«Мәсиһи һәјаты вә ибадәти. Иш дәфтәри» үчүн мәнбәләр
© 2023 Watch Tower Bible and Tract Society of Pennsylvania
3—9 ИЈУЛ
АЛЛАҺЫН КӘЛАМЫНДАКЫ ХӘЗИНӘ | ҮЗЕЈИР 4—6
«Аллаһын евинин иншасына мане олмајын»
Зәкәријјәнин ҝөрдүјүнү ҝөрүрсүнүз?
13 Мәбәдин тикинтиси гадаған олунмушду. Буна бахмајараг, Јеһованын рәһбәрлик етмәк үчүн тәјин етдији ики нәфәр, баш каһин Јешу (Јушә) вә вали Зәрубабил Аллаһын евини тикмәјә башладылар (Үзр. 5:1, 2). Кимләрсә бу гәрарын јанлыш олдуғуну дүшүнә биләрди. Чүнки мәбәдин тикинтисини дүшмәнләрдән ҝизләтмәк мүмкүн дејилди. Онлар исә һәр имкандан истифадә едиб, бу ишә мане олаҹагдылар. Јешу вә Зәрубабил архајын олмалы идиләр ки, Јеһова онлара дајаг олаҹаг. Јеһова да онлары буна архајын етди. Ҝәлин ҝөрәк неҹә.
w17 № 3 с. 9, абз. 2—5
Даһа бир тарихи дәлил
Гүдсүн (Јерусәлим) Фарс империјасы тәркибиндә олан дөврү иди. Шәһәр фарсларын «чајын о тајы» адландырдығы әразидә јерләширди (Фәрат чајындан гәрбдә). Бабилистаны зәбт едәндән сонра фарслар Бабил әсирләри олан јәһудиләри азад едир, онлара Гүдсә гајыдыб Аллаһлары Јеһованын учуг мәбәдини бәрпа етмәјә изин верирләр (Үзејир 1:1—4). Јәһудиләрин дүшмәнләри мәбәдин тикилмәсини истәмир. Онлар һәмин иншааты әлләриндә әсас тутараг јәһудиләри дөвләтә гаршы үсјанкарлыгда иттиһам едирләр (Үзејир 4:4—16). I Даранын һакимијјәти дөврүндә (е. ә. 522—486-ҹы илләр) Тәттанај адлы мәмур бу мәсәлә илә бағлы арашдырма апармышды. Мүгәддәс Китабда ҝөстәрилир ки, Тәттанај «чајын о тајындакы бөлҝәнин валиси» иди (Үзејир 5:3—7).
Археологлар тәрәфиндән Тәттанај ады јазылмыш бир нечә михи јазы лөвһәси ашкарланыб. Бу лөвһәләрин аилә архивинә аид олдуғу ҝүман едилир. Лөвһәләрдән бири I Даранын һакимијјәтинин 20-ҹи илинә, јәни е. ә. 502-ҹи илә аид олунан борҹ өһдәлији сәнәдидир. Сәнәддә борҹалма әмәлијјатыны тәсдиг едән шәхсин «чајын о тајынын валиси Таттанну»нун хидмәтчиси олдуғу ҝөстәрилир. Бу, Мүгәддәс Китабда ады чәкилән һәмин Тәттанајдыр.
Тәттанајын вәзифәси нәдән ибарәт иди? Е. ә. 535-ҹи илдә Бөјүк Куруш (Кир) өз империјасыны әјаләтләрә бөлүр. Әјаләтләрдән бири «Бабил вә чајын о тајы» адланыр. Сонрадан о, ики һиссәјә бөлүнүр вә биринин ады «Чајын о тајы» олараг галыр. Бу әјаләтә Бекаа дәрәси, Финикија, Сәмәријјә вә Јәһуда бөлҝәләри дахил иди. Әјаләт, ҝөрүнүр, Дәмәшг шәһәриндән идарә олунурду. Тәттанај е. ә. 520—502-ҹи илләр арасы бу әразинин валиси олуб.
Тәттанај јәһудиләрин үсјан галдырыб-галдырмадығыны арашдырмаг мәгсәдилә Гүдсә сәфәр едир. Сонра шаһ Дараја билдирир ки, јәһудиләрин дедијинә ҝөрә, Јеһованын мәбәдини бәрпа етмәјә онлара Куруш изин вериб. Сарај архивләриндә арашдырма апарылыр вә бу иддиа өз тәсдигини тапыр (Үзејир 5:6, 7, 11—13; 6:1—3). Беләҹә, Тәттанаја бујрулур ки, тикинти ишинә мане олмасын вә о, белә дә едир (Үзејир 6:6, 7, 13).
Зәкәријјәнин ҝөрдүјүнү ҝөрүрсүнүз?
7 Бундан сонра баш верән дәјишиклик мәбәди тикән јәһудиләрә хејли раһатлыг ҝәтирди. Фарс империјасыны јени шаһ, I Дара идарә етмәјә башлады. Һакимијјәтинин икинҹи илиндә, ерамыздан әввәл 520-ҹи илдә о өјрәнди ки, мәбәдин тикинтисинә гојулан гадаға ганунсуз имиш. Бундан сонра шаһ Дара ишин тамамланмасы үчүн фәрман верди (Үзр. 6:1—3). Елә бу хәбәрин өзү һамыны мат-мәәттәл гојду. Амма һәлә бу һарасы иди?! Падшаһ фәрман верди ки, әтраф халглар бәрпа ишләринә мане олмаға сон гојсунлар вә үстәлик, ишә дәстәк олмаг үчүн лазыми гәдәр пулла вә вәсаитләрлә тәмин етсинләр! (Үзр. 6:7—12). Нәтиҹәдә, јәһудиләр мәбәдин тикинтисини 4 илдән бир аз чох вахта, ерамыздан әввәл 515-ҹи илдә битирдиләр (Үзр. 6:15).
Зәкәријјәнин ҝөрдүјүнү ҝөрүрсүнүз?
16 Бу ҝүн Јеһова бизә һәмчинин «садиг вә ағыллы нөкәр» васитәсилә ҝөстәришләр верир (Мәт. 24:45). Ола биләр ки, садиг нөкәрин вердији ҝөстәришләри бәзән там баша дүшмәјәк. Мәсәлән, ола билсин, тәбии фәлакәтә һазырлашмаг үчүн бизә конкрет ҝөстәришләр верилсин. Лакин биз дүшүнүрүк ки, чәтин ки бизим әразимиздә белә фәлакәт баш версин. Јахуд бизә елә ҝәлә биләр ки, садиг нөкәр пандемија дөврүндә һәдсиз еһтијатла давраныр. Алдығымыз ҝөстәришләр бизә ағлабатан ҝәлмәјәндә нә етмәлијик? Исраиллиләри јадымыза сала биләрик. Онлар Јеһованын Јешу вә Зәрубабил васитәсилә вердији ҝөстәришә ујғун давранмағын хејрини ҝөрдүләр. Һәмчинин Мүгәддәс Китабдан охудуғумуз диҝәр һадисәләр һагда дүшүнә биләрик. Олуб ки, инсан бахышы илә ағлабатан ҝөрүнмәјән һансыса ҝөстәриш һәјатлары хилас едиб (Һак. 7:7; 8:10).
