Аллаһ реал шәхсијјәтдирми?
Адәтән верилән ҹаваблар:
◼ «О, күләк кими, һәр јердә вә һәр шејдәдир».
◼ «О, мүҹәррәд шүур вә ја гүввәдир».
Иса бу һагда нә демишди?
◼ «Атамын евиндә чох отаглар вардыр» (Јәһја 14:2). Иса мәҹази мәнада Аллаһын евинин, јахуд јашадығы мәканын олдуғуну демишди.
◼ «Мән Атадан чыхыб дүнјаја ҝәлдим; јенә дүнјаны тәрк едиб Атанын јанына ҝедирәм» (Јәһја 16:28). Иса Аллаһын мүәјјән јердә јашајан реал Шәхсијјәт олдуғуна әмин иди.
АЛЛАҺ һеч вахт Иса үчүн мүҹәррәд гүввә олмајыб. Әксинә, о, Аллаһла сөһбәт едир вә дуада Она мүраҹиәт едирди. Иса тез-тез Јеһованы сәмави Атасы адландырырды. Бу исә онларын арасында сых, сәмими мүнасибәтләрин олдуғуна ишарә едир (Јәһја 8:19, 38, 54).
Дүздүр, «һеч бир заман Аллаһы кимсә ҝөрмәмишдир» вә «Аллаһ руһдур» (Јәһја 1:18; 4:24). Анҹаг бу о демәк дејил ки, Онун үмумијјәтлә бәдәни јохдур. Мүгәддәс Китабда дејилир: «Ҹисим вар ки, тәбиидир, ҹисим дә вар ки, руһанидир» (1 Коринфлиләрә 15:44). Јеһованын руһани бәдәнә малик олдуғуну дејә биләрикми?
Бәли. Иса дирилдикдән сонра «ҝөјүн өзүнә ҝирди ки, инди уғрумузда Аллаһын һүзурунда зүһур етсин» (Ибраниләрә 9:24). Бу ајә бизә Аллаһ һаггында ики ваҹиб һәгигәти ачыглајыр. Биринҹиси, Онун јашадығы мәкан вар. Икинҹиси, О, шәхсијјәтдир. Аллаһ садәҹә олараг, һәр јердә олан мүҹәррәд гүввә олсајды, Иса онун һүзурунда неҹә дура биләрди?
Бәс онда Аллаһын һәр шеји идарә етмәси неҹә мүмкүндүр? Аллаһ каинатын истәнилән јеринә Өз фәал гүввәсини, мүгәддәс руһуну ҝөндәрә билир. Ата тәсәлли вермәк вә дајаг олмаг үчүн ушағына әлини узатдығы кими, Аллаһ да нијјәтини һәјата кечирмәк үчүн мүгәддәс руһуну ҝөндәрир (Мәзмур 104:30; 139:7).
Шәхсијјәт олдуғундан Аллаһ мүәјјән кејфијјәтләрә, һәтта һиссләрә маликдир. Онун бәјәндији вә бәјәнмәдији шејләр вар. Мүгәддәс Китабда дејилир ки, О, Өз халгыны севир, әлләринин иши Она севинҹ ҝәтирир, бүтпәрәстлијә нифрәт едир вә пислији ҝөрәндә кәдәрләнир (Јарадылыш 6:6; Ганунун тәкрары 16:22; 1 Падшаһлар 10:9; Мәзмур 104:31). 1 Тимотејә 1:11 (ЈД) ајәсиндә О, «хошбәхт Аллаһ» адланыр. Исанын Аллаһы бүтүн гәлбимизлә севә биләҹәјимизи демәси һеч дә тәәҹҹүблү дејил! (Марк 12:30)a.
[Һашијә]
a Бу мөвзу илә бағлы әтрафлы мәлумат үчүн Јеһованын Шаһидләри тәрәфиндән дәрҹ олунмуш «Мүгәддәс Китаб әслиндә нә өјрәдир?» китабынын 1-ҹи фәслинә бахын.
[5-ҹи сәһифәдәки шәкил]
Ата ушағына әлини узатдығы кими, Аллаһ да Өз нијјәтини јеринә јетирмәк үчүн мүгәддәс руһуну ҝөндәрир