын ичиндә Ондан горхан вә дүзҝүн иш ҝөрән адамдан разыдыр» (ҺӘВАРИЛӘРИН ИШЛӘРИ 10:34, 35).
Мәнасы:
Јеһоваa Аллаһ инсанлара миллијјәтинә, иргинә, дәрисинин рәнҝинә вә ја мәдәнијјәтинә ҝөрә гијмәт вермир. Әксинә, Онун үчүн башга шеј — инсанын дахили аләми ваҹибдир. Һәгигәтән дә, «инсан заһири ҝөрүр, Аллаһ исә үрәји» (1 Ишмуил 16:7).
Сиз нә едә биләрсиниз?
Биз инсанларын үрәјини ҝөрмүрүк. Амма Аллаһдан нүмунә ҝөтүрәрәк, инсанлар арасында ајры-сечкилик етмәјә биләрик. Инсанлара күтлә кими бахмајын, һәр кәсә фәрди јанашын. Әҝәр үрәјиниздә кимләрәсә гаршы, мәсәлән, һансыса иргә вә ја милләтә гаршы мәнфи һиссләрин олдуғуну ҝөрүрсүнүзсә, бу һиссләрдән гуртулмаг үчүн дуада Аллаһдан көмәк истәјин (Зәбур 139:23, 24). Сидги-үрәкдән Јеһова Аллаһа дуа етсәниз, әмин олун ки, О, дуанызы ешидәҹәк вә сизә гәрәзсиз олмаға көмәк едәҹәк (1 Бутрус 3:12).
a Јеһова Аллаһын адыдыр (Зәбур 83:18).
«Әввәлләр ағдәрили инсанла сакит отурмағы белә баҹармырдым... Мән өзүмү бејнәлхалг гардашлығын үзвү кими һисс етдим» (ТАЈТУС).