Һикмәт хәзинәсиндән инҹиләр
w93-E 15/6 с. 32, абз. 3—5
Мүгәддәс Китаба етибар етмәк олар?
Сиккә индики Түркијәнин ҹәнуб-шәргиндә јерләшән Тарсус шәһәриндә һазырланмышдыр. О, ерамыздан әввәл IV әсрдә фарс валиси Мазаеусун һакимијјәти дөврүндә истеһсал едилмишдир. Бу сиккә ону «чајын [Фәрат чајынын] о тајындакы бөлҝәнин валиси» кими таныдырды.
Нәјә ҝөрә бу ифадә диггәтәлајигдир? Чүнки ејни ифадәјә Мүгәддәс Китабда да раст ҝәлә биләрсиниз. Үзејир 5:6—6:13 ајәләриндә фарс шаһы Дара илә вали Тәттанај арасындакы јазышмадан сөһбәт ҝедир. Мөвзу јәһудиләрин Јерусәлимдәки мәбәди бәрпа етмәләри илә бағлы иди. Үзејир Аллаһын ганунун пешәкар көчүрүҹүсү иди вә әмин ола биләрсиниз ки, о, һәр шеји дәгигликлә гәләмә алыб. Үзејир 5:6 вә 6:13 ајәләриндән ҝөрә биләрсиниз ки, о, Тәттанајы «чајын о тајындакы бөлҝәнин валиси» кими тәгдим едиб.
Үзејир буну б. е. ә тәхминән 460-ҹы илдә, јәни сиккә истеһсал олунмамышдан һарадаса 100 ил әввәл гәләмә алмышды. Бәзи инсанлар дүшүнә биләр ки, гәдимдә јашамыш бир валинин адынын орада гејд олунмасы елә дә ваҹиб мәгам дејил. Әҝәр Мүгәддәс Китаб јазарларынын гејд етдији бу ҹүр хырда тәфәррүатлара етибар едә билирсинизсә, демәли, бу онларын јаздығы диҝәр мәлуматлара да етибарынызы артыраҹаг.
10—16 ИЈУЛ
АЛЛАҺЫН КӘЛАМЫНДАКЫ ХӘЗИНӘ | ҮЗЕЈИР 7, 8
«Үзејирин әмәлләри Јеһоваја шәрәф ҝәтирди»
Сәмәрәли вә хош өјрәнмә
8 Бәли, Јегованын Кәламына мәһәббәтимиз, һиссләримизин мәркәзи олан үрәјимиздән ҝәлмәлидир. Јениҹә охудуғумуз һиссәләрин үзәриндә дајанмагдан мәмнунлуг һисси алмалыјыг. Биз руһани ҹәһәтдән дәрин фикирләрә диггәт јетирмәли, онлары ҹанымыза чәкмәли вә онларын үзәриндә дүшүнмәлијик. Бунун үчүн сакитҹә фикирләшмәк вә дуа етмәк ваҹибдир. Езра кими, биз дә үрәјимизи Аллаһын Кәламыны охумаға вә тәдгиг етмәјә һазырламалыјыг. Езра һаггында јазылыб: “Рәббин шәриәтини арајыб иҹра етмәк үчүн вә Исраилдә гануну вә һөкмләри өјрәтмәк үчүн Езра өз үрәјини һазырламышды” (Езра 7:10). Езранын өз үрәјини һансы үч мәгсәд үчүн һазырладығына диггәт јетирин: өјрәнмәк, өјрәниләни һәјатда тәтбиг етмәк вә башгаларына тә’лим вермәк. Биз онун нүмунәсинә риајәт етмәлијик.
si-E с. 75, абз. 5
Мүгәддәс Јазыларын китабы нөмрә 13 — 1 Салнамәләр
5 Үзејир бу мөтәбәр вә дәгиг тарихи гәләмә алмаг үчүн ән ујғун шәхс иди. «Үзејир Јеһованын Ганунуну тәдгиг вә тәтбиг етмәји, Исраилдә гајда-ганунлары вә һөкмләри өјрәтмәји үрәјиндә гәт етмишди» (Үзејир 7:10). Јеһова мүгәддәс руһу илә она дајаг олурду. Үзејирдәки илаһи һикмәти ҝөрән Фарс шаһы она Јәһуда вилајәти илә бағлы чохлу мүлки ишләр һәвалә етди (Үзејир 7:12—26). Беләҹә, һәм Аллаһын руһу, һәм дә шаһын вердији сәлаһијјәт сајәсиндә Үзејир өз јазыларыны һәмин вахт мөвҹуд олан ән мөтәбәр сәнәдләр әсасында тәртиб етмишди.
it-1-E с. 1158, абз. 4
Тәвазөкарлыг
Дүзҝүн рәһбәрлик әлдә етмәјә көмәк едир. Өзүнү Аллаһын гаршысында ашағы тутан инсан Ондан рәһбәрлик алаҹағына әмин ола биләр. Үзејирин үзәриндә чох бөјүк бир мәсулијјәт вар иди. Белә ки, о, каһинләрдән, мәбәд гуллугчуларындан, гадынлардан вә ушаглардан әлавә 1500-дән чох кишинин Бабилдән Јерусәлимә гајытмасына рәһбәрлик етмәли иди. Бундан әлавә, Јерусәлимдәки мәбәди бәзәмәк үчүн онлар өзләри илә чохлу гызыл вә ҝүмүш дә ҝөтүрмүшдүләр. Бу сәјаһәт заманы онларын мүдафиәјә еһтијаҹы вар иди, лакин Үзејир Фарс шаһындан һәрби мүдафиә истәмәди вә бунунла да инсан ҝүҹүнә архаланмадығыны ҝөстәрди. Бундан әлавә, о, шаһа әввәлҹәдән демишди: «Аллаһымыз Она үз тутанлара јар олур». Буна ҝөрә дә о, оруҹ елан етди ки, инсанлар Јеһованын гаршысында өзләрини ашағы тутсунлар. Онлар Аллаһа јалвардылар вә О да онлары ешитди, беләҹә, јол боју халгы дүшмән тәләләриндән горуду. Тәһлүкәли сәфәр уғурла баша чатды (Үз 8:1—14, 21—32). Бабилдә әсирликдә олан Дәнјал пејғәмбәр дә өзүнү Аллаһын гаршысында ашағы тутараг Ондан һикмәт диләјиб, јол ҝөстәрмәјини хаһиш етмишди. Аллаһ разылыг әламәти олараг мәләји васитәсилә она вәһј вермишди (Дн 10:12).
Һикмәт хәзинәсиндән инҹиләр
«Езра» китабындан диггәтәлајиг фикирләр
7:28—8:28 — Нә үчүн Бабилдәки бир чох јәһудиләр Езра илә Јерусәлимә гајытмаға мејилли дејилдиләр? Биринҹи груп јәһудиләрин вәтәнә дөнмәсиндән 60 илдән чох вахт кечмәсинә бахмајараг, Јерусәлим һәлә дә сејрәк мәскунлашмышды. Јерусәлимә гајытмаг чәтин вә тәһлүкәли шәраитдә јени һәјата башламаг демәк иди. Ола билсин ки, Бабилдә мадди ҹәһәтдән чичәкләнән јәһудиләрә Јерусәлим һеч бир ҹәлбедиҹи мадди наилијјәт тәклиф етмирди. Бундан әлавә, онлары тәһлүкәли сәјаһәт ҝөзләјирди. Ҝери дөнмәк үчүн онлардан ҹәсарәт, Јеһоваја мөһкәм иман вә һәгиги ибадәтә сә’ј тәләб олунурду. Һәтта Езра да ‘үзәриндә олан Јеһованын әлиндән гүввәт алырды’. Онун чағырышына 1500 аилә — тәхминән 60 000 адам һај верди. Езра әлавә аддымлар атдыгдан сонра 38 левили вә 220 нетиним дә онлара гошулду.
17—23 ИЈУЛ
АЛЛАҺЫН КӘЛАМЫНДАКЫ ХӘЗИНӘ | ҮЗЕЈИР 9, 10
«Итаәтсизлијин аҹы нәтиҹәләри»
«Езра» китабындан диггәтәлајиг фикирләр
9:1, 2 — Әтраф халглардан олан инсанларла никаһа ҝирмәк нә дәрәҹәдә тәһлүкәли иди? Дирчәлмиш халг Мәсиһ ҝәләнәдәк һәгиги ибадәти горумалы иди. Башга халгдан оланларла никаһ һәгиги ибадәт үчүн реал тәһлүкә иди. Бә’зиләринин бүтпәрәстләрлә никаһа ҝирмәси үзүндән, Јәһуди халгы бу халглар ичиндә әријиб итә вә нәтиҹәдә һәгиги ибадәт јер үзүндән силинә биләрди. Белә олдугда Мәсиһ һансы халга ҝөндәриләҹәкди? Тәәҹҹүблү дејил ки, Езра баш верәнләри ҝөрдүкдә бәрк сарсылды!
w09-E 1/10 с. 10, абз. 6
Јеһова сизә нә бујурур?
Үрәкдән итаәт етсәк, Јеһова бизә бол немәтләр верәҹәк. Муса демишди: «Јеһованын сәнин јахшылығын үчүн вердији, бу ҝүн сәнә чатдырдығым бүтүн әмр вә ганунлары јеринә [јетир]» (13-ҹү ајә). Бәли, Јеһованын һәр әмри, Онун бујурдуғу һәр бир шеј бизим хејримизәдир. Башга ҹүр ола да билмәз. Ахы Мүгәддәс Китабда дејилир ки, «Аллаһ мәһәббәтдир» (1 Јәһја 4:8). Демәли, Аллаһ бизә нә бујурурса, әбәди рифаһымыз үчүн бујурур (Әшија 48:17). Јеһованын бујурдуғу һәр шеји етсәк, һәм инди өзүмүзү бир чох проблемләрдән горујаҹағыг, һәм дә ҝәләҹәкдә Онун һакимијјәти алтында әбәдијјәт боју немәтләр алаҹағыг.
Һикмәт хәзинәсиндән инҹиләр
«Езра» китабындан диггәтәлајиг фикирләр
10:3, 44 — Нә үчүн арвадларла бирликдә ушаглары да атдылар? Әҝәр ушаглар галсајдылар, о заман говулмуш гадынлар өвладларынын архасынҹа гајыда биләрдиләр. Бундан әлавә, үмумијјәтлә, балаҹа ушагларын ана гајғысына еһтијаҹы вардыр.
24—30 ИЈУЛ
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 1, 2
«Мән дәрһал... дуа етдим»
Даима Јеһоваја үз тутун
5 Бәзи һалларда Аллаһдан көмәк алмаг үчүн гысаҹа дуа етмәли ола биләрик. Бир дәфә фарс падшаһы Артахшаста өз сагиси Неһемјанын кәдәрли олдуғуна фикир верди. Падшаһ сорушду: «Сән мәндән нә диләјирсән?» Неһемја дәрһал ‘ҝөјләрин Аллаһына дуа етди’. Бу вәзијјәтдә Неһемјанын үрәјиндә етдији дуа узун ола билмәзди. Амма Аллаһ Өз хидмәтчисинин дуасына ҹаваб верди, чүнки Јерусәлимин диварларыны бәрпа етмәк үчүн падшаһ Неһемјаја көмәк етди. (Неһемја 2:1-8 ајәләрини оху.) Бәли, һәтта үрәкдә сөјләнилән гыса дуанын да көмәји ола биләр.
Сәрбәст чыхыш
Етигадларын һаггында һазырлашмадан изаһат вермәк тәләб олунанда јахшы ҹаваб вермәјә нә көмәк едә биләр? Артахшаста падшаһын суалына ҹаваб вермәздән әввәл сакитҹә дуа едән Неһемјаны тәглид ет (Неһ. 2:4). Сонра ҹәлд фикриндә план һазырла. Әсас аддымлар бунлардыр: 1) ачыгламаг үчүн бир-ики фикир сеч (Фикирләри «Мүгәддәс Китаб әсасында сөһбәт етмәк үчүн мөвзулар» брошүрасындан сечә биләрсән). 2) Бу фикирләри тәсдиг етмәк үчүн һансы ајәләрдән истифадә едәҹәјини мүәјјән ет. 3) Суал верәнин јахшы гулаг асмасы үчүн сөзүнә нәзакәтлә неҹә башлајаҹағыны фикирләш, сонра данышмаға башла.
Һикмәт хәзинәсиндән инҹиләр
12 Ҝәлин ерамыздан әввәл бешинҹи әсрдә Фарс падшаһы Артахшастанын сагиси кими хидмәт етмиш Неһемјанын нүмунәсинә нәзәр салаг. Неһемја һәрарәтли дуалар етмәкдә ҝөзәл нүмунә гојуб. О, Јерусәлимдәки јәһудиләрин дүшдүкләри вәзијјәтә ҝөрә ҝүнләрлә «Аллаһынын өнүндә оруҹ тутараг дуа [етмишди]» (Неһ. 1:4). Артахшаста ондан кәдәрли олмасынын сәбәбини сорушанда Неһемја дәрһал «ҝөјләрин Аллаһына дуа [етди]» (Неһ. 2:2—4). Бунун нәтиҹәси нә олду? Јеһова онун дуаларына ҹаваб верди вә вәзијјәти Өз халгынын хејринә дәјишди (Неһ. 2:5, 6). Сөзсүз, бу, Неһемјанын иманыны чох мөһкәмләндирди!
13 Неһемја кими, даима дуа етмәк бизә иманымызы мөһкәм сахламаға көмәк едир. Шејтан гәддардыр вә чох вахт зәифләдијимизи ҝөрәндә бизә зәрбә ендирир. Мәсәлән, хәстәлик вә ја депрессијадан әзијјәт чәкән заман бизә елә ҝәлә биләр ки, Аллаһа кифајәт гәдәр хидмәт етмирик. Јахуд бәзиләримиз кечмишдә сүрдүјүмүз һәјат тәрзинә ҝөрә мәјуслуға гапыла биләрик. Шејтан бизи инандырмаг истәјир ки, биз һеч нәјә јарамырыг. О, бизим һиссләримизлә ојнајараг иманымызы зәифләтмәјә чалышыр. Лакин «дуаларда ајыг» олмагла иманымызы мөһкәм сахлаја биләрик. Һәгигәтән дә, «иманын бөјүк галханыны» ҝөтүрмәк бизә «Шәририн бүтүн аловлу охларыны» сөндүрмәјә көмәк едәҹәк (Ефес. 6:16).
31 ИЈУЛ — 6 АВГУСТ
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 3, 4
«Физики ишләр ҝөрмәји шәнинизә сығышдырырсыныз?»
«Неһемја» китабындан диггәтәлајиг фикирләр
3:5, 27. Биз һәгиги ибадәтин мараглары үчүн ҝөрүлән физики иши Тегоа «әсилзадәләри» кими өз ләјагәтимиздән ашағы һесаб етмәли дејилик. Бунун әвәзинә, ҝәлин өзләрини ишә сә’јлә һәср едән садә тегоалылары тәглид едәк.
Јеһованын истәдији кәс ола биләрсиниз
11 Әсрләр өнҹә Јерусәлим диварларынын бәрпасында Јеһова бир чохларындан истифадә етмишди. Онларын арасында Сәллум гызлары да вар иди (Нәһ. 2:20; 3:12). Аталарынын башчы олмасына бахмајараг, онлар һәвәслә белә бир ағыр вә тәһлүкәли иши ҝөрүрдүләр (Нәһ. 4:15—18). Сәллум гызлары бу иши ҝөрмәји шәнләринә сығышдырмајан тәгуһлуларын әсилзадәләриндән неҹә дә фәргләнирдиләр! (Нәһ. 3:5). Лајиһәнин ҹәми 52 ҝүнә тамамландығыны ҝөрәндә Сәллум гызларынын неҹә севиндијини тәсәввүр етмәк олар! (Нәһ. 6:15). Бизим дөврүмүздә дә баҹылар мүгәддәс хидмәтин хүсуси нөвүндә — Јеһоваја һәср олунан биналарын тәмир вә тикинтисиндә севә-севә иштирак едирләр. Онларын баҹарығы, шөвгү, сәдагәти бу ишин һәјата кечмәсиндә ваҹиб рол ојнајыр.
Бөјүклүјә даир мәсиһчи нөгтеји-нәзәрини инкишаф етдир
16 Бүтүн мәсиһчиләр — ушаглар вә бөјүкләр — бөјүклүјә даир мәсиһчи нөгтеји-нәзәрини инкишаф етдирмәјә чалышмалыдырлар. Јығынҹагда мүхтәлиф тапшырыглары јеринә јетирмәк лазымдыр. Бу дүнјада кимин исә лајигли сајмадығы иши сәнә һәвалә едәндә, һеч заман инҹимә (1 Самуел 25:41; 2 Краллар 3:11). Валидејнләр, ушагларынызы, о ҹүмләдән јенијетмә јашында олан ушагларынызы онлара Падшаһлыг Залында вә ја конгресин кечирилдији јердә һәвалә олунан һәр бир ишә һәвәслә ҝиришмәјә тәшвиг едирсинизми? Онлар сизин өзүнүзүн ади, нәзәрә чарпмајан ишләри јеринә јетирдијинизи ҝөрүрләрми? Јеһованын Шаһидләринин үмумдүнја мәркәзи идарәсиндә чалышан бир гардаш өз валидејнләринин нүмунәсини индијәдәк јахшы хатырлајыр. О дејир: “Онларын Падшаһлыг Залынын вә ја конгрес кечирилән јерин јығышдырылмасына мүнасибәтләриндән ҝөрүнүрдү ки, онлар бу иши ваҹиб сајырлар. Онлар чох вахт јығынҹаг вә ја баҹы-гардашлар үчүн һансыса ишләри көнүллү олараг јеринә јетирир вә һеч бир тапшырығы алчалдыҹы сајмырдылар. Бу ҹүр әһвал-руһијјә мәнә Бејт-Елдә һәр бир тапшырығы һәвәслә гәбул етмәјә көмәк едир”.
Һикмәт хәзинәсиндән инҹиләр
«Неһемја» китабындан диггәтәлајиг фикирләр
4:17, 18 — Бир әл илә тикинти ишләрини неҹә ҝөрмәк оларды? Јүк дашыјан фәһләләр үчүн бу проблем дејилди. Јүк дашыјанлар асанлыгла бир әли илә јүкү чијинләриндә вә ја башларында сахлајыр, ‘о бири әли илә силаһ тутурдулар’. Ишини ики әли илә ҝөрмәли олан бәнналар да «һәр бири гылынҹы белинә бағлајараг дивар тикирди». Дүшмән һүҹум етдији һалда онлар мүдафиәјә һазыр идиләр.
Ҝөрдүјүн ишдән зөвг ал
1 Инсан «ҝөрдүјү ишдән зөвг [алмаг]» үчүн јарадылыб (Ваиз 2:24). Лакин хидмәтимизин мүсбәт нәтиҹәләрини ҝөрмәсәк, руһ дүшкүнлүјү бизи севинҹдән мәһрум едә вә сәјимизи азалда биләр. Бәс мүсбәт әһвал-руһијјәмизи горумаға бизә нә көмәк едә биләр?
2 Реалист ол. Исанын тәблиғинә чох аз адамын һај вермәсинә бахмајараг, онун хидмәтинин уғурлу олдуғуна һеч бир шүбһә јохдур (Јәһ. 17:4). Иса әкинчи мәсәлиндә демишди ки, нәтиҹәдә бир чохларынын үрәји Падшаһлыг һаггында хәбәрин тохумларыны гәбул етмәјә мејилли олмајаҹаг (Мат. 13:3—8, 18—22). Буна бахмајараг, сәј ҝөстәрмәјин сајәсиндә хидмәтимиз сәмәрәли олаҹаг.
3 Биз неҹә чохлу бар верә биләрик? Исанын мәсәлинә әсасән, хош хәбәри гәбул едәнләр бәһрә вермәли идиләр (Мат. 13:23). Буғданын саплағы бөјүјүб јетишдикдә онлар кичик саплаглар дејил, бәһрә шәклиндә јени тохумлар верир. Ејнилә, мәсиһчинин дә бар вермәси мүтләг јени шаҝирдләр һазырламасы дејил, Падшаһлыг һаггында хош хәбәри тәблиғ едәрәк чохлу тохум сәпмәсидир. Инсанларын хош хәбәрә мүнасибәтиндән асылы олмајараг, Падшаһлыг тохумунун сәпилмәсинин ҝәтирдији фајда бизә мәмнунлуг ҝәтирәҹәк. Бунунла биз Јеһованын адынын мүгәддәс тутулмасында өз төһфәмизи вермиш олаҹағыг (Јешаја 43:10—12; Мат. 6:9). Аллаһын әмәкдашлары олмаг шәрәфи бизә севинҹ бәхш едәҹәк (1 Кор. 3:9). Үстәлик, «дилимизин бәһрәсини» тәгдим етмәјимиз Јеһоваја хошдур (Ибр. 13:15, 16).
4 Бундан әлавә, биз өз зәһмәтимизин нәтиҹәсини ҝөрмәјә биләрик. Чох еһтимал ки, Исанын тәблиғинә гулаг асанлардан бәзиләри о, јерүзү хидмәтини баша вуранадәк онун шаҝирди олмады. Ејнилә, бизим дә сәпдијимиз Падшаһлыг тохумлары инсанын үрәјиндә дәрһал көк атыб инкишаф етмәјә биләр вә о, һәгигәтә ҝәләндә бизим бундан хәбәримиз олмаја биләр. Әслиндә исә, бизим хидмәтимизин фајдасы чохдур. Буна ҝөрә дә, ҝәлин чохлу бар верәк вә Исанын шаҝирди олдуғумузу сүбут едәк (Јәһ. 15:8).
7—13 АВГУСТ
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 5—7
«Нәһәмја гуллуг ҝөзләмирди, гуллуг едирди»
w02-E 1/11 с. 27, абз. 3
Һәгиги ибадәтин кешијиндә дуранлар — кечмишдә вә бу ҝүн
Нәһәмја бу лајиһә үчүн тәкҹә вахтындан, тәшкилатчылыг габилијјәтиндән истифадә етмәди. О, һәгиги ибадәти дәстәкләмәк үчүн мадди вәсаитләрини дә сәрф едирди. Нәһәмја көләликдә олан јәһуди гардашларыны сатын алмаг үчүн өзү хәрҹ чәкмишди. Сәләмсиз борҹ вермишди. О, әсла јәһудиләрин «чијнинә ағыр јүк» гојмаг истәмирди, буна ҝөрә дә валијә чатан ајлыг һаггы тәләб етмирди. Әксинә, евинин гапыларыны ҝениш ачараг сүфрәсиндә 150 нәфәрә, һабелә әтраф халглардан ҝәләнләрә јемәк верирди. Һәр ҝүн гонаглары үчүн «1 өкүз, 6 көк гојун вә гушлар һазырланырды». Һәмчинин он ҝүндән бир сүфрәдә «нөвбәнөв боллуҹа шәраб олурду». Бүтүн бунларын хәрҹини Нәһәмја өзү чәкирди (Нәһәмја 5:8, 10, 14—18).
w19.09 1/11 с. 16, абз. 10
Өзүнүзү һәдсиз нараһатлыгдан, јаланлардан вә руһ дүшкүнлүјүндән горујун
10 Нәһәмја сәлаһијјәтиндән истифадә едәрәк халгы өз гојдуғу ганунлара әмәл етмәјә мәҹбур етмәди. Әксинә, Јеһоваја үрәкдән дуа едәрәк она јол ҝөстәрмәсини диләди вә халга Јеһованын ганунларыны хатырлатды (Нәһ. 1:4—10; 13:1—3). Нәһәмја һәмчинин тәвазөкарҹасына халгла чијин-чијинә ишләди, һәтта онлара Јерусәлимин диварларыны бәрпа етмәкдә көмәк етди (Нәһ. 4:15).
«Әлләрин јанына дүшмәсин»
16 Јеһованын көмәји илә Нәһәмја вә сојдашлары гүввәтләниб ҹанла-башла ишә башладылар. Онлар Јерусәлимин диварларыны ҹәми 52 ҝүнә тикиб гуртардылар! (Нәһ. 2:18; 6:15, 16). Нәһәмја тәкҹә тикинтијә нәзарәт етмирди, өзү дә бу ишдә фәал иштирак едирди (Нәһ. 5:16). Бу ҝүн дә фәдакар ағсаггаллар Нәһәмјадан нүмунә ҝөтүрәрәк тәшкилатын тикинти лајиһәләриндә, ибадәт евләринин тәмириндә вә тәмизлик ишиндә иштирак едирләр. Еләҹә дә диндашлары илә чијин-чијинә чалышмагла вә бир ағсаггал кими онлары зијарәт етмәклә үрәји тәлаш кечирәнләрин сүстләшмиш голларыны гүввәтләндирирләр. (Әшија 35:3, 4 ајәләрини охујун.)
w00-Е 1/2 с. 32, абз. 3
Јеһова сизи неҹә хатырлајаҹаг?
Мүгәддәс Китабда Аллаһ бир шеји «хатырлајыр», «јада салыр» дејилирсә, бу, адәтән, мүсбәт мәна кәсб едир. Мәсәлән, јер үзүндә дашгын баш верәндән 150 ҝүн сонра Аллаһ «Нуһу хатырлады», сонра О, «јер үзүнә күләк ҝөндәрди вә су азалмаға башлады» (Јарадылыш 8:1; һашијә). Әсрләр сонра, филиштлиләр тәрәфиндән кор едилмиш вә зәнҹирләнмиш Шимшон бу ҹүр дуа етмишди: «Јеһова, мәни јадына сал. Пәрвәрдиҝара, мәнә анҹаг бу дәфәлик гүввәт вер». Јеһова Шимшона инсан ҝүҹүндән үстүн олан ҝүҹ вермәклә ону јада салдығыны ҝөстәрди вә беләҹә о, Аллаһын дүшмәнләриндән гисасыны ала билди (Һакимләр 16:28—30). Нәһәмјаја ҝәлинҹә, Јеһова онун чәкдији зәһмәтә бәрәкәт верди вә Јерусәлимдә һәгиги ибадәт бәрпа олунду.
Һикмәт хәзинәсиндән инҹиләр
«Пислијә јахшылыг илә галиб ҝәл»
15 Ән ахырда Неһемјанын дүшмәнләри исраилли Шемајаны пулла өз тәрәфләринә чәкдиләр ки, Неһемјаны Аллаһын ганунуну позмаға тәһрик етсин. Шемаја Неһемјаја деди: «Ҝәл Аллаһын евиндә мә’бәддә ҝөрүшәк вә гапыларыны бағлајаг. Чүнки сәни өлдүрмәјә адамлар ҝәләҹәк». Шемајанын сөзләринә ҝөрә, Неһемјаја суи-гәсд һазырланырды вә о, мә’бәддә ҝизләнмәклә ҹаныны хилас едә биләрди. Амма Неһемја каһин дејилди. Аллаһын евиндә ҝизләнмәји ҝүнаһ оларды. Бәс ҝөрәсән, о, һәјатыны гуртармаг үчүн Аллаһын гануну позаҹагдымы? Неһемја ҹаваб верди: «Ким мәним јеримдә олса сағ галсын дејә мә’бәдә ҝирәр? Ҝирмәрәм» (КМ). Неһемја нәјә ҝөрә тора дүшмәди? Чүнки билирди ки, Шемаја исраилли олса да, ону «Аллаһ ҝөндәрмәмишди». Үстәлик, һәгиги пејғәмбәр һеч вахт она Аллаһын ганунуну позмағы мәсләһәт ҝөрмәзди. Неһемја јенә дә дүшмәнләринә мәғлуб олмады. Чох кечмәмиш о јазды: «Елул ајынын ијирми бешиндә, әлли ики ҝүн әрзиндә диварын тикинтиси тамамланды» (Неһемја 6:10-15; Сајлар 1:51; 18:7).
Тәҹрүбәли мүждәчиләр бир-бирләринә көмәк едирләр
17 Иса шаҝирдләрини тәблиғә ики-ики ҝөндәрирди (Марк 6:7; Лука 10:1). Сонралар һәвари Павел «хош хәбәр уғрунда [онунла]... чијин-чијинә мүбаризә апармыш» јолдашларынын адыны чәкмишди (Филип. 4:3). Мүгәддәс Китаба ујғун олараг, 1953-ҹү илдә Падшаһлығын тәблиғчиләри башгаларыны өјрәтмәк үчүн тәлим програмы тәшкил етдиләр.
18 Хидмәтдә оларкән бир-биримизлә неҹә әмәкдашлыг едә биләрик? (1 Коринфлиләрә 3:6—9 ајәләрини оху.) Әмәкдашын ајә охујаркән өз Мүгәддәс Китабындан ону излә. Сөһбәт заманы диггәтин әмәкдашында вә ев саһибиндә олсун ки, лазым ҝәлдикдә әмәкдашына көмәк едә биләсән (Ваиз 4:12). Амма бир шеји јадда сахламаг лазымдыр ки, әмәкдашын јахшы шаһидлик верән вә ја ев саһиби данышан заман онларын сөзүнү кәсмәк дүзҝүн олмазды. Сәнин јерсиз ҹанфәшанлығын әмәкдашыны руһдан сала, ев саһибиндә исә чашгынлыг јарада биләр. Дүздүр, бәзән сөһбәтә гошулмаг лазым ҝәлир. Анҹаг нәсә демәк истәсән, чалыш, фикрини гысаҹа билдир вә сонра әмәкдашынын сөһбәти давам етдирмәсинә имкан вер.
19 Евдән-евә хидмәт заманы әмәкдашынызла бир-биринизә неҹә көмәк едә биләрсиниз? Нијә дә бош вахтыныздан тәгдимәнизи јахшылашдырмаг үчүн истифадә етмәјәсиниз? Еһтијатлы олун ки, саһәниздә јашајан инсанлар барәдә руһдан салан тәрздә данышмајасыныз. Еләҹә дә диггәтли олун ки, диҝәр тәблиғчиләр барәдә дә мәнфи фикирләр сөјләмәјәсиниз (Галат. 5:15). Биз сахсы габ олдуғумузу унутмамалыјыг. Јеһова бизи хош хәбәрин мүждәчиси олмаг шәрәфинә лајиг ҝөрмәклә бөјүк хејирхаһлыг ҝөстәриб. (2 Коринфлиләрә 4:1, 7 ајәләрини оху.) Беләликлә, ҝәлин һамымыз бүтүн ҝүҹүмүзү сәфәрбәр едәк вә мүждәчилик ишини там шәкилдә јеринә јетирәрәк бизә һәвалә олунан хош хәбәрә ҝөрә миннәтдарлығымызы билдирәк.
14—20 АВГУСТ
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 8, 9
«Јеһованын бәхш етдији севинҹ сизә галадыр»
Левилиләрин дуасындан нә өјрәнирик?
2 Јухарыда бәһс едилән топлантыдан бир ај әввәл јәһудиләр Јерусәлимин диварларынын бәрпасыны баша вурмушдулар (Неһ. 6:15). Аллаһын халгы бу иши ҹәми 52 ҝүн әрзиндә тамамламыш вә артыг онларын өз руһани тәләбатларыны өдәмәк үчүн башлары ачылмышды. Јени ајын, тишри ајынын бириндә халг шәһәр мејданында Езранын вә диҝәр левилиләрин Аллаһын Ганунуну уҹадан охујуб изаһ етмәләрини динләмәк үчүн топлашды (1-ҹи шәкил). Бүтүн «динләјиб анлаја билән»ләр дә дахил олмагла, аиләләрин һамысы јығышыб «сәһәр ачыландан ҝүнортаја гәдәр» гулаг асдылар. Онлар раһат Падшаһлыг залында кечирилән јығынҹаг ҝөрүшләриндә иштирак едән бизләрә неҹә дә ҝөзәл нүмунә гојублар! Анҹаг һеч елә олурму ки, бәзән ҝөрүш заманы фикриниз јајыныр вә әһәмијјәтсиз шејләр һагда дүшүнүрсүнүз? Белә олан һалда, садәҹә гулаг асмагла кифајәтләнмәјиб динләдикләрини үрәкдән гәбул едән вә Аллаһын Ганунуну позан бир халг олдугларына ҝөрә ағламаға башлајан гәдим исраиллиләрин нүмунәсинә јенидән нәзәр салын (Неһ. 8:1—9).
Руһа ҝөрә һәрәкәт едәҹәксинизми?
9 Севинҹ әсл хошбәхтликдән доған һиссдир. Јеһова ‘хошбәхт Аллаһдыр’ (1 Тимотејә 1:11, ЈД; Мәзмур 104:31). Оғул Атасынын ирадәсини јеринә јетирмәкдән севинҹ дујур (Мәзмур 40:8; Ибраниләрә 10:7-9). ‘Рәббин вердији севинҹ бизим дә гүввәтимиздир’ (Неһемја 8:10).
10 Һәтта чәтинлијин, гәм-гүссәнин вә ја тә’гибләрин мүгабилиндә белә, Аллаһын ирадәсини јеринә јетирәндә Онун вердији севинҹдән дәрин мәмнунлуг дујуруг. Аллаһын вердији «билик» бизә неҹә бөјүк хошбәхтлик ҝәтирир! (Сүлејманын мәсәлләри 2:1-6). Аллаһла мүнасибәтләримизин әсасыны Онун һаггында дәгиг билик вә Исанын фидјә гурбанлығына иман тәшкил едир (1 Јәһја 2:1, 2). Јеҝанә бејнәлхалг гардашлығын үзвү олмаг да бизә севинҹ ҝәтирир (Сефанја 3:9; Һаггај 2:7). Аллаһын Падшаһлығынын тезликлә бүтүн јер үзүнү идарә едәҹәјини билмәк вә хош хәбәрин тәблиғиндә иштирак етмәк дә чох севиндириҹидир (Матта 6:9, 10; 24:14). Әбәди һәјат үмиди дә севинҹимизә севинҹ гатыр (Јәһја 17:3). Белә ҝөзәл үмидә малик олдуғумуз үчүн биз ‘там севинҹ ичиндә јашамалыјыг’ (Ганунун тәкрары 16:15).
Һикмәт хәзинәсиндән инҹиләр
it-1-E с. 145, абз. 2
Арами дили
Јәһудиләр Бабил әсарәтиндән гајытдыгдан бир мүддәт сонра каһин Үзејир Јерусәлимдә топлашан јәһудиләрә Гануну охуду вә бир груп лавили охунанлары халга изаһ етди. Нәһәмја 8:8 ајәсиндә дејилир: «Онлар Төвраты, Аллаһын китабыны уҹадан охујур, охудугларыны ајдын изаһ едир, мәнасыны ачыглајырдылар. Беләҹә, онлар халга охудугларыны баша салдылар». Бурада ишләдилән «изаһ едир» ифадәси, ола билсин, ибрани дилиндән арами дилинә тәрҹүмәни нәзәрдә тутур. Чох ҝүман ки, ибраниләр Бабилдә оларкән бу дилдә данышырдылар. Шүбһәсиз, һәр бир һалда бу сөз охунан мәлуматын әтрафлы изаһ едилдијини еһтива едир. Јәһудиләр ибрани дилини баша дүшсәләр дә, бу ҹүр изаһат сајәсиндә онлар охунулан шејләрин дәринлијинә вара биләрдиләр.
21—27 АВГУСТ
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 10, 11
«Онлар Јеһованын јолунда гурбанлар вердиләр»
w98-E 15/10 с. 22, абз. 13
Јерусәлим — адына лајиг шәһәр
13 Нәһәмјанын ҝүнләриндә бағланан әһд Аллаһын гәдим халгыны Јерусәлим диварынын һәср олунма ҝүнүнә һазырлады. Лакин бурада диггәтәлајиг башга бир мәгам да вар. Артыг 12 дарвазасы олан бөјүк диварларла әһатә олунмуш Јерусәлим шәһәринә даһа чох әһали лазым иди. Бәзи исраиллиләр артыг орада јашаса да, «шәһәр ҝениш вә бөјүк иди, әһалиси исә аз иди» (Нәһәмја 7:4). Бу мәсәләнин һәлли үчүн пүшк атылды ки, «һәр он нәфәрдән бири мүгәддәс Јерусәлим шәһәриндә» јашасын. Көнүллү олараг шәһәрә көчмәји сечәнләрә халг хејир-дуа верди (Нәһәмја 11:1, 2). Бу, бу ҝүн тәләбат олан әразијә көчмәјә вә орадакы јеткин мәсиһиләрә көмәк етмәјә имканы јол верән мәсиһиләр үчүн ҝөзәл өрнәкдир!
w86-E 15/2 с. 26
Һәгиги ибадәт зәфәр чалыр
Ирс олараг алдыглары мал-мүлкү гојуб Јерусәлимә көчмәк хәрҹ тәләб едирди, һәмчинин мүәјјән чәтинликләрә дә гатлашмаг лазым иди. Бундан башга, орада јашајанлар мүхтәлиф тәһлүкәләрлә үзләшә биләрдиләр. Бунлары нәзәрә алараг, халг көнүллү олараг Јерусәлимә көчәнләрин фәдакарлығыны гијмәтләндирир вә шүбһәсиз ки, онлара немәтләр вермәси үчүн Јеһоваја дуа едир.
Иманла давранмаг Аллаһын разылығыны газандырыр
15 Биз һәјатымызы Јеһоваја һәср едәндә сөз вермишдик ки, гејд-шәртсиз Онун ирадәсини јеринә јетирәҹәјик. Баша дүшүрдүк ки, бу әһди јеринә јетирмәк үчүн нәјисә гурбан вермәли олаҹағыг. Лакин бизә хошумуза ҝәлмәјән иш тапшырыланда Јеһованын ирадәсини нә дәрәҹәдә јеринә јетирмәјә һазыр олдуғумуз сынаныр. Бу кими мәсәләләрдә фәдакарлыг ҝөстәрәндә, һәтта чәтин олса белә, Јеһоваја хидмәт едәндә иман саһиби олдуғумузу сүбут едирик. Јеһова бунун әвәзиндә бизә һәмишә мүкафат верир. Үстәлик, Јеһованын мүкафаты бизим вердијимиз гурбанлардан, чәкдијимиз изтираблардан гат-гат артыг олур (Мәл. 3:10). Бәс Ифтаһын гызы һаггында нә демәк олар?
Һикмәт хәзинәсиндән инҹиләр
«Неһемја» китабындан диггәтәлајиг фикирләр
10:34 — Нә үчүн ҹамаатдан мә’бәди одунла тә’мин етмәк тәләб олунурду? Мусанын ганунунда бу һагда әмр јох иди. Бу тәләб сырф еһтијаҹ үзүндән доғмушду. Гурбанҝаһда гурбанлары јандырмаг үчүн бөјүк мигдарда одун тәләб олунурду. Ҝөрүнүр, мә’бәд гуллары кими хидмәт едән Нетинимләрин сајы кифајәт гәдәр дејилди. Бу сәбәбдән, мә’бәди фасиләсиз олараг одунла тә’мин етмәк үчүн пүшк атылды.
Аллаһа мәгбул гурбанлар
12 Ромалылара үнванладығы мәктубунда Павел јазыр: «Бәдәнинизи дири, мүгәддәс вә мәгбул гурбан кими Аллаһа тәгдим един; зеһнинизи мүгәддәс хидмәтин иҹрасына сәрф един» (Ром. 12:1). Аллаһын рәғбәтини газанмаг истәјәнләрин бәдәнләри тәмиз, јәни Она мәгбул олмалыдыр. Әҝәр инсан гејри-гануни олараг наркотик маддәләр гәбул едир, сигарет чәкир, бетел гозу (Асијада ҝениш јајылмыш вә наркотик кими истифадә олунан битки нөвү) чејнәјир вә ја спиртли ичкиләрдән суи-истифадә едирсә, онун бәдәни чиркләнир вә артыг Аллаһа мәгбул дејил (2 Кор. 7:1). Бундан әлавә, ‘ҹинси әхлагсызлыгла мәшғул олан өз бәдәнинә гаршы ҝүнаһ ишләтдији’ үчүн һәр ҹүр әхлагсызлыг едәнләрин гурбаныны Аллаһ тәһгир кими гәбул едир (1 Кор. 6:18). Аллаһы разы салмаг истәјән шәхс ‘һәр бир ишиндә мүгәддәс олмалыдыр’ (1 Пет. 1:14—16).
13 Јеһованын хошуна ҝәлән диҝәр гурбан исә дилимизин бәһрәсидир. Јеһованы севәнләр Онун һаггында һәм евдә, һәм дә башгаларынын гаршысында һәмишә јахшы данышырлар. (Мәзмур 34:1—3 ајәләрини оху.) 148—150-ҹи мәзмурлары оху вә бу үч мәзмурун бизи Јеһоваја һәмд етмәјә неҹә тәшвиг етдијинә фикир вер. Һәгигәтән дә, «үрәјидүз оланлара һәмд сөјләмәк јарашыр» (Мәз. 33:1). Бизим нүмунәмиз олан Иса Мәсиһ хош хәбәри тәблиғ етмәклә Јеһоваја һәмдләр сөјләмәјин ваҹиблијини ҝөстәрмишди (Лука 4:18, 43, 44).
14 Ҹанла-башла тәблиғ етмәјимиз Јеһованы севдијимизи вә Онун рәғбәтини газанмаг истәдијимизи ҝөстәрир. Ҝәлин Һушә пејғәмбәрин јалан ибадәтлә мәшғул олан вә буна ҝөрә дә Јеһованын ҝөзүндән дүшән исраиллиләри нәјә тәшвиг етдијинә нәзәр салаг (Һушә 13:1—3). «Һәр гәбаһәтимизи бағышла, бизи мәрһәмәтлә гәбул ет. Буғалар јеринә ағзымыздан чыхан шүкүрләри тәгдим едирик»,— сөзләри илә Һушә исраиллиләри Аллаһа јалвармаға чағырырды (Һушә 14:1, 2).
15 Исраиллиләрин Јеһоваја гурбан ҝәтирә биләҹәкләри ән баһалы һејван буға иди. ‘Буғалар јеринә ағзымыздан чыхан шүкүрләр’ кими тәрҹүмә олунан ифадә орижинал мәтндә «ағзымызын ҝәнҹ буғалары» кими сәсләнир. Бу ифадә алтында һәгиги Аллаһа һәмд етмәк үчүн дејилән сәмими, јахшы дүшүнүлмүш сөзләр нәзәрдә тутулурду. Јеһова бу ҹүр гурбанлар ҝәтирәнләрә неҹә јанашырды? О демишди: «Онлары үрәкдән севәҹәјәм» (Һушә 14:4). Бу ҹүр һәмд гурбанлары ҝәтирәнләрдән Јеһова Өз әфвини, лүтфүнү вә достлуғуну әсирҝәмирди.
28 АВГУСТ — 3 СЕНТЈАБР
АЛЛАҺЫН КӘЛАМЫНДАКЫ ХӘЗИНӘ | НӘҺӘМЈА 12, 13
«Дост сечимимиз Јеһоваја садиглијимиздән хәбәр верир»
it-1-E с. 95, абз. 5
Әмуниләр
Тубијјә мәбәддән говулдугдан сонра халга Аллаһын Кәламындан Ганунун тәкрары 23:3—6 ајәләриндәки ганун охунду. Орада гејд олунурду ки, әмуниләр вә муабиләр Исраил иҹмасына дахил ола билмәзләр вә халг бу сөзләрә әмәл етмәјә башлады (Нә 13:1—3). Бу гадаға тәхминән 1000 ил әввәл, әмуниләр вә муабиләр Вәд олунмуш дијара ҝедән исраиллиләрә көмәк етмәкдән имтина етдикләри үчүн верилмишди. Бу исә о демәк иди ки, һәмин халглар Исраил иҹмасынын саһиб олдуғу имтијазлардан вә һүгуглардан јарарлана билмәздиләр. Бунунла белә, әмуниләр вә ја муабиләр исраиллиләрлә даныша вә онларын арасында јашајыб Аллаһын халга вердији немәтләрә шәрик ола биләрдиләр. Буна сүбут олараг, әввәлдә ады чәкилән Давудун ҹәсур дөјүшчүсү әмуни Салигин, һәмчинин муаби Рутун адыны чәкмәк олар (Рт 1:4, 16—18).
Сиз пак едилдиниз
5 Неһемја 13:4—9 ајәләрини оху. Зәрәрли тәсирләрлә әһатә олундуғумуздан мүгәддәс галмаг елә дә асан дејил. Мәсәлән, Мүгәддәс Китабда баш каһин Елјашивдән вә Фарс падшаһынын Јәһудејаја, еһтимал ки, кичик мәмур тәјин етдији аммонлу Товијадан бәһс олунур. Товија вә онун достлары Неһемјанын Јерусәлим диварларыны бәрпа етмәк ҹәһдләринә гаршы чыхмышдылар (Неһ. 2:10). Аммонлуларын мәбәдин әразисинә дахил олмалары гадаған иди (Ганун. т. 23:3). Бәс онда нә үчүн баш каһин Товија кими бир адама мәбәдин јемәк отағында јер вермишди??
6 Товија илә Елјашив достлуг едирдиләр. Товија вә оғлу Јеһоханан јәһуди гызы алмышды вә бир чох јәһудиләр Товија һаггында ағыздолусу данышырдылар (Неһ. 6:17—19). Елјашивин нәвәләриндән бири Товијанын јахын досту олан Самарија валиси Санбаллатын гызыны алмышды (Неһ. 13:28). Ҝөрүнүр, баш каһин Елјашив мәһз бу достлуг әлагәсинә ҝөрә Аллаһын халгына гаршы чыхан бу гејри-јәһудинин она тәсир етмәсинә јол вермишди. Анҹаг Неһемја Товијанын бүтүн әшјаларыны јемәк отағындан чыхардыб атмагла Јеһоваја сәдагәт тәзаһүр етдирмиш олду.
w96-E 15/3 с. 16, абз. 6
Сәдагәтимиз сынанда
6 Јеһова Аллаһа садиг олмаг истәјириксә, Онун дүшмәнләри илә достлуг етмәјәҹәјик. Исанын шаҝирди Јагуб бунунла бағлы јазмышды: «Еј вәфасызлар, мәҝәр билмирсиниз ки, дүнја илә достлуг Аллаһла дүшмәнчилик демәкдир? Буна ҝөрә дә дүнјанын досту олмаг истәјән өзүнү Аллаһын дүшмәни едир» (Јагуб 4:4). Биз Давуд падшаһын сәдагәтиндән нүмунә ҝөтүрмәк истәјирик. О, садиглијини бу сөзләрлә ифадә етмишди: «Еј Јеһова, Сәнә нифрәт едәнләрә неҹә нифрәт етмәјим? Сәнә гаршы чыханлардан неҹә икраһ етмәјим? Бүтүн нифрәтимлә онлара нифрәт едирәм, онлар мәним гаты дүшмәнимдир» (Зәбур 139:21, 22). Биз биләрәкдән ҝүнаһ едән кәсләрлә достлуг етмирик, онларла ортаг, шәрик һеч нәјимиз јохдур. Јеһоваја сарсылмаз сәдагәтимиз варса, истәр шәхсән, истәрсә дә телевизија васитәсилә Онун дүшмәнләри илә достлуг гурмагдан гачмалыјыг.
Һикмәт хәзинәсиндән инҹиләр
it-2-E с. 452, абз. 9
Мусиги
Мәбәддә мәзмур охунмасына хүсуси өнәм верилирди. Буну Мүгәддәс Јазыларда мәзмур охујанлара едилән чохлу сајда истинадлардан ҝөрмәк олар. Орада һәмчинин дејилир ки, онлар өзләрини бүтүнлүклә бу ишә һәср едә билсинләр дејә, диҝәр лавилиләр үчүн верилән үмуми мәсулијјәтләрдән азад идиләр (1См 9:33). Онлар Бабилдән гајыданлар арасында ајрыҹа бир груп кими вурғуланыр. Бу да ону ҝөстәрир ки, лавилиләрдән олан бу груп һәлә дә ајрыҹа фәалијјәтини давам етдирирди (Үз 2:40, 41). Һәтта фарс шаһы Артаксеркс (Әлиузун) әмр верир ки, бу кими хүсуси груп инсанлардан «верҝи, хәраҹ вә торпагбасды» алынмасын (Үз 7:24). Даһа сонралар шаһ «онларын ҝүндәлик тәләбатларынын өдәнилмәси» илә бағлы дәјишмәз бир фәрман верир. Бу фәрман шаһ Артаксеркс тәрәфиндән верилсә дә, чох ҝүман ки, ону халга Үзејир чатдырмышды. Үзејирә бу сәлаһијјәти шаһ вермишди (Нә 11:23; Үз 7:18—26). Беләликлә, мәзмур охујанларын һамысы лавили олса да, Мүгәддәс Китабда онларын нәјә ҝөрә ајрыҹа «мәзмур охујанлар вә лавилиләр» адландығыны баша дүшмәк олар (Нә 7:1; 13:10